أبو طلال... تفضل لاهنت...

[العاصف]

الأخ الحبيب
والشاعر الكبير/ علي السبية
شرفني بمحاورة يسيرة إن شاء الله ما أثقل عليك
وانت كفو، ولا يهونون الاخوان

الـــبــــــدع الــــعـــــــاصـــــــــفــــــــــ
ابدا بذكر الذي سوى آدمي من ترب
واثني على خير من هو حج ثم اعتمر
يالشاعر اللي دفنت القصد تحت النظيم
نبغي سمان المعاني والجمل والجمل

[ابوعبدل]

والجمل والجمل
يالله بنسهر على قوفكم
بالتوفيق لك ولابو طلال
لكم تحياتي،،

[علي السبيَه]

مدري وشمعكم عليه اليوم وانا معرفتي ماجار خيرها ادنا مابيحها
وعلى العموم يشرفني مجاراتك ياالعاصف وخذني من قيس المعرفه


الرد:علي السبيه=
.=
اللي يقول العلوم الوافيه ماانترب=
واليوم كلن بنى له منزله واعتمر=
والقلب مرتاح لا يرجف ولا ون ضيم=
مايطلب اللي الموده والجمل والجمل=

[ملك الليل999]

الله الله على هذا الابداع

العاصف
ابو طلال

صحت الالسن وتعافت الابدان

[شاعر بالمفضل]

العاصف

السبيه

صحت الالسن وتعافت الابدان

[العاصف]

صح لسانك يابو طلال على الرد الوافي
واستلم لاهنت

الـــــــــبـــــــدع الـــعـــــاصــــفـــــــــ
الهم داهـم على قلبي وفي الضلع طب
من يوم ريت المداين تحت حكم الكفر
ياجـسم تقوى حمولك ناحلات القـديم
رغـم ان هـمك يهـد الرابـيـة والجـبـل

[شايب العشرين]

طيب طيب يالعاصف اثارك منت بسيط صح لسانك
ولسان ابو طلال لاهنتم يالنشاما

[علي السبيَه]

ولا تهون ياالعاصف وصح لسانك وبدنك


الرد:علي السبيه=
.=
الى انحرف سايق الموتر وفي الضلع طب=
ماعد يمديه في لحضه يلف الكفر=
بغى من ارض المصايف لا وصل يلق ديم=
ويزيح همّه ويشرب شاهي آبو جبل=

[جار الله الخامس]

صحت الالسنه ياالعاصف وياابو طلال واصلووووووووووووووووووووا لا عدم

[العاصف]

صح لسانك
وسلمت يالذيب
ووالله انك شاعر وكلامك يجمل، ولايهونون الاخوان...
لكنك تجي بشي يهوول؟!
استلم لاهنت

البدع العاصف
ياخي علي من يدور خصمت(ن) واقتشب
خـلّـه يـشـوف العـنا حـتى يـلـج ولـج مـر
نـبـغي نطـوّف معـك بين الحـجـر والمقام
انـا بـا عـلّ المعـاني يـا عـلي وانـتـــ عل

[ابوعبدل]

الله عليكم!!! منتظرين القروع ليكتمل الأبداع... لاخلا ولاعدم ،،،

[علي السبيَه]

الله يجبر بخاطرك ويجمل حالك ياالعاصف وصح بدنك ياالنشمي
وكلاميه من قيس معرفتيه والمعرفه ماجار خيرها لكن اقبل الميسور
واعذرني على القصور


الرد:علي السبيه=
.=
ابعد يدك عن لواهيب الجمر وقت شب=
تبدا القبس من شراره ولّعت من جمر=
والنار منها يذوب العضم واللحم قام=
لو تلحق الغصن الاخضر شبّته واشتعل=

[صقر الجنوب]

العاصف
ابو طلال

محاورة رائعة استمتعنا بها ولا زلنا متابعين ابداعاتكم صحت السنتكم واصلوا وانحن معكم متابعين

[العاصف]

سلمت وصح لسانك على الردود التي تجملك يابو طلال
ومثلك أفرح بمجاراته والله
استلم لاهنت

الــــبــــــدع الـــــعـــــــــاصـــــــــفــــــــــــ
ياهـيل دمع المـحـاجـر لاجـلـكـم مـنسكـب
فـضـحـتـني بـيـن خـلـق الله بـدو وحـضـر
انا جـنوبي الجـسد، والروح والقـلب شام
جـسـمي يسـاكـن عـباد الله وقـلـبـي رحـل

[علي السبيَه]

الله يسلمك يالعاصف واتشرف بمجاراتك وخذني من قيس المعرفه


الرد:علي السبيه=
.=
الخيل الاصلي كما ميمون والا السكب=
والفارس اللي متى ندعيه بدو وحضر=
وانا لقيت العتم والرّاك والق البشام=
وكل منهو ورد زمزم لقا البير حل=

[العاصف]

صح لسانك على الرد المحكم يا ابو طلال
وترى والله كلها كلام ومزوح تجي وتروح، وانت أدرى...
الا فمثلك مدرسة شعرية...
استلم لاهنت

الـــــــــــرد الــــــعـــــــــاصـــــــفــــــــــ
يا نار ما اعـظم لفوحـك يا ام ذاتـــ اللهب
واثـار يطـفـيـك نـزف الـمـا ورشــ الـمـطر
انـا ادري انـكــ شجـيع ولا تخـاف الهـزام
مـا قـبلـك الا الـمـصارع يـابـطـل يـابـطـل

[ابوعبدل]

الله الله على الحرب البارده !!!
واصلوا الإبداع ،،
لكم التحيه والإعجاب..

[علي السبيَه]

تسلم ياالعاصف وصح لسانك وبدنك وعادي خذ راحتك
ومثل قلت الدعوى مزوح تجي وتروح وخذني من قيس
المعرفه


الرد:علي السبيه=
.=
هب الهوى للجبل والا لذا تل هب=
كثير الاحداث مايطريه قول المطر=
وكل عامل من اصحاب العمل واله زام=
اما ثبت ماتقوله يابطل يابطل=

[ابوعبدل]

بنشغل لكم نظام ساهر ..... إبداع بمعنى الكلمه...

الله يوفقكم لكل خير
مع التحيه..

[العاصف]

أخي أبو طلال
يحزنني أن أختم المحاورة الرائعة معك بهذا البدع، والحقيقة هو أنني أنا المستفيد الأول من هذه المحاورة
لكن جمل الله حالك على كل حرف سطرته يمينك...
استلم لاهنت

الـــبــــــدع الـــــعـــــــــاصــــــفـــــــــــ
يـاضيف ياضيف لك نثـني سمان الجلب
مـا نـفـرح الا لـقـدم الضيف ولا الخـطـر
يوم راعي البخل وثّـق مصرعه باللحـام
لا كـثّـر الله مـنـكـم يــا بَـخَــل يــا بَـخَــل

وسلم راسك يابو طلال

[علي السبيَه]

تسلم ياالعاصف وتشرفت بمجاراتك في هذه المحاوره وانا المستفيد الاول
واعذرني ان حصل مني قصور لكن في قصيدتك الاخيره اخر بيت ماهو
على اللحن شكله فيه كلمه سقطت سهوا منه مدري مضبوط وانا اللي
ماعد احيط


الرد:علي السبيه=
.=
المدح ماهو مع كل العرب ينجلب=
وديرة الامن مايعرض عليها الخطر=
وشلي من الطاير اللي في دجى الليل حام=
والشّهد لا تحسبونه يابخل يابخل=

[العاصف]

أخي أبو عبدل
أشكر لك مرورك وتعليقاتك الرائعة والمشجعة والطريفة
وموفق بإذن الله

[العاصف]

ملك الليل
الابداع أنتم
وشرفتني بمرورك وتعليقك

[العاصف]

شاعر بالمفضل
حياك الله يا أبا زياد
ومثلك أفتخر في مرورة وتعليقه
موفق بإذن الله

[العاصف]

شايب العشرين
تراني متمعرف وانا أخوك
وبعدين أنت وابو طلال مابقيتم لنا شيء
سلمت يا شايب

[العاصف]

جار الله الخامس
الله يسلمك
وترى ماعندنا قليل بالنسبة لما عندك
ويكفي فخر إشادتك بالمحاورة
وسلمت يا بطل

[العاصف]

صقر الجنوب
صدقني إن نجاح هذه المحاورة دليل على نجاح المنتدى
وكيف لاينجح المنتدى وقائده صقر
مرورك وتعليقك جمّل المحاورة وزينها
ودمت في رعاية الله

[عبدالله يحيى]

العاااصف
صح لسانك ابداع لانهاية له
ابو طلال
صح لسانك على هذا الردود
سجلوووو اعجابي