يا بنت يا بنت روحي لا تحومي وتلوين... ابن الجنوب

[نديم القوااافي]

ابن الجنوب هذا بدع من جوف كبدي ان جاز لك رد عليه .. والا شب وقلقل :clap: :clap:


بدع : نديم القوااافي=
0=
يا بنت يا بنت روحي لا تحومي وتلوين=
ما عاد للعشق في قلبي مكان(ن) ور سّام*=
اصبحت مثل الكفيف اللي لبس له مناضر=
لا شاف دربه ولا جمّل مع اهل الجميله=


*ورا السام

[صقر الجنوب]

اصبحت مثل الكفيف اللي لبس له مناضر
لا شاف دربه ولا جمّل مع اهـل الجميلـه


أبو سند صح لسانك على هذا الكلام الرائع

صح بدنك يا ابو احمد مرورك شرف وتاج لروس الرجال

[ملك الليل999]

صح لسانك ابو سند مبدع كعادتك
وننتظر ابن الجنوب لاكمال الرد والترجمه

[فهد قزعه]

طيب طيب صح لسانك واعتلا شانك

[إبن الجنوب]

هههه صح لسانك ياشيخ وأنا مااقدر اشب واقلقل ممنوع من البلديه هنا لكن الرد أهون ...

الرد:إبن الجنوب=
*=
عندك عمى ألوان وش تبغي بلوحه وتلوين؟=
كلّفت عمرك تدوّر لك مصمّم ورسّام=
أمّا أنا من فضل ربي قبل عيني مناضر=
فرّقت بين الدّيار الموقته والجميله=

[إبن الجنوب]

إنت خطير وبما إنّي فهمت خفايا بدعك وأنا ترى ماتمرّ عليّه حنقفة أهل الديره أبخصهم زين إقترب آخذ علومك ولا إنت بعيد أسوي عليك حضر ...

البدع:إبن الجنوب=
*=
يابو سند لا تدوّر مطعمه في فلس طين=
اصبر ولا تمتحنّا بالصّواريخ قسّام=
لومك على من نهب قلبك بكفّه وياسر=
أمّا نحن مالنا ياخوك في ألامر حيله=

[شايب العشرين]

اثارك منت ببسيط يا نديم لاكن قبلك ابن عباد ههههههههههه
صحت الاللسن وتعافت الابدان موفقين

[علي السبيَه]

انشبت عمرك ياابوسند والله يعينك كما اللي يستورد الجن ولا يقدر يصدرهم
وصح لسانك ولسان المعلم ابن الجنوب ملايين

[نديم القوااافي]

صح لسانك ابو سند مبدع كعادتك
وننتظر ابن الجنوب لاكمال الرد والترجمه


صح بدنك يا ملك الابداع .. مرورك يسعد به ابو سند ويستانس خخخخخخخخخخخخ

[نديم القوااافي]

طيب طيب صح لسانك واعتلا شانك


صح بدنك يا ذيبان .. لا خلا ولا عدم

[نديم القوااافي]

هههه صح لسانك ياشيخ وأنا مااقدر اشب واقلقل ممنوع من البلديه هنا لكن الرد أهون ...

الرد:إبن الجنوب=
*=
عندك عمى ألوان وش تبغي بلوحه وتلوين؟=
كلّفت عمرك تدوّر لك مصمّم ورسّام=
أمّا أنا من فضل ربي قبل عيني مناضر=
فرّقت بين الدّيار الموقته والجميله=

صح لسانك يا ابو سالم والله ان ردك شرف لي وللبدع safaqah ابداع من مصدر الابداع ومنبعه

[نديم القوااافي]

اثارك منت ببسيط يا نديم لاكن قبلك ابن عباد ههههههههههه
صحت الاللسن وتعافت الابدان موفقين


صح بدنك يا ابو يزن هههههه وانا معرف للدفن يا ذيبان ابو سالم مدري وش توهم غمزة

[نديم القوااافي]

انشبت عمرك ياابوسند والله يعينك كما اللي يستورد الجن ولا يقدر يصدرهم
وصح لسانك ولسان المعلم ابن الجنوب ملايين

صح بدنك يا ابو طلال مرورك شرف يا ذيبان .. والجن لا ذكرنا الله شردو لكن رفيقك ماله حل دموووع

[نديم القوااافي]

إنت خطير وبما إنّي فهمت خفايا بدعك وأنا ترى ماتمرّ عليّه حنقفة أهل الديره أبخصهم زين إقترب آخذ علومك ولا إنت بعيد أسوي عليك حضر ...

البدع:إبن الجنوب=
*=
يابو سند لا تدوّر مطعمه في فلس طين=
اصبر ولا تمتحنّا بالصّواريخ قسّام=
لومك على من نهب قلبك بكفّه وياسر=
أمّا نحن مالنا ياخوك في ألامر حيله=

صح لسانك يا ابو سالم والله يجاور بنا مسلمين . تقبل ردي اللي يشتكي الضعف وقلة البصيره .


الرد : نديم القوااافي=
0=
يصحابنا شوفوا اللي حاصلن في فلسطين=
يتهالك الشعب والسبه صواريخ قسّااام=
عباس ذا جوبه الموساد من بعد ياسر =
اسعد خبر يا رفيقي يوم نعلم رحيله =

[نمرغامد07]

فديت كبدك يا بو سند
محاوره جميله
اتمنى للجميع التوفيق

[إبن الجنوب]

طيب ياشيخ طيب تراني أحب المزح وسعة الخاطر يابو سند ويعجبني الكلام المبطّن...

البدع:إبن الجنوب=
*=
إنكان عندك رصيد وشيك عندي مصرفين=
ساهمت وأبعدت مخصوص الفوايد من العام=
سوقي ضمن صافي ارباحي وسوقك مغادر=
سمعتك إمسي تقل ياويل من حدّني له=

[الساهر]

الله يعينك يابو سند على ابن الجنوب وهذي يبغى لها البسطويسي يرد عليها( مصرفين)

متابع وبعد اخترجها من قلبك يابوسند صدق خل افضى لك بس

[شاعر بالمفضل]

انا لله انا لله


صحت الالسن وتعافغت الابدان

واصلوا والله يقانا

[صقر الجنوب]

إبن الجنوب
نديم القوااافي
بيض الله وجوهكم يا المطاليق انا اشهد ان كلامكم يشرح الصدور

[نديم القوااافي]

الله يعينك يابو سند على ابن الجنوب وهذي يبغى لها البسطويسي يرد عليها( مصرفين)

متابع وبعد اخترجها من قلبك يابوسند صدق خل افضى لك بس

ههههه ههههه اني من كثر ما ضحكت يالساهر علق كمبيوتري .. والهدهد اللي جاب لك علوم البسطويسي بشره بالجمر ..

[نديم القوااافي]

طيب ياشيخ طيب تراني أحب المزح وسعة الخاطر يابو سند ويعجبني الكلام المبطّن...

البدع:إبن الجنوب=
*=
إنكان عندك رصيد وشيك عندي مصرفين=
ساهمت وأبعدت مخصوص الفوايد من العام=
سوقي ضمن صافي ارباحي وسوقك مغادر=
سمعتك إمسي تقل ياويل من حدّني له=

هههههههه خل مصر وحد نيلها يقعد للجن .كذااااااااا كذااااااااا

الرد : نديم القوااافي=
0=
شفتك بعيني تحرّج والخلايق مصرفين=
ودك تصرف بضايع فوق قلبك من العام=
والمشتري لا اقترب عندك يعود مغادر=
حظك في السبت متعثر وفي الحدّ نيله=

[إبن الجنوب]

ههههه إذاكان بداية الاسبوع نيله فالايام الباقي ستين نيله تفاءل لي بالخير ياشيخ..وإللي شفته يحرّج ترى ماهو انا يمكن شبّهت ...

البدع:إبن الجنوب=
*=
عندي جنيهات ماأوكّل عليها الملاعين=
في خزنة البنك الاهلي قبلها قفل وارقام=
انكان شبّهت فانا ياإبن عمي مسافر=
أنشد مدير المطار الخاص وإلاّ وكيله=

[نديم القوااافي]

طيب يا شيخ طيب ههههههه والله مدري عن كلمة ارقام في ردي هي تعتبر شقر والا لا .. ليت تفتينا يا ابو سالم غمززززة وتوص في خويك الغلباااان


الرد : نديم القوااافي=
0=
وانا بعد عندي البلجيك شوفه ملا عين=
وعندي البرنو اللي فوقها اختوم وارقام=
يا طير فر الصباح ان شفتني والمسا فر=
قدام نشتال لحمك من عضامك واكيله=

[علي السبيَه]

عوافي ياربعي وصحت السنتكم وكلين مافيكم حيله

[إبن الجنوب]

بعد معك حبّن ماطحن يابو سند لكن وكلّ به الله...

البدع:إبن الجنوب=
*=
تدوّر الفايته ياذيب وتبدّل اسمين=
والمال عندك ورعيانه دواشر وهيّام=
مدري تحبّ التعب وإلاّ بطبعك مغامر=
كبّ المساري معك في ديرة المنع ميله=

[نديم القوااافي]

ما في راسي الا التفكير بمفروم رمضان خخخخخخخخخخخخ خخخخخخخخخخخخ




الرد : نديم القوااافي=
0=
مسكين يا قلب يرجف لا ذكر حوله اسمين=
وانا احسبه في طبول الحرب عاشق وهيااام=
كنت احسبه سيل يغمر كل وادي مغامر=
لن شفت ثوبه بثمّه شارد (ن) من عميله =

[إبن الجنوب]

أترك مفروم رمضان غيرك مسئول عنه أنا وإياك إن كان الله أحيانا مانفطر إلاّ على قصيده يوميا...

البدع:إبن الجنوب=
*=
والله لاأورّي العاقل دروب المجانين=
وآهب على جبهته في ساحة إشهار وشّام=
علمي بعد في ورود إنكان غيري مصادر=
قلبي بعد مامحى التّعبات وأشفى غليله=

[إبن الجنوب]

دوبي ريت إستفسارك عن كلمة (ارقام)يابو سند إنكان تقصد 12345 فلا تعتبر شقر لانك كررت نفس الكلمه اما إذا كان معك لها تفسير ثاني فصحيحه وترى جاني رساله خاصه بخصوص نفس الكلمه من احد المتابعين قلت اسألوا ابو سند فإنت اعطنا وشكان قصدك وامر الله من سعه وانا رفيقك...

[نديم القوااافي]

الف شكر لكل من مر وعلق كل واحد باسمه .. وكلمة ارقام يا ابو سالم انا اقصد فيها العلامات مثل دايره 11 وغيرها .. والضاهر انها طحست


الرد : نديم القوااافي=
0=
طلاّبنا راحو امريكا وللعلم جانين=
جونا بعلماً يقولون اتركو القدس وشّام=
يقلون الاقصى يهودي في جميع المصادر=
وانا معا المسجد الاقصى ودمي غلي له=

[شايب العشرين]

يا الله فال خير من تا العلوم ولا عين حد يعترف
حسبكم الله

[إبن الجنوب]

هههههه طيب ياشيخ قرّه دايرة11 لكن أما أمريكا بين العيون...

البدع:إبن الجنوب=
*=
إن عاش راسي طفيت أنواركم ياموشّين=
واقلب كهارب لياليكم سوادن وظلاّم=
لاترقبون السّعد والحظ في كل فاجر=
ماينفتح بابكم بعد الرّصد واشمعي له=

[علي السبيَه]

الله يجاور بنا مسلمين

[نديم القوااافي]

يا سلام يا سلام يا ابو سالم على الشغل الكايف .. الله يجملنا معك ..ومشكور على مرورك الكريم يا ابو طلال ...



الرد : نديم القوااافي=
0=
يا حبكم للفتن والمحقره يا موشين=
لكنّ مانا على اخواني بفاجر وضلاّم=
حلفت ما اخذ ولا اسمع نصح من كل فاجر=
واخي بيبقى بجنبي لو درا وشمعي له=

[إبن الجنوب]

طيب ياشيخ انا مالي شغل يكون ابدع ولو تردّ بالاوردو قبلت أترك الباقي للمتصفحين وهذا لايعني نقص من مكانك فانت كفو ولكن بيني وبينك سؤال وجواب وهذا طبعي إللي احبّه أعاتبه وإللي مايهمني فحرف واحد كثير فيه...

البدع:إبن الجنوب=
*=
أخوك سميّت قلبه لي جمايل ولي دين=
أرفع مقامه فلا قبلك عذوق(ن)وعزّام=
بعض المعاني لها وقعن سواة المعابر=
وإلاّ كما همّ من ضيّع في البر دليله=

[نديم القوااافي]

صح لسانك يا ابو سالم والمحاوره معك مكسب واعدها دروس لي ... عسى اجاباتي صحيحه خخخخخخخخخخخخ


الرد : نديم القوااافي=
0=
ان كان ودك تهاوش بالقصايد وليدين=
وجيتنا يا علي طامر وناوي وعزام=
عزالله انا بنقفل عنك كل المعابر=
ونقول يا غاير امرح في سنا البرد ليله=

[إبن الجنوب]

طيب يابو سند إلاّ ماتلاحظ إن بعض الاسماء عبء على منتدى رباع...بالنسبه لإجاباتك نهاية السنه أعطيك النتيجه إن شاءالله...

البدع:إبن الجنوب=
*=
لاتلحق إللي يلالي في وجوه المحازين=
ولا تزاحم فقير إن كان مالك وليّام=
يابو سند كفّ عن بعض المعارف وتاجر=
غيرك سمح ناس واجد في مقاصد وهي له=

[نديم القوااافي]

معك معك يا ابو سالم والرشا يحفر الحيد .. السعوددية


الرد : نديم القوااافي=
0=

الوقت يا كم هلك عالم ويا كم محا زين=
ان كنت والي على زهران فانا ولي يام=
وان كنت شاعر فانا شاعر وشيخً وتاجر=
لي عزم واقدر عليك اهد الانصب واهيله=

[إبن الجنوب]

سعدت بمحاورتك يابو سند وهذى ختاميه وللحديث بقيه بيننا إن اراد الباري والعذر والسموحه إنكان صدر مني مايضايقك فترى الدعوى كانت مجرد تسليه وكم سؤال تمت الإجابه عليها بمنتهى الذكاء من طرفك...

البدع:إبن الجنوب=
*=
بعد تناقض علومك في وجود الزّهارين=
الامر ماهو بعادي دام في نجد حكّام=
انكان باقي معك للودّ رغبه وخاطر=
لاتجحد الفارس إللي لازم ارسان خيله=

[نديم القوااافي]

صح لسانك يا ابو سالم .. المحاوره معك شرفومكسب . ومنك ومن امثالك نستفيد ونتعلم وعذرني على قصوري في مجارات ابداعك


الرد : نديم القوااافي=
0=
انا فدا الزين كله والوجيه الزهارين=
القلب ماهو بالايدي لجل نحكمه حكام=
ما ني مراهق ولا ني عاشقً كل خاطر=
غضيت طرفي غصيبه عن جميلاً نخيله=

[لؤلؤة زهران]

نديم القوافي
ابن الجنوب

بارك الله فيكم استمتعنا بمتابعتكم ابيات شعريه رائعه وراقيه وحوار شيق
ماشاء الله تبارك الله
تلألأت الصفحه وانارت المنتدى بحروفكم المضيئه
دمتم بخير جميعا وفي خير
تحيااااااااااتي

[شايب العشرين]

موفقين موفقين ابو سالم عقشه لاكن نديم ذكي با جاباته
والله منكم نتعلم يالنشاما

[عاشق المها]

صحّت الألسن وتعافت الأبدان على هذه المحاوره الرائعه ....
لا عدمناكم يالنشامى..

[شاعر بالمفضل]

علمكم يهول

وقصايدكم تهول

ابو سالم

ابو سند

صحت الالسن وتعافت الابدان

وكل عام وانتم والجميع بخير

[الحسين الشيخي]

الشفاعة يامحمد

صحت ألسنتكم يامغزله

[علي السبيَه]

نديم القوافي
ابن الجنوب

ابدعتم وامتعتمونا بمحاوره رائعه لا تليق
الا باالكبار امثالكم وصحت السنتكم وابدانكم