عناقيد التعب

[الهجيــــر]

الصدر ودًه يحتضن دمع السحابه لأنسكب=وآنا أحمد الله لأنسكب دمع السحب كنًي رويت
والقلب غصن ومنه تتدلًى عناقيد التعب=يسقيه همي كل ما يظمى بغيت أو ما بغيت
مادام وجه الصبح يتنفس مشاريه وعتب=جثم عليً الهمً وأثقل كاهلي لين أنحنيت
يا جرح لو تعرف شعوري والقصايد تنكتب=ما كان خلًيت الدموع الخرْس تكتب كلً بيت
لا صار جرحي شيخ صدري بشعل ضلوعي حطب=ضيفانه أحزاني وأقلطهم وكنًي ما دريت
مافي دموع ولا هموم ولا جروح بلا سبب=إقرا عيوني وأنت تفهمني وقل لي وش قريت
شف دمعة الرجال تنزل وأنت تحسبها لعب=ياجرح من قدك وأنا في هيبتي كلي بكيت
هذي مشاعر كيف تحسبها وهي ما تنحسب=لازم تحس بلهفة أشواقي لو إني ما حكيت
أشاهدك بعيون من يهوى وقلب اللي يحب=أموت لو تطري لي الفرقى ولا شفتك حييت
هذا فراقك مدً لي كفه والا جيت أنسحب=أصافحه غصب(ن) على قلبي لو إني ما نويت
لا عاش عنقود التعب ماتت عناقيد العنب=تبقى على صدري حسايف شلتها لين أنتهيت
تدري وش اللي صار في صدري بعد دمع السحب؟=بدال ما تروي عروق الحب فيني صرت ميْت

[ملك الليل999]

ماذا عساني ان اقول لكل بيت يملك احساس
رائع ومبدع ومافيك حيله
صح لسانك عدد عناقيد العنب في الكون
تقبل اطيب تحيه وتقدير
safaqah

[علي السبيَه]

بالمختصر المفيد الشعر هو الهجير والهجير هو الشعر
تقبل مروري المتواضع واعجابي اللي ماله حدود

[إبن الجنوب]

الله عليك يالهجير مبدع أين ماكنت صح لسانك ياشيخ...

[فهد قزعه]

صح لسانك يالهجير مبدع

[متعب الدوسي]

صح لسانك مدد بلا عدد
لاهنت على هذا الأبداع

[الهجيــــر]

ماذا عساني ان اقول لكل بيت يملك احساس
رائع ومبدع ومافيك حيله
صح لسانك عدد عناقيد العنب في الكون
تقبل اطيب تحيه وتقدير
safaqah

لا تقول شي يابو أحمد
مرورك يكفيني
لا هنت

[مبحره]

استااذي الهجيير ما اجمل ما خطته اناااملك من نزف قلمك

ننتظر جديدك الرااااااقي
http://www.tamatart.com/wp-content/uploads/Grapes-012-200x300.jpg

[الهجيــــر]

بالمختصر المفيد الشعر هو الهجير والهجير هو الشعر
تقبل مروري المتواضع واعجابي اللي ماله حدود

تسلم يابو طلال
أسعدني مرورك

[الهجيــــر]

الله عليك يالهجير مبدع أين ماكنت صح لسانك ياشيخ...

إبن الجنوب
صح بدنك ولا هنت
شرفني تواجدك وتراك صرت زميل ما نعذرك

[روعة الصمت]

مــافــي دمــــوع ولا هــمــوم ولا جــــروح بــــلا ســبــب
إقــرا عيـونـي وأنــت تفهمـنـي وقــل لــي وش قـريــت

رائع أستاذي الهجير دوما لكلماتكـ طابع خاص شكرا لان كلماتكـ اسعدتنا رغم الألم .

[الهجيــــر]

صح لسانك يالهجير مبدع

صح بدنك يا فهد
الابداع في تواجدك

[صقر الجنوب]

حسبك الله في ذا الابداع

[الهجيــــر]

صح لسانك مدد بلا عدد
لاهنت على هذا الأبداع

صح بدنك يا متعب
شرفني تواجدك

[الهجيــــر]

استااذي الهجيير ما اجمل ما خطته اناااملك من نزف قلمك

ننتظر جديدك الرااااااقي
http://www.tamatart.com/wp-content/uploads/grapes-012-200x300.jpg

مبحـــــــــــره

الجمال والرقي في تواجدك هنا
لا هنتي أختي الكريمه

[الهجيــــر]

مــافــي دمــــوع ولا هــمــوم ولا جــــروح بــــلا ســبــب
إقــرا عيـونـي وأنــت تفهمـنـي وقــل لــي وش قـريــت

رائع أستاذي الهجير دوما لكلماتكـ طابع خاص شكرا لان كلماتكـ اسعدتنا رغم الألم .

روعة الصمت

شكراً لمرورك العطر
أسعدني تواجدك
لكن اكتبي بخط أكبر شويه تفقعت عيوني وانا أقرأ

[الهجيــــر]

حسبك الله في ذا الابداع

هلا يابو أحمد

شرف لي أن يروق لك ما أكتب
محبتي ومودتي

[حفيد جريبيع]

السلام عليكم ورحمة الله وبركاته
لك مني كل الاحترام والتقدير اخي الهجير

ليس لدي ما اقول فقد اخرست فمي عن الكلام بهذه الكلامات التي تفوق الخيال ابداع وفقك الله..،

[عناقيد]

الهجير ..

ماذا تفعل يارجل الشعر

وخالقي كأنك تنسج ارواح شعريه لامعه

يسيرون في كل دروب الحياة

ويقومون بسحر ارواح الارض

وتعطيرهم بعطرك الفياض

ياالهجير
وخالقي ان ابداعك لانهاية له
وانك تمارس طقوسا بعيدة عن المجال الشعري
لأنك الشاعر الذي نسج له طريقه الخاص في اللغة الشعرية
لديك القدرة على تنميق الألم ، تطريز الجرح ، و تعطير الوجع
وأنت الوحيد القادر عَلى تسخير الشعر لهندمة المعاناة و إظهارها بأجمل حلة
والله إنك لمبدع
وكَفى

تحيتي..


همسه....جذبني العنوان!!

[الرميصاء]

الله يعطيك العافيه وعيني عليك بارده