ماسمعت اللي يقول : الخيل من خيالها

[رحال العمر]

مـهرةٍ ماتشبـــــه الا ذاتها .. وظلالهــا
لامشت باحساسها تصبـح لها القفرا زهــــر

مـاتـحسب حساب للي بالردا يعنــا لهـــا
وان لـزمها الحال سوّت قلبــها مثل الصـخر

لـو تـواجهها العواصف ماتــهزّ جبــالهـا
راسـيـه فـوق الـمبادي مايحركهـا بشـــر

شامخه ماكنها الا بالشمـــوخ .. رجالهـــا
رابـيـه فـي بـيت عز وصيت شايبها فخــر

لـوتروح بعيد ترجـع والوفــا مدهـالهــا
غـيـمـةٍ لامـن خنقها الجو تتنفس مـــطر

ولـو تـزاحمها الشدايـد ماانفرط سلسالهــا
وان تـبـاعـد لولها .. قـام يجمعه الصـبــر

مـاسـمـعت اللي يقــول : الخيل من خيّالها !
والـبـنـيّه لي تسامـــت قيل يخلفها ظهر !

هـذا انـا يـالـلـي وقف فيك الزمان بجالهـا
مـوجـزي هـذا يـسـدك عن تفاصيل الخبر
سلمت الشاعرة / هنوف الغيم على هذه الابيات

[أبـو مشاري]

على القوة

[آميــر الكـونـ]

كلمات رائعه
وذائقه راقيه
و أحاسيس في قمة الروعه
لا خلا منك و لا من أبداعك
ودي قبل ردي
آمير الكونــ