سلام يابن الجنوب وجعل حالك بخير...

[عاشق المها]

مسائكم فل وكادي جميعاً ...الحقيقه ودّي أسولف معكم كلكم لكن أخترت أخونا الشاعر القدير إبن الجنوب وعسى الله يجمّلني معه ....وأتمنّى تعجبكم المحاوره ياعمالقه وأتمنّى نستفيد منكم ومن توجيهاتكم يالنشامى..


بدع أبو فيصل

سلام يابن الجنوب وجعل حالك بخير
أنشدك عن حالكم في دولة امريكيان
يقلون شعب السعودي شعب الارهابيه
وآقول جعل العِدى فالنار تهوي لها

[إبن الجنوب]

حياك الله يابو فيصل وحيا علمك ياإبن الاجواد وأنا بخير ولله الحمد مااسأل إلا عنكم جعلكم دائم بخير...

الرد:إبن الجنوب=
*=
يامرحبا ياللذي ماقارن أوّل بخير=
أقلط على شاذليّة بن وامريكيان=
أرهيت في حشمة الضيفان وارهى بيه=
وزود الاسعار ماأنشد يوم تهويلها=

[عاشق المها]

الله يجعلك دايم في صحه وعافيه ويحميك من كل شرّ وشكراً لك على هذا الرد الجميل الغير مستغرب منك وشكراً لتواضعك وقبولك محاورة عليمي مثلي والله لا يهينك ويرفع قدرك....

بدع أبو فيصل
سلام يا حضرة الباشا وحضرة وزير

توّك شباب ٍ وفي عرضك نرى الشيب حان

هي سُنّة الله في حضر ٍ وفي باديه

واقوام بادت وقوم أمراض تحتلّها

[نيس الأجرد]

بدع ورد وافي جملة وتفصيلا ..... ان الله يسعدكم دنيا واخره

[عبدالله اللبيدي]

عاشق المها

ابن الجنوب

مبدعين صحت الألسن وتعافت الأبدان عسى الله يوفقكم

[إبن الجنوب]

طيب ياشيخ طيب صح لسانك واعذرني انكان ردودي ماهي على مافي خاطرك ...

الرد:إبن الجنوب=
*=
أنحن زهارين حتى وقت عرضه وزير=
في صفّنا ماتشوف العشر والشيبحان=
يوم الشجاعه على وجه الوفي باديه=
نتذوّق الموت في جرعات تحت اللّها=

[إبن الجنوب]

نيس الاجرد :شكرا لك على مرورك وصدق الهريري أمدّ الله في عمره...

عبدالله اللبيدي:تشرفنا بمرورك طال عمرك...

[عاشق المها]

نيس الاجرد :شكرا لك على مرورك وتعليقك والله يحييك..

أخي الشاعر عبدالله اللبيدي:تشرفنا بمرورك أطال الله عمرك على طاعته...

[عاشق المها]

ياسلام ياسلام ..لا عدمناك يابن الجنوب ..



بدع ابو فيصل


صادفت لي في طريق البرّ ريم ٍ صغير


وقفت أناظر ودمع العين فوق الوجان


سألت عن سبّة الدمعه على أوجانيه


ولا لقيت الجواب إلاّ على اوجانها

[إبن الجنوب]

كيف اقل بها ياعاشق المها يالله عفوك تدري باردها امريكيه ...

الرد:إبن الجنوب=
*=
أنا في امريكا ماسافرت للقنص أغير=
عندي حراسات ديفد وإبنه الصول جان=
حولي كتايب تراقب في دلوجانيه=
وكلّ ماجاء كتيبه في دلوجانها=

[عاشق المها]

هههههههه....ههههههههه

الله يسعدك ياشيخ ويسعد ردودك الكايفه واللّي تتوج بدوعي وتجمّلها...

بدع ابوفيصل
سكبت دمّ العدى بالسيف فوق المدير
والسيف شابي وفي عين العدى يزهران
أبصار تُخطف هوى بسيوف زهرانيه
ما يمدي العين تبصر عند زهرانها

[علي السبيَه]

صح لسانك ياعاشق المها ولسان المعلم ابن الجنوب

[عاشق المها]

صح لسانك ياعاشق المها ولسان المعلم ابن الجنوب
صح بدنك يابوطلال والله يعطيك العافيه على مرورك الذي يشرفنا ....ووورد

[ابوفطيس]

صحت السنتكم يالنشاما
وبيض الله وجيهكم واصلو لاعدم

[عاشق المها]

صحت السنتكم يالنشاما
وبيض الله وجيهكم واصلو لاعدم

صح بدنك يابو فطيس ووجهك ابيض يالنشمي والله لا يهينك وودنا نواصل لكن أخوي الشاعر العملاق إبن الجنوب تأخر علينا الله يجيبه بالسلامه .....ووورد

[فهد قزعه]

عاشق المها صح لسانك
ابن الجنوب صح لسانك شكل جنيتك امريكيه والله كلام يبري العله

[ملك الليل999]

عاشق المها
ابن الجنوب

الله يبيض وجوهكم متابعين الابداع
لاعدمناكم

[إبن الجنوب]

أشكر كل من مر وعلق كل واحد باسمه والمعذره أنشغلت عنكم شويه...

الرد:إبن الجنوب=
*=
إلى بدينا تضيع الدايره والمدير=
ياعزوتي ياوفاية محزمي ياأزهران=
النصر مرفوع والرايات زهرانيه=
يامدّعي القاله أتركها لزهرانها=

[عاشق المها]

إخواني :فهد قزعه / ملك الليل

شكراً لمروركم وتعليقكم الرائع ..لا عدمناكم ...

[عاشق المها]

الله يحييك يابن الجنوب ....عسى بدوعي مجملّه معك ولكن خذني وآنا خوك على قد المعرفه واسمحني...


بدع أبو فيصل


من ذاق طعم العسل يعرف لذوقه وشير


والنحل ياخذ رحيق الورد والنيفلان


وامّا النخيل أحتمل عذقه برُبّانيه


يازين طلع العذوق وشكل رُبّانها

[إبن الجنوب]

علومك طيبه وانت أطيب وإن كان مايجمّل علينا ألآ القصايد جعلها ماتعوّد...

الرد:إبن الجنوب=
*=
قدام شرع البحر لا بدّ افكّر وأشير=
البحر مايعرف إني جيت وإنّي فلان=
سفينتي ساع ماترسي بربّانيه=
فليت باقي السّفن تغرق بربّانها=

[عاشق المها]

الله يطيّب حالك يالنشمي وصح لسانك في ما ذكرت ..



بدع ابوفيصل


الوضع في وقتنا الحالي نشوفه خطير


زادت مشاكل عيال إبليس لليِّزمان


نسمع ونقرا قصص قتل ٍ ولزمانيه


يعيذنا الله مالفتنه ولزمانها

[إبن الجنوب]

طيب طيب إنت حد مسلّطك عليه ياعاشق لاسمح الله...

الرد:إبن الجنوب=
*=
احسبك راعي بلد وأثرك سواتي خطير=
وينتظرك المرحّب والمهلّي زمان=
حوّل زمانك وأنا باحوّل أزمانيه=
إنكان حنّيت للجبرا ولزمانها=

[عاشق المها]

هههههههه....ههههههههه

سلّطني إعجابي بقصائدك وأخلاقك العاليه وتواضعك لا عدمناك يامعلم ...

هذا آخر بدع عندي واسمحني إذا أشغلتك في بدوعي المتواضعه والله يعطيك العافيه يالنشمي على تشريفي بالمحاوره معك التي أعتبرها وسام على صدري....

بدع ابوفيصل
مجار ياقلب ابوفيصل وربك يجير
مجار من فتنة أهل الشرّ والليل دان
يعيش راسي وعزّ الله منهانيه
نفسي عزيزه ولا والله منهينها

[إبن الجنوب]

ماعليك زود يابو فيصل عزيز وغالي ومرفوع الرأس طال عمرك وحنّا أخوان على كل حال وتشرّفت بمحاورتك وأتشرف بك في اي وقت...

الرد:إبن الجنوب=
*=
اللي يدور يجاور ناس لازم يجير=
ويختبر قاسي العيدان واللي لدان=
ومن يقل صاحبي باير وماأنهانيه=
يامعجل النار تتكاثر ومن هينها=