ابن الجنوب تعال الله لايهينك

[شايب العشرين]

يا الله يا اللي خلقت القلب في نبت روح
وجعلت خضر الورق مايل ولازمت عود
يسر دروب الملك ولا يجي ابها عســـير
واجزه على خدمة البيتين وامنه لهــــــا

[صقر الجنوب]

صح لسانك وبدنك ياشايب العشرين بدع رائع ونسأل الله لملكنا تمام الصحة والعافية وأن يعود إلى الوطن سليما معافا

يسر دروب الملك ولا يجي ابها عســـير
واجزه على خدمة البيتين وامنه لهــــــا

[شايب العشرين]

مرور عطر يا ابو احمد
والله لايخلينا من الرجال شرواك
لاهنت يالنشمي

[بن خضران]

صح لسانك ملايين ياشايب العشرين

[شايب العشرين]

علي خضران صح بدنك ولا هنت يالنشمي

[إبن الجنوب]

يا الله يا اللي خلقت القلب في نبت روح
وجعلت خضر الورق مايل ولازمت عود
يسر دروب الملك ولا يجي ابها عســـير
واجزه على خدمة البيتين وامنه لهــــــا
صح لسانك يابو يزن بدع عجيب وليس مستغرب منك ويشرفني الرد عليك وإن ماناسبك الرد ترى لك مطلق الحريه...

الرد:إبن الجنوب=
*=
ياصاحبي لو غيابك طال فين ابتروح=
يردك الوقت لاحبابك ولازم تعود=
لاتحسب إنك بعيد إن رحت لابها عسير=
وصاحبك حبّ ذيك الديره ومن اهلها=

[صقر الجنوب]

صح لسانك وبدنك يا إبن الجنوب رد رائع ووافي مثل راعيه


لاتحسب إنك بعيد إن رحت لابها عسير
وصاحبك حبّ ذيك الديره ومن اهلهـا

[شايب العشرين]

الله يوفقك يا ابن الجنوب ماقصرت تفضل لاهنت
انا معيلك سياسه واضحــه واقتــــــــراح
من غير قاضي ولا حجه ولا اربع شهـود
صاحبك ذاك اللذي معمي برشد المشـــيـر
ما قال وين اللذي تعضاه وانحيـلهـــــــــا

[إبن الجنوب]

الله عليك ياشيخ صح لسانك هذا الكلام اللي ينعد بين أهل القصايد والله يجملني معك...

الرد:إبن الجنوب=
*=
قهرني إللي شرب صافي العسل وقت راح=
من بعد قدّمت من طيب الخلايا شهود=
عيّب فروق النحل وأنكر جهود المشير=
وأبا من الديره المحميّه وانحيلها=

[شايب العشرين]

الله عليك صح لسانك ملايين
اضيق واحس في صدري طعون الرماح
حين ابصر الاش عالونعم يثير النقـــود
حتى لو الباخره دارت على ملك سيـــــر
مردها للبحر ميناء ومرسى لهــــــــــــا

[إبن الجنوب]

الرد:إبن الجنوب=
*=
ليت الخوي قبل مايسقيني المرّ ماح=
رمى بشامان ويجوّد عصاة النقود=
اشكي لك الحال ياجابر عضام الكسير=
يامرسل الريح ماحد رد مرسالها=

[صقر الجنوب]

شايب العشرين - إبن الجنوب
صحت السنتكم وبيض الله وجوهكم على هذه القصائد واصلوا ابداعكم ونواصل متابعتنا وتشجيعنا

[علي السبيَه]

شايب العشرين
إبن الجنوب

هذذه القصايد اللي تشرح الخاطر والمعاني المدفونه وصحت السنتكم ملايين

[نديم القوااافي]

شايب العشرين - إبن الجنوب
صحت السنتكم وبيض الله وجوهكم على هذه القصائد واصلوا واصلو واصلو لا عدمناكم

[ملك الليل999]

طيب طيب
ابو يزن
ابن الجنوب
صحت الالسن وتعافت الابدان وبيض الله وجوهكم

[شاعر بالمفضل]

الله الله الله

اشي علوماً تهول وتجمل عليكم

شايب العشرين

ابن الجنوب

صحت الالسن وتعافت الابدان

ابداع منقطع النظير واصلوا لا عدم

[شايب العشرين]

علومك مجمله يابو سالم وانت الاستاذ ونحن الطلاب والمعذره على التاخير غصب عني

يقلون راعي الهوى من كثرة الونه طـاح
لاتحسبنه جبل وثق لعاد وثمــــــــــــــود
الفآ يعارض على علمآ بدا والف قيــــــر
مارد غير الخيول ولا لمح صولهـــــــــا

[إبن الجنوب]

عذرك الجميل ومادمت بخير فالقصايد ملحوقه...

الرد:إبن الجنوب=
*=
شدا معينه يطيح من العتل والنطاح=
ولا يصل للنوايف عزم واحد ثمود=
صراع ماينتهي بين الغني والفقير=
يسابق الناس ويراقب لمحصولها=
ثمود:مأخوذه من ثمد الرجل قليل الجهد والنشاط...

[عاشق المها]

مبدعين ولا فيكم حيله ونحن متابعين لمعانيكم الرائعه...

[شايب العشرين]

الله يسلمك يا بو سالم وانا احب اطول معك ولوان كلامي مش ولابد ابغي اتعلم منك واستفيد طال عمرك

يوم انتهى موسم البرشومي والمنقــــــــه راح
صاحبك ابى يكتمل في قلهـا والعــــــــــــــــدود
اصبح كما مغرسآ مالفيح ميت ضميـــــــــــــــر
والعثربه والعشر من يهتني ضلهـــــــــــــــــــا

[جار الله الخامس]

صحت الالسنه يااشايب العشرين وابن الجنوب وودي اعيد الكره معك بقارعة عصماءءءءءءءءءءءياشايب الغزله

[شايب العشرين]

عاشق المها
جا رالله الخمس
مرور عطر لاهنتم وابشر يا جار الله لاكن اذا انتهينا انا وابو سالم ونبغيها بكما

[إبن الجنوب]

خذ راحتك وانت وكلامك على راسي وكلنا نتعلم ونستفيد من بعضنا والواحد يطلع بمعرفة وصداقة شرواك والله إنها افضل من قصايد 100 سنه...

الرد:إبن الجنوب=
*=
حسايف إنكان قلبي ماروي من قراح=
وانا بديرة عيون الماء وعذب العدود=
إلى حسدني قليل أرشاد ميت ضمير=
ماأشره على اللي يسوق الروح في ضلّها=

[شايب العشرين]

يا الله تديم السعــد والعافيـه والفـــــــــروح
واكتب لنا خيـر فـي مصـــــــدارنا والـورود
يابو يزن مايجي لااهل الوفـاء منـك بــيــــر
والبوره كفي قبرها بعد كفو نــــلهــــــــــــا

والله ان القصايد معك شرف ياسيدي عسى الله يجملني في بدوعي معك

[الساهر]

يعطيكم العافية كلام طيب ومحبة هذا المكسب الحقيقي

شايب العشرين وابن الجنوب سجلوا اعجابي

[إبن الجنوب]

يا الله تديم السعــد والعافيـه والفـــــــــروح
واكتب لنا خيـر فـي مصـــــــدارنا والـورود
يابو يزن مايجي لااهل الوفـاء منـك بــيــــر
والبوره كفي قبرها بعد كفو نــــلهــــــــــــا

والله ان القصايد معك شرف ياسيدي عسى الله يجملني في بدوعي معك
الله يشرف مقدارك ويجمل حالك...

الرد:إبن الجنوب=
*=
ليت البطل مايضام ويفتديه الف روح=
أطيب من الروض ذا فيه النفل والورود=
مايتعبون العرب وارشادهم من كبير=
والحكمه ماخالفت رجال كفون لّها=

[شايب العشرين]

انا اشهد انك كفوو والله يطول بعمرك تفضل لاهنت

مابين مكه وجده شـاهد الـــــونش راح
تعطل الكامري واقفى بمالي قصـــــــود
واصبحت مثل اللذي متعلقآ وصط بيــر
ما غشني الا علامتها وموديلهــــــــــا

[إبن الجنوب]

كفوك الطيب وماعليك زود...

الرد:إبن الجنوب=
*=
انكان مافي مثايلنا حكم وانشراح=
ريحت عمري وغير الجزل مالي قصود=
ماعندي القدره اشوف الخطا واصطبير=
ولا أجبر الناس الى ماراق مودي لها=

[شايب العشرين]

صح الله لسانك والله يعطيك العافيه وقد وصلنا للهدف
وبيض الله وجهك وتشرفت بالقارعه معك واستفدت منك الله لايهينك
نراك على خير بمتصفح ثاني

[عاشق المها]

محاوره راقيه الله يعطيكم العافيه ..أمتعتونا ونتمنى مثلها وأحسن...شكراً لكم .

[إبن الجنوب]

ووجهك ابيض يابو يزن وتشرفت بالمحاوره معك ونلتقي على خير إن شاءالله والمعذره على القصور...تقبل تحياتي وتقديري...