مكثور خير النشاما اليوم جاني وسام (محاورة بن يحيى وعاشق المها)..

[عبدالله يحيى]

اشكر ادارة منتدى رباع على منحي اغلا وسام والحقيقه ان تواجدي مع هذه الكوكبة الشعرية وهذه الاقلام المميزة لغرض الاستفادة.
وتقديم ما نستطيع تقديمه لخدمة موروثنا الغالي
الذي مهما عملنا لن نوفيه حقه ، بغض النظر عن الاوسمـه.



مكثور خير النشاما اليوم جاني وسام =
ياصقر واجب علينا ندعم المنتدى=
وانا دريت ان فيه ابطال وارواس قوم =
مثلك وشرواك ياتاج الفخر والشرف=
وانتم هل الطيب واهل المرجله يارباع=
امداحكم قبل هذا اليوم ندري بها =

[عاشق المها]

صح لسانك وعلا شانك وألف ألف مبروك يالنشمي وأتمنى لك كل خير وفي كل مكان وأبو احمد كريم وانت تستاهل وهذي بيتين على الطاير أعذرني على تواضعها .....لأنّي باروح أصلي الفجر ...

كــريـم يـعـطي كـل نـشـمي وسام
مـبـروك يـاعـبدالله تستاهل اشكل
تـسـتـاهـل الـتكريم واشـكـل مـنه

[عاشق المها]

وهذا رد على بدعك الراقي واسمح لي لا يرقى لمستوى بدعك ....

رد أبو فيصل

مـبـروك يـا شاعر ٍ فـالـسـوق يـشري وسام

إنــت الــدوى لــلـقـلوب الـظـامـيـه مـنـت دا

يـاجـعل من عاملك بـالـحـقـد يـروى سـقـوم

يـاذيـب رمشك خطر مـاهو مـن الـلاش رف

ويــا فــارس الــقـوم يـا خـيّـال يـربـع ربـاع

وجـــودكــم بـــيـــن خــلــق الله نـدري بـهـا

[عبدالله يحيى]

صح لسانك وعلا شانك وألف ألف مبروك يالنشمي وأتمنى لك كل خير وفي كل مكان وأبو احمد كريم وانت تستاهل وهذي بيتين على الطاير أعذرني على تواضعها .....لأنّي باروح أصلي الفجر ...

كــريـم يـعـطي كـل نـشـمي وسام
مـبـروك يـاعـبدالله تستاهل اشكل
تـسـتـاهـل الـتكريم واشـكـل مـنه


ابو فيصل تسلم وصح لسانك على البدع وعلى الرد في نفس الوقت
وهذا من زود اهتمامك وطيبك وافي الله يطول عمرك .



الرد/ عبدالله يحيى =
سلمت ياسيفاً خطيراً وسام=
في حومة الميدان وش باد وش كل=
والا هوى في العظم وش كل منه=

[عبدالله يحيى]

~~

وهذا اقل مانقوله مقابل تواجدك بهذه الصفحة


البدع / عبدالله يحيى=
لا هنت ياشاعراً للقيف قايم مقام=
ماهمه البدع في ضرب المثل والردا=
يصوغ الامثال حسب اعرافنا والسلوم =
تعيش يالشاعر الدندون والمحترف=
والمرجله مالها إلا كفوا وإلا شجاع=
مثيل ابو فيصل الطولات ياجي بها =

[عاشق المها]

~~

وهذا اقل مانقوله مقابل تواجدك بهذه الصفحة


البدع / عبدالله يحيى=
لا هنت ياشاعراً للقيف قايم مقام=
ماهمه البدع في ضرب المثل والردا=
يصوغ الامثال حسب اعرافنا والسلوم =
تعيش يالشاعر الدندون والمحترف=
والمرجله مالها إلا كفوا وإلا شجاع=
مثيل ابو فيصل الطولات ياجي بها =


وافي يابوعبدالرحمن والله لا يهينك يالنشمي والحقيقه لا نرقى لمستواك لا في الشعر ولا في غيره ولي الشرف في الرد عليك واسمح لي على القصور ...rolleyes:



الرد ابوفيصل


مـثـل الـجـبـل شـامـخ ٍ عبدالله قايم مقام


سـلـمـت مـن كـُل شـرُّ ونـظرة أهل الردا


أخلاقـكـم عـالـيـه فـي حـرب والا سـلـوم


لـك نـظـرة ٍ سـامـيـه ما هي بلمح الترف


يـشبعك كفّك وبعض الناس واللاش جاع

يـاقـايـد الـقـوم يـاضـرغـام ونـجـي بـهـا

[عبدالله يحيى]

البدع/ عبدالله يحيى=
حي الله من له في الامثال منبع دعام=
من يسمع اقصائده يطرب لها من شدا=
ماهي بيوتاً تجينا بالكدر والسموم=
ولا يسدد بلا مقلوت وابلا هدف =
الكفو يبدي لنا ياشيخ واللآش راع=
مأجمل بيوتك يبوفيصل وياطيبها =

[عاشق المها]

الله يوفقك يابو عبدالرحمن ويرفع قدرك يالنشمي ولا يهينك ويجبر بخاطرك ...

الـرد ابوفيصل


يـامـرحـبـا يـالباس الجنب من بعد عام


طـالـت بـك الـغـيـبه عنّا كيف ما تنشدا


سـافر بك القارب إللي ماتعرّض سموم


يـسـيـر فـالـبـحر لا مجداف وابلاه دف


وسـرعـتـه فايقه عالوصف وبلا شراع

أمـواج يـظهـر بـهـا وامـواج يـاطي بها

[عبدالله يحيى]

الله الله الله يابو فيصل ويش هذا العلم
يايخي كلامك يشووووق للقصائد

على قل معرفتي جبرتني على البدع



البدع / عبدالله يحيى =
ياما في الغرب من ضيقه وبالشرق يام =
اثار عمري مفارقني ورايح سدا=
واظن ماعد يفيد الحزن عند الليوم =
روحي من الوجد باتت (تحتظر بالعطف)=
والصدر ياصاحبي من تعبته ونّ زاع=
من قسوة الهجره وإلا من بكا ذيبها =

[عاشق المها]

شكراً يابو احمد على مرورك المشرف والتشجيع الله لا يهينك ويرفع قدرك ...
وشكراً لإخواني الذين شاركونا بتعليقاتهم وتشجيعهم كلن بإسمه والله لا يهينهم ...
*****************

واستلم يابو عبدالرحمن الرد المتواضع الذي لا يرقى لبدعك الجميل ....ويشرّفني مجاراتك يالنشمي ووسام على صدري والله يعيننا وإياك والمسلمين على هذه الحياه ويعيذنا من الفتن .


الـرد/ ابوفيصل


أهـل الـفـتـن فـي مـجـالـسها وبالشرّ قيام


مـاعـنـدهـم راي خـيـر إلاّ بـراي احـسـدا


على سوالـيف فـيـهـا الـشـرّ ظـلّـوا لـيـوم


ونـاس مـالفتنه ماتت تحت ضرب العُطف


واشـناب شابت من أهل المشكله والنزاع

ونـاس عـبـر الـفـضـا نـسـمـع لـكـاذيـبـها

[عبدالله يحيى]

انا لله ياابو فيصل استلم يااشيخ المعرفه والحكمه والشعر


البدع / عبدالله يحيى=
اللآش وده يوردنا على ماي رام =
وده يحوف ابلج المذهب وراء حوف دا=
يقول انا سيل قلّ السدر وأقتلّ زوم=
والحكمه ماهي في البندر يدور ويلّف =
شياّ يصل رمية البندق وأشي نطّ باع=
واللآش ما يفهم الهرجه وياعي بها =




يدور = يبحث او يدوّر على شيء يريده
يلف = يجمع او يلف المال او البضائع

[عاشق المها]

إنت مدرسه في الشعر وفي الذوق ...لا عدمناك يالنشمي ...وتكفى لا تجاملني إذا ما أعجبك أي رد من ردودي علمني ولو برساله ..

الرد / ابوفيصل


يـاجـعـلـنـا دايـم ٍ نـبـقى عـلـى مـا يـرام


واصـحابنا عندنا وان كـان راحـوا فـدى


خـلّ الـجـبـان الـذي يـشرد بوقت اللزوم


والا نــشــدنــاه يــتــلــوّى يـدور ويـلـف


الـغـيـبـه والكذب والنـمّـات واشين طباع

يـاشـيـنـهـا بـيـن خـلـق الله ويـاعـيـبـها

[عبدالله يحيى]

الساهر
شاعر بالمفضل
شايب العشرين
نيس الاجرد
علي السبيه
صقر الجنوب
*
تقديركم على راسي وحضوركم اغلا وسام
اشكركم على كلماتكم التي لن استطيع الرد باجمل منها.
الله يبيض وجوهكم .

[عبدالله يحيى]

ابو فيصل صح لسانك على كل بيت في هذه الردود الشافيه
كان لي كبير الشرف بمحاورتك
ابداعك لانهاية له ، الله يطول عمرك
لنا لقاء ان شاء الله .