قصيده للشاعر محمد فطيس

[الرميصاء]

يقــووول فيهاا..

ياللي تقول ان الحلا في حليمه ..
يالله عسى ربي من الشوف يعميك .
عمرك سمعت ان الحلا في بهيمه؟..
بهيمة في شكلها الشوف مغويك ..
وين الحلا فيها ووين الحشيمه.
الله بلاها بالخساسه .. وباليك
قولت حلا فيهاتراها .. ظليمه ..
والزين له ناسه عسى الله يهديك..
الزين في بنت الرجال الكريمه..
اللي على حق الشرف ماتخليك ..
اللي تسمى بالشهامه .. شهيمه..
من دون مكياج بها الزين يكفيك
بناتنا ياجعلهن للغنيمه ..
احلى بنات الكون والحق يرضيك..
نحمل لهن بقلوبنا كل قيمة..
حنا ذراهن يوم خاب الرجاء فيك.
في عزهن يالله طلبتك تديمه..
واستر شرفهن دام كل شيء بيديك.
وانا نويت اللي رضخ للهزيمه.
اسمع كلامي زين من قبل لاانهيك
ماظنتي عقلك وعينك سليمه
تحتاج منهو في كلامك يربيك..
سقيم لاقالو مدح له سقيمه
حتى كلامك صار مثلك يوطيك
لحظه نبي نرجع عصور قديمه
بقول لك شي يهزك.. يبكيك
شيء يهز أهل العقول الفهيمه
ماكل شيء بالمسمى يسميك.
تدري من اللي تستحق الحليمه
ام الرسول اطهر حليمه وتكفيك.
العين تبكي من كلامك وضيمه
لكن عسى ربي بفعلك يجازيك.


مما راق لي

[محمد الحسني]

ماكل شيء بالمسمى يسميك.
تدري من اللي تستحق الحليمه
ام الرسول اطهر حليمه وتكفيك.
العين تبكي من كلامك وضيمه
لكن عسى ربي بفعلك يجازيك.




كلام كبير وقصيده في غاية الجماااال


مشكوووور اخوي على طرحك الراااائع موفق بإذن الله لك مني أجمل وأرق تحيه

[احمد معيض الخماش]

قصيده قمة الجمال والروعه نقل طيب ولك مني كل الود

[علي السبيَه]

القصيده رائعه بكل المقاييس والضاهر صار بينه وبين حليمه موقف
وهجاها بهذه القصيده والا الحلا كله في حليمه
شكرا جزيلا على النقل يااستاذه الرميصاء

[الرميصاء]

الأخوه الكرام
محمد الحسيني
بن خماش
علي السبيه
جزاكم الله خير على المرور

[بدوية]

ذائقة شعرية جميلة ..
إنتقاء ذوووق
صح لسان شاعرها ..
سلمت يمناك