الرد من السبيه او العاصف او شايب العشرين قارعة

[شبل الجنوب]

ياسلام الله عليكم وانا اثني السلام
والحمول الكايدة ماحملها الا جمال
مرحبا مليون فالمنتدى والنار حيه
يشباب المنتدى وايض ياشيبانها

[علي السبيَه]

اما انا مامعيه بصيره ياشبل الجنوب يرد عليها العاصف والا شايب العشرين وصح لسانك ياالنشمي

[العاصف]

حياك الله ياشبل
والحقيقة اني أستفيد من كل واحد بهذا المنتدى
وأشكرك على أن جعلتني أحد الذين وجهت لهم البدع
وأشكرك على البدع الرائع...
استلم لاهنت يابطل

الــــــــرد الــــعــــــــــاصـــــــفــــــــــ
مرحـبا واهـلين بالحـرب ولا بالسلام
الخطـر ماقـبلهـم والضيوف الا جمال
والله انّـا حـرب للمعـتدي وانّـا رحـيّه
كـم لي انهى عالخطا والنياشيبا نهى

[ابو ليلى المهلهل]

صحة السنتكم .. السبيه اعتذر اشارك مكانه ببدع ويرد شايب العشرين ان كان ودكم ونخليها رباعيه ..

[ابو ليلى المهلهل]

استاذنت من السبيه واذن لي .. ونحن باقي تونا في بداياتنا الشعريه ونبغى نستفيد من بعض .. ومن شعارنا الكرام .. وكلنا انشاء الله اخوان في المنتدى .

بدع/مهلهل

ياولد لاتنزل البحر فالليل الظــــــلام
القدر مكتوب والموت ما منه محــال
العدد زايد من الي فقدنا صار ميــــه
ماسلم من طب ذا البحر من حيتانها

[العاصف]

أرد عليك يا أبا ليلى
ولا نخليها للشايب مثل ما قلت؟

[ابو ليلى المهلهل]

ودنا بها رباعيه يالعاصف ..

[العاصف]

طيب أبشر ننتظر ...

[صقر الجنوب]

وننتظر الشايب وانتم صحت السنتكم وابدانكم

[شايب العشرين]

اترك المجال للسبيه لعدم تفرغي وانشغالي عن الحضور
تفضل ياسبيه انته المقدم

[علي السبيَه]

استاذنت من السبيه واذن لي .. ونحن باقي تونا في بداياتنا الشعريه ونبغى نستفيد من بعض .. ومن شعارنا الكرام .. وكلنا انشاء الله اخوان في المنتدى .

بدع/مهلهل

ياولد لاتنزل البحر فالليل الظــــــلام
القدر مكتوب والموت ما منه محــال
العدد زايد من الي فقدنا صار ميــــه
ماسلم من طب ذا البحر من حيتانها


تسلم يااويزن وانت المقدم في كل العلوم الغانمه وانا معرفتي
كما فقدها وماهلا بااخرب عليهم المحاوره بقصايدي المشلشله
واتشرف بمجاراة شبل الجنوب والعاصف وابوليلى المهلهل


الرد:علي السبيه=
.=
ياابوليلى ودي آكايد اقلوب الضلام=
واكسر النبعان واقطع رشاهم والمحال=
واصرم القلب الذي زاد غيظه صيرميه=
وآنحت الصخره ويزدان منحيتانها=

[شبل الجنوب]

والله لي الفخر ان السبيه يشارك معنا وودي نكمل الرباعيه الين يشيب القاف
البدع/شبل الجنوب
السبيه ليش اعتذر ثم عود فالكلام
مرحبا مليون يا شاعرن جاب الجزال
وابو ليلى وش معه ما يعمر عامريه
قل ما نبني عمارة يهد اركانها

[العاصف]

ياسلام
صحت السنتكم جميعًا...

الــــــرد الــــعـــــــــاصـــــــفــــــــــــــ
يــا جـمـل ينهـد حـيلك معـا كـثر الكـلام
لايـغـرّك لـو يـزول الحَـبَر والـعـرج زال
كنت قبل العام تشكي الكـبد والعام ريّـه
كـان يـاسمـحـان لاعــد تّـهــدر كــانـهـا

[دار الجابري]

ياسلام ياسلام ..
السبيه .. شاعر كبير ومعروف مايحتاج .
العاصف . شبل الجنوب . والمهلهل . روسهم قاسيه
خلونا نستمتع بهذه المحاوره .. وينك يالزير حسبنا الله ونعم الوكيل .

[ابو ليلى المهلهل]

ياسلام صحة السنتكم يالنشاما.. تشرفنا بدخولك معنا يابو طلال .. استلم لاهنت ..

بدع /مهلهل

المهلهل جاء بسيفه ورمحه والسهام
والسبيه صاحبي فالصعايب والسهـال
افتني ياشاعر القوم وين القا دميــــه
والله لابتر رجاجيل من سيقانهــــــــا

[مشاعر...شاعر]

الله...الله..محاوررره...جيده
والله ان ودي اشارك واخاف تقلون ملقوف

[علي السبيَه]

تسلم يامهلهل والشرف لي بمجاراتكم وصحت السنتكم جميع


الرد:علي السبيه=
.=
يامهلهل شارد الحرب بين الناس هام=
ماتوزّيه الجبال الرّواسي والسهال=
وين يهرب يوم شاف الجيوش القادميه=
ابتسوقه صوب الاخطار من سيقانها=

[شبل الجنوب]

لاتكلم وانت هرجك مهو حسب النظام
وانت رمحك والسهم ماتجمل فالقتال
المهلهل عقربة والسبيه سم حيه
والعاصف يعصف بكم بالشعر والحانها

وتراها مزح فلا احد يزعل

[علي السبيَه]

لاتكلم وانت ياصاحبي مالك كلام
وانت رمحك والسهم ماتجمل فالقتال
المهلهل عقربة والسبيه سم حيه
والعاصف يعصف بكم بالشعر والحانها

وتراها مزح فلا احد يزعل

مافيه شي يزعل الدعوى مزوح لكن كلمة(كلام) راحت ياشبل الجنوب غيرها

[شبل الجنوب]

السبيه نفتخر بوجودك معنا وترانا مادخلنا المنتدى الانفيد ونستفيد وشكرا على التنبيه

[العاصف]

سلمت ياشبل وصح لسانك
استلم لاهنت

الـــــــــرد الـــــعــــــــاصــــــــفـــــــــــ
يالله في حسن العمل لا نظيم ولا نظـام
يـاشبل لاريت خـصمك تولى فالـق تـال
لاتقل يوم انّ مـعـنا خـواطـر سمّـحـيّـه:
راح وقـت السبي تحت القـنا، بل حانها

وأتمنى إذا قررتم الاستمرار في القارعة، أن تعذروني لأني سأتأخر في الرد على شبل الجنوب إلى غدًا بعد الظهر، لأني مشغول، ولا أستطيع الدخول إلا غدًا بعد صلاة الظهر، ولكم فائق احترامي يالنشاما...

[ابو ليلى المهلهل]

طيب طيب .. صحة ألسنتكم .. اسمع اسمع يابو طلال..


البدع/مهلهل

ياعلي بالله ناصح يهودي من حـــــرام
قبل مطعن في جنوبه ونصبح في نـزال
الشياطين أعمة الناس صاروا حاسديه
والطريق المهلكه فتحوا بيبانهـــــــــــا

[علي السبيَه]

تسلم ياالمهلهل ويسلم الجميع


الرد:علي السبيه=
.=
اليهودي نمنعه يدخل البيت الحرام=
يوم زاله صاحبه مانشدنا فين زال=
والحاخام اللي حكم في القضيه حاس ديه=
يخفي اسرار الدعاوي ولا بيبانها=

[ابوعبدل]

العاصف
علي السبيه
شبل الجنوب
المهلهل

مبدعين واصلوا...
تحياتي،،،

[دار الجابري]

صحة الالسن والله قارعه حاااااااااااااميه ..سلمتم يالنشاما .. عندي ملاحظه على العاصف الظاهر حصل تحديث في المنتدى .. وتوقفت عضويته بالخطأ ..

[شبل الجنوب]

الشيعي وش معه يشتم بشينات الشتام
شمسنا تشرق وشمس اخواينا للزوال
كل من يشحث بنعطيه من زين العطيه
والرجال الوافيه مكرمه ضيفانها

[العاصف]

الــــــــــرد الـــــــعـــــــــاصـــــــــفـــــــــــ
لا تحـش اقـدام راعـي الـغـنـايـم حـش تام
يـمـكـن ان الـدهـر يجـعـله فـوق العـز وال
شمسنا تطـوي جبال ارضهم والضلع طيه
نـورهـا يـاضـي حـيـاهـا ويـاضـي فـانـهـا

[ابو ليلى المهلهل]

ياسلام ياسلام .. عوافي عوافي ...


البدع/مهلهل

المهلهل والسبيه من الناس الكـــــــرام
وما بعض الناس فالقدر مايسوى نعـال
أبتدينا الحرب ولي بيسلم جا سبيــــــه
ياحليل الشبل ولي معه خسرانهــــــــا

[العاصف]

(وما بعض الناس قي القدر ما يسوى نعال)
اخوتي الفضلاء:
بهذا البدع أعلن ابتعادي عن القارعة
لأن هناك أدب عام واحترام، ومن رأيي أن هذا البيت لوحده فضلًا عما قبله ومابعده أثبت لنا إفلاس قائله وجهله وفقره الشعري وتهلهل معانيه، وشخص بهذا الحال لايستحق أن أستمر معه في قارعة، لأني أنا وكل شخص نحسن الكلام البذيء والسب والشتم، لكن الدين أولًا ثم الشيمة والاحترام للشعراء وللقراء وللقائمين على المنتدى تمنعنا من ذلك ... وإن أبيتم إلا الاستمرار فسأتوقف بعد الرد على شبل...
وأعتذر عن القصور... والسلام عليكم ورحمة الله وبركاته...

[علي السبيَه]

الرد:علي السبيه=
.=
انت لك مبدا معيّن ومنهج والك رام=
تعقب الروس الدنيه ومايسوين عال=
مالهم خانات جنب المهلهل والسبيه=
ابتكفّ الحرب ويبان ياخ اسرانها=

[ابو ليلى المهلهل]

(وما بعض الناس قي القدر ما يسوى نعال)
اخوتي الفضلاء:
بهذا البدع أعلن ابتعادي عن القارعة
لأن هناك أدب عام واحترام، ومن رأيي أن هذا البيت لوحده فضلًا عما قبله ومابعده أثبت لنا إفلاس قائله وجهله وفقره الشعري وتهلهل معانيه، وشخص بهذا الحال لايستحق أن أستمر معه في قارعة، لأني أنا وكل شخص نحسن الكلام البذيء والسب والشتم، لكن الدين أولًا ثم الشيمة والاحترام للشعراء وللقراء وللقائمين على المنتدى تمنعنا من ذلك ... وإن أبيتم إلا الاستمرار فسأتوقف بعد الرد على شبل...
وأعتذر عن القصور... والسلام عليكم ورحمة الله وبركاته...


(الشيعي وشمعه يشتم بشينات الشتام )
(المهلهل عقربه والسبيه سم حيه ) هذا وش تسميه .. اخي الفاضل العاصف هذا توجيه بعينه وتحديد أشخاص ونحن لم نزعل بل واصلنا القارعه لماذا انت زعلت ونسحبة من القارعه ..

[دار الجابري]

من راي الشخصي انكم تنهون القارعه هنا ..
العاصف انا والله ماني معك ولا معا المهلهل لكن ليش زعلت ونسحبت ..
ابو طلال والمهلهل مازعلوا في البدايه على قصيدة الشبل وكملوا القارعه .. ويوم ردالمهلهل زعلت ..والدعوى قصايد كلها ..
وكلكم ونعم .. من الأفضل ان تنهوا القارعه وصحة السنتكم جميع ..

[العاصف]

أخي الحبيب دار الجابري
ان كان ابو طلال والمهلهل رضوا على أنفسهم كلام الشبل فبكيفهم
أما أنا فلا أرضى على أي أحد فضلًا عن نفسي أن يساوى أو يشبه بالنعال
وبعدين النعال عيب وانا أخوك، وين احترام المنتدى والقائمين عليه
وترى كلنا نحسن الكلام الشين
وبعدين الشاعر الجيد يقدر يغلف كلامه ويسمن المعاني، والدعوة ماهي أي كلمة تجي في الراس تكتب
وبعدين ابو طلال والمهلهل ما حد بيشره عليهم لو وقفوا شبل
لأن مهما كان المزح لايكون فيه إساءة أدب
والله يغفر للجميع
وسلام

[ابو ليلى المهلهل]

ان كان رضوا على أنفسهم كلام الشبل فمالي دخل
أما أنا فلا أرضى أي أحد فضلًا عن نفسي أن يساوى بالنعال
وبعدين النعال عيب وانا أخوك
وترى كلنا نحسن الكلام الشين
وبعدين ابو طلال والمهلهل ما حد بيشره عليهم لو وقفوا شبل
لأن مهما كان المزح لايكون فيه إساءة أدب
والله يغفر للجميع
وسلام



الله يعطينا خير هذا الليل وخير مابعده ويصرف عنا شر هذا الليل وشر مابعده .

[علي السبيَه]

ياالربع ماصار الا خير والدعوى مزوح لا اقل ولا اكثر
لكن انهوها باالصلاه على النبي ونبقى اخوان اولا واخيرا

[شايب العشرين]

يا سلام يا سلام انا ماتركت لكم السبيه الا انه مدرلاسه يتعلم منه الواحد
واسمعو كلامه وانهو ها بالصلاة على النبي
بيض الله وجو هكم يالنشاما

[صقر الجنوب]

يتم اقفال المحاورة

كانت فرصة للشباب ان يكون معهم شاعر كبير مثل السبية ليتعلموا منه وهو مدرسة وأكاديمية لوحده
مثل هذا الكلام لن تستفيدون منه .
كانت فرصة حقيقية امامكم ياشباب للاستفادة والتعلم من ابو طلال لكن للاسف لم تستغلوها .
قفلنا الموضوع وصلى الله على محمد ..

واي قصيدة بعد ردي سيتم حذفها وانذار صاحبها .

تحياتي للجميع