محاوره مميزه بين الشاعرين ابن الجنوب وعلي السبيه لا تفوتكم

[لؤلؤة زهران]

بسم الله الرحمن الرحيم
السلام عليكم ورحمة الله وبركاته
اخواني واخواتي
اعضاء وزوارمنتدى رباع الشعر الاصيل
حياكم الله وبياكم
معنا اليوم وفي سهرت هذه الليله ليلة الاربعاء 19/ 11/ 1431الشاعرين ابن الجنوب وعلي السبيه
يسرنا حضوركم وتواجدكم لتستمتعوا وتتابعوا معنا الشعر الاصيل من عمالقت الشعر
حياكم الله جميعا

والان المايك مع الشاعر ابن الجنوب
فيتفضل مشكورا

اهلا وسهلا شاعرنا القدير اسعدنا حضورك بارك الله فيك
تفضل
منقول من قسم الترفيه لقسم الشعر النبطي

[لؤلؤة زهران]

تفضل ابن الجنوب
البدع

عسى الله يصلح الشآن ويساعدنا تزين علوم
ونـبقى في سعــاده والشـــقى للغير يشقى به

حبايــب ماتــفرقــنا ليــالــينا وكــثر اللــوم
على درب الوفاء نحسب مسافاته ونسعى به

[لؤلؤة زهران]

تفضل
حياك الله
علي السبيه

الرد

عسى المقسوم ياصل لك ولكن وش ورى المقسوم
اخـاف القــلب ما يقنـــع وعينـــك مـا تهــنـى بـــه

ليــالي الشــوق ياصــاحـب تزيّـن للعيـون احلـوم
تحـــذّر لا تصـــدّقهـا تــــرى الاحـــــلام كــــذّابـه

[لؤلؤة زهران]

ابن الجنوب
البدع

عيوني من جفا خلّي سهــيره ماتذوق الــنوم
ويامطــولك ياليــل الفراق العـين تصــحى بـه



زمــن غدّار زوّدنـــي على كــثر الهــموم اهموم
قــرابـــه يشمــتون بحالتـــي ماسـاروا اقرابـه

[لؤلؤة زهران]

علي السبيه
الرد

جنون الحــب من صــابه رفعنــا عن هواه اللوم
وندعي الله يخفّــــف عنه من بلـواه ماصــــابـه

وراع الحــب يبقى في حــلوم وفي هواجس دوم
وينسى اهله واجيـــرانه ويــنسى جملة اصحابه

[لؤلؤة زهران]

ابن الجنوب
البدع


ترى وقت المــوادع صــعب لكن القدر محتوم
ولاني وحدي اللي في حيــاته فارق احبــابه

ودنيــانا غريبه لاضــحكنا جت بوجه الشوم
تذكــرني بنـــمر الغــــابه اللـي مـد مخـــلابـه

[الواصل 999]

ياسلام........ياسلام.......ياسلام
طيب...طيب...مشكوره على الموضوع الرائع لعمالقة الشعر الكبيرين (ابن الجنوب _ والسبيه)
صحت ألألسنه وتعافت الأبدان

[لؤلؤة زهران]

علي السبيه
الرد


زمــان العولمــه فيه الحبايــب يافتـى باالكـوم
وعادي الحب في ذا الوقت كلن قد طـــرق بابه

وسوقه مرخصـــينه عاد كلن له بجــاله سـوم
ولا فيهم ولا عاشـــق شكى اللوعــات واصبابه

[لؤلؤة زهران]

ابن الجنوب
البدع



أنا لجل الهوا واهل الهوى قمت وحربت القوم
لعنت اللي وقف في سكتي ولعنت من جاء به

على شآن الغضي ماهمني لو كان بن مكتوم
يجنب عن طريقي قبل جسمي يفقد اعصابـه

[لؤلؤة زهران]

علي السبيه
الرد



ترى راع الهوى يمسي ذليل وينتفض محموم
وكودن يرفع ارموشه وجفنه صاحــين نابـه

ولا يقوى يحرّك ساكـن الا دايمـن مغــمـوم
وجسمه ناحــلن ضامر به الاوجـاع تتشابـه

[لؤلؤة زهران]

ابن الجنوب
البدع



أنا ماخذت من سوق الرخاصه للجنوب هدوم
ادور غالي الاثمــان ثم اشـــريـه وازهـى بـه



قناعه عندي إن اللي رخيصه قيمته مذمـوم
ريال احســن منه خلّوه يبـــقـى عنـد جلاّبـه

[لؤلؤة زهران]

علي السبيه
الرد



بحور الحب غداره وكم في قــاعهـا معـــدوم
ولو يتــوهّم السـابـح بـــه الامـــواج غــلاّبـه

بيــغرق في شبر مويه ولو حتــى يجيد العـوم
ترى من غاص بحر الحب ماضنيت ينـجى به

[لؤلؤة زهران]

اخواني واخواتي
اتمنى ان يكون نقلي حاز على رضاكم وانال استحسانكم
هدفنا وغايتنا سعادتكم ورضاكم
من اراد الاستمتاع بجوالمحاوره كامله ونكهتها الخاصه ادعوه لمشاهدة موضوع
(وش تقول للشخص اللي في بالك في قسم الترفيه )
مشاركات وتعليقات من الاعضاء ومن الشاعرين الكبيرين
ابن الجنوب وعلي السبيه
لا تفوووووووتكم
روووووووعه
بروعة تواجدهم وحضورهم
شكر خاص ومن القلب
للشاعر ابن الجنوب وشكر خاص ومن القلب للشاعر علي السبيه
وجودكم معنا غاية المنى شرفتمونا بحضوركم واسعدتمونا بروحكم الطيبه واخلاقكم العاليه وتواضعكم الجم
دمتم بخير وفي خير
ولنا لقاء في سهرة هذه الليله ليلة الخميس الموافق 20 /11 /1431 وانتم بخير وجميع الاعضاء

الدعوه عامه

[صقر الجنوب]

من اجمل المحاورات وتمكن غريب بالنبطي الى درجة الادهاش

صحت الالسن وتعافت الابدان وهؤلاء شعراء كبار كبار بمعنى الكلمة

[متعب الدوسي]

صحت السنتهم وتعافت ابدانهم
وتسلمين يالؤلؤة زهران ع النقل الرائع

[علي السبيَه]

تسلمين يالؤلؤة زهران ونشكرك من الاعماق على نقلك لهذه المحاوره
واشكرك لتوجيه الدعوه لي واشكر الشاعر الكبير والمعلم الاول ابن الجنوب
لقبوله محاورتي وهذا تواضع منه واشكر كل من مر وعلق كلن بااسمه
وشكري وتقديري للجميع

[@ملك العزلة@]

الله الله عليكم ياعمالقة الشعر بصراحة وبدون اي مجاملة انكم من عمالقة الشعراء في هذا المنتدى ولا ننسى الشاعر ملك الليل والله يعين اللي يتحاور معاكم راح يروح في اللفة مانقول الا الله يخارجنا منكم وبس