محاورة

["ابو شهد"]

بسم الله الرحمن الرحيم
السلام عليكم ورحمة الله وبركاته ..

سلام خطت به يديني وانطقت فيه الشفاه= للغايب الحاضر خصوص وللعموم الحاضرين
يابو طلال الذيب في وادية والا في خلاه= مرت شهور وصاحبك ما عاد عنده ساكنين
ابو شهد

[علي السبيَه]

وعليكم السلام ورحمة الله وبركاته

يامرحبا وعداد سيلً لاح برقه من سماه=من بعد مدقاله غدو كل الضوامي مرتوين
والذيب مدري فين بات ولاسمعت الا عواه=باقي يجي عنه الخبر واللي غبا لازم يبين

["ابو شهد"]

تبقا وتسلم يا شميم الراس يا تركت ولآه= يا مطلق(ن) قدره علا فوق الهدب والحاجبين
الذيب بيت في الفضا لين الفضا ضيق فضاه= ضاقت عليه الدايره بين الثلاثه والثنين
ابو شهد

[صليب الراس]

الله يعطيكم الف عافية مبدعين ومتميزين ..

واحنا ترانا متابعين .. لا تحرمونا من ابداعكم ..

تحياتي وتقديري

[علي السبيَه]

الذيب لو دارت عليه الدايره درّج خطاه=انا اخبره صيّاد ماهر مايصيد الا سمين
لامن هجم بين الرعيه صاد صيده وانتقاه=ياحى لي ذيب الخلا ياحي لي الصيد الثمين

[علي السبيَه]

الله يعطيكم الف عافية مبدعين ومتميزين ..
واحنا ترانا متابعين .. لا تحرمونا من ابداعكم ..
تحياتي وتقديري
.................................................. ..................................
حىالله صليب الراس ومادام انك حاضر شاركنا

["ابو شهد"]

صليب الراس دمت وبقيت

يابو طلال الذيب في ذيك اليالي من جفاه= ماكان يعوي من عدا لكن حده معتدين
انت ابخص بما صار والخافي يبين لك خفاه= الحاكم الوالي حكمها ما سمع للمدعين
ابو شهد

[علي السبيَه]

ياابوشهد مايشهد الشاهد على اللي مايراه=ولايحكم القاضي بدون اثبات والا شاهدين
والزور لازم ينكشف حتى ولو طوّل مداه=غير المصيبه لاغدى القاضي من اللي مرتشين

["ابو شهد"]

ماكان حاضر وانت حاضر والله اعلى في سماه= والقوم ما همت علي الا رضا للحكمين
وان كان زلت صاحبي تحسب علي تبت يداه= من تذبحه جنبيته ماله عزا في الميتين
ابو شهد

[سعود]

مبدعيَن
الله يعطيكم العافية
تقديري واحترامي .

[عافك الخاطر]

الله ياخي بيض اللله وجيهكم ولآ عدمنأكم

إبداع إبداع

[علي السبيَه]

اشكر كل من شرفنا بمروره الكريم وشكر خاص
للشاعر ابوشهد وعزالله اني انشبت حالي معه
حسبت الموضوع هزه وسلامه واثرني طحت في بحر


من طاوع الشيطان تلّه للمصايب وابتلاه=وارضا القلوب الحاسده وضحّك عليه الشامتين
ياابوشهد والله مدري عن فوادك وش نواه=الغيب مايعلمه غير الله رب العالمين

["ابو شهد"]

تحية طيبه ومعطره لكل من مر من هذه الصفحة المتواضعة في كتاب منتدى رباع الرجال
والشكر موصول للاخ العزيز الشاعر الماكن رجل المواقف من الماضي والحاضر علي السبيًه

يابو طلال "افلح" من اول كان من جبلت عصاه= تقدير من بعض العرب يوم العرب متضمنين
والله يعلم وش بداخل قلب عبده وش بغاه= واللي تسطر في سطوره وانت سيد العارفين
ابو شهد

[علي السبيَه]

يامرحبا ياالخاطر اللي كلنا نطلب رضاه=في جيتك تفتح لك ابوابً من اول مقفلين
عزالله ان الموت جالك يااللي اهملت الصلاه=وبعد ورى الموت الحساب اتنبهو ياالغافلين

["ابو شهد"]

بقيت والباب انفتح والا تقفل من هواه= من يقفل الباب المصّمك ما بيلقا فاتحين
لاتجبر الخاطر على الساحل وضلعان السراه= ما فات مات وكل ميت مابيحيى مرتين
ابو شهد

[صقر الجنوب]

صحت السنتكم يالنشاما أبو شهد ابو طلال رائعين رائعين وابو شهد قصائده الرائعة تذكرني بقصائد شخص غالي علينا الله يرجعه لنا بالسلامة

[علي السبيَه]

حىالله ابواحمد شرفت الصفحه بمرورك الكريم


حىالله الرمي الصواب اللي ينثّر من رماه=حىالله السيف البريع اللي حدوده قاطعين
الصاحب اللي زارنا شاهد كتابك واقتراه=وانا من اول كنت تايه بين ضني واليقين

["ابو شهد"]

صقر الجنوب
الابداع تكرمك بالمرور
اهلا وسلا فيك وما انا الا قطره في بحر من بحور الشعر
ابوطلال استلم

في عين غسان الغساسنه بدو من عند ماه= من وقت ما حل القحط راحو لبصرى سايرين
حتى المناذره سرو من سد مارب وابتناه= قحط السنين العاجفه حتى بنوه المحسنين
ابو شهد

[علي السبيَه]

مرحبا مليون


من ينقل الحمل الثقيل ياكود تتناقل خُطاه=في حشمة اللي حمّله شلته وقلت الله يعين
وانا ترى جسمي نحيل وجور حمله ماقواه=ماللجميل الا الجميل والله يعين المستحين

[صقر الجنوب]

الصاحب اللي زارنا شاهد كتابك واقتـراه
وانا من اول كنت تايه بين ضني واليقين

صح لسانك يابو طلال شاعر كبير كبير

["ابو شهد"]

ابقاك الله

من عادتي يابوطلال الشعر مابين صفاه= البّس المعنى ولكن في رضا عينك يبين
ياسيدي دورت في قوقل على اسمك والتقاه= ما جابني الا حب ما جيت اتتربع في العارين
ابو شهد

[صقر الجنوب]

ياسيدي دورت في قوقل على اسمك والتقـاه
ما جابني الا حب ما جيت اتتربع في العارين

لا غرابة مبدع يبحث عن مبدع الله يحييك تراحيب السيل

[علي السبيَه]

يامرحبا عد الثمر بين الغصون ومن جناه=يامرحبا ياطيبً عند الرجال الطيبين
لقيت شاعر قيف قبلك صاغ شعره واعتناه=وشرواك نفرح به ونفخر بين جمع الحاضرين

[علي السبيَه]

الصاحب اللي زارنا شاهد كتابك واقتـراه
وانا من اول كنت تايه بين ضني واليقين

صح لسانك يابو طلال شاعر كبير كبير
.................................................. ....................................
شكرا على مرورك الرائع واطرائك الجميل ياابواحمد

["ابو شهد"]

صقر الجنوب
الله يبقيك ويحييك

تسلم ويسلم صقر والواصي على ماقد وصاه= والدرع في صدري وسام وماعليت المبدعين
والليل بوّاله وانا وياك في خط المشاه= وامن الطرق يرصد على خط المشاه المسرعين
ابو شهد

[صقر الجنوب]

صحت السنتكم وعاش ابداعكم ولروائعكم متابعين

["ابو شهد"]

صحت السنتكم وعاش ابداعكم ولروائعكم متابعين


صقر الجنوب

هنيئا لمنتديات انت هرمها

تقبل تقديري واحترامي


ابو شهد

[علي السبيَه]

نغالط الرادار ونضيّع عليه الاتجاه=وتسير موجاته تتوّه في مدار التاهين
والضن يخطي ياصقر والصاحب اللي احنا معاه=ماهو بذاك اللي من اول زارنا قدام حين

[سعيد بن خضران]

مبدعين ورائعين

لا تحرمونا الإبداع ,, نحن متابعين لكم ومستمتعين

لكم وافر المحبة والتقدير

["ابو شهد"]

الاخ الكريم سعيد
مرحبا فيك مليار

ودي بشوفت صاحب(ن) كنا نسير في فلاه= نخذ ونعطي علم والحاضر على الماضي قرين
ارسم لنا قاف البداية والخبر في مبتداه= واحكم لنا والا علينا من شمال ومن يمين
ابو شهد

[صقر الجنوب]

صقر الجنوب

هنيئا لمنتديات انت هرمها

تقبل تقديري واحترامي


ابو شهد


كلامك يابو شهد وسام على صدري وتاج على راسي تعيش وتدوم

[صقر الجنوب]

والضن يخطي ياصقر والصاحب اللي احنا معاه
ماهو بذاك اللي مـن اول زارنـا قـدام حيـن

صدقت يالذيب وكلامك في محله صح لسانك ولسان ابو شهد

[علي السبيَه]

الغايب الحاضر ترى ماضنتي تلقا كماه=قس البحر قدام تغطس وانشد اللي سابحين
من يخطفه موج البحر لاعاد ترجي له نجاه=يسجّله خفر السواحل في سجل الفاقدين

[علي السبيَه]

مبدعين ورائعين

لا تحرمونا الإبداع ,, نحن متابعين لكم ومستمتعين

لكم وافر المحبة والتقدير
.................................................. ......................
مرحبا مليون ياشيخ سعيد شرفت الصفحه بمرورك الكريم

[علي السبيَه]

والضن يخطي ياصقر والصاحب اللي احنا معاه
ماهو بذاك اللي مـن اول زارنـا قـدام حيـن

صدقت يالذيب وكلامك في محله صح لسانك ولسان ابو شهد
.................................................. .............................................
تسلم ياابواحمد وانا لي سهمه في هذا المنتدى مااطيح الا بين شعار دواهي
وابوشهد واحد منهم لكن فرصه اني اتعلم واستفيد من قصايدي معهم

["ابو شهد"]

صقر الجنوب
" تحياتي وتقديري"
ابو طلال
ما عنك بزود ويشهد الله اني فخور بمجارتك وما الهدف الا الاستفاده لا اقل ولا اكثر وكلنا مكملين لبعض ولايهون الجميع .
ابو شهد

["ابو شهد"]

الغايب الحاضر بحر والحاضر الناضر مضاه= واللي قدر يعبر بحر يعبر بحور العابرين
ياصاحبي لد النظر حاضرك من يروي ضماه= اذا ضما يشرب بحرو(ن)ما شربها شاربين
ابو شهد

[علي السبيَه]

ياابوشهد وانت الذكي وجه الحجر يشبه قفاه=والظرس مايقوى على مظغ الحجر والعاردين
والله اني احنّك من العذّال والناس الهواه=لا ترفض الشور القدير ولا ترد الناصحين

["ابو شهد"]

ضرسي اذا شاف الجبل ياكلّه ويمشمش حصاه= في عصرنا الحاضر وفي وقت الجبلّه الاولين
والنصح ماني جاهله لكن تجاريب الحياه= تجبرني ارقا للسماء وان مت ذكر الذاكرين
ابو شهد

[صقر الجنوب]

صحت السنتكم جميعا قصائدكم ابداع ونحن متابعين الله يقويكم

[علي السبيَه]

ما دمت صامل ليش صوتك ما يعجّل في نداه=وانا مع الجمهور للفايز نصفّق بااليدين
وخافت الاصوات مانسمع نداه ولا صداه=والليل واحلامه محاها مطلع النور المبين

[بن خضران]

مبدعين مبدعين الله يعطيكم العافيه.........

["ابو شهد"]

صقر الجنوب... شاعر المعنى
على العين والراس
استلم يا بو طلال

حاشا وكلا منخفض صوتي ولا حبله رساه=واذا ارتفاع صوتي رفعته ما حسبت الحاسبين
لو كان فيني القلب يحمل شي من غيضه حكاه= ياصاحبي صاّحبك صاحبي وحن متصاحبين
ابو شهد

[*** الصهيبي ***]

الله الله

نغالـط الـرادار ونضيّـع عليـه الاتـجـاه=
=وتسير موجاتـه تتـوّه فـي مـدار التاهيـن
والضن يخطي ياصقر والصاحب اللي احنا معاه=
=ماهو بذاك اللي من اول زارنـا قـدام حيـن
ماعد يمديها يابو طلال
اشهد بالله انكم شعراء وانكم مبدعين وانكم رجال بمعنى الكلمه
ابو شهد . . . ابو طلال
دمتم في شموخ
اخوكم
الصهيبي

[الهمس]

السلام عليكم ورحمة الله وبركاته واسعد الله اوقاتكم بالمسرات
تحياتي لكل من اطل على هذه الصفحه واستبيحكم العذر بالمشاركه المتواضعه امامكم
وارجو ان تعذروني ان اخذت احرف قد ذهبت فلم اتابع المحاوره من اولها
ومتى اردتم التعدي اوقفوني
اسمعوا:

اهديكم الورد الندي ياهل الورود المنتقاه=يالي على سفح المعاني والغنا متربعين
جتكم هبوب العاصفه واتفكروا كيف النجاه=الموت فيها والهلاك اصبح قرار الغاضبين

[علي السبيَه]

حىالله الهمس تراحيب الغلا شرفت الصفحه يافارس الشعر

يامرحبا ياراس قاسي زاد عن كل القساه=واشد واقسا ماالحديد القاسي اللي مايلين
يقلون مافل الحديد الا الحديد اللي قواه=حليل منهو طاح بغته في يدين المفترين

["ابو شهد"]

الصهيبي

ما عنك بزود وهلا ومرحبا فيك



ابو شهد

["ابو شهد"]

الله يخارجني منكم بخير
" الهمس"
هلا وغلا ومرحبا تراحيب المطر وتمون
واستلم

يامرحبا بثنينكم في وداي(ن) مظلم دجاه= بين الهدف والشاره اللي صابته متعشمين
في كربلا كنِ الحكيم اليوم يندب كربلاه= والصدر في مرقد علي يلطم ويندب ياحسين
ابو شهد

[البرود]

ياسلام,, ياسلام
اسمحولي على المداخله

دب الضمى في عين جالوت من قبل الرماه= شدو بعصمة قايد الجيش لامر باليقين
ان كان في بغداد شنت حروب الله بلاه= والبرتقاله عشر منها غدو بالرافدين

[الهمس]

حياك الله يابو شهد وابرك ساعه اراك هنا في لقاء محبه

حياك يالي تلتبس في شدة القيض العباه=من كثرة الترحال ما تكسي العباه المنكبين
بين الصحاري القافله ماعاد بقي غير الرفاه=وش ياخذ الريح القوي من داركم يا معدمين

[صقر الجنوب]

جتكم هبوب العاصفه واتفكروا كيف النجاه
الموت فيها والهلاك اصبح قرار الغاضبين

الله يحييك تراحيب السيل أخي الغالي الهمس اشتقنا لك واعتقد ان شاعر المعنى انتقل هنا في هذا الموضوع فكلكم ماشاء الله تبارك الله شعراء كبار كبار بمعنى الكلمة

[علي السبيَه]

مافي الغشيشه يارفيقي لااحتراف ولا دُهاه=والّلمز ماني من هله يبقى مع ابليس اللعين
انا لساني مايعيبه كل منطوقً حكاه=الله يقويكم على ماتضمرونه ياثنين

["ابو شهد"]

يا صالح الله يصلحك من دونه وقع جزاه= وان كان ما علمك ابو علي فيا سود الجبين
لوكان ابو شهد مع الدوان غرد في نباه= رب السماء يبا الظاليم والعباد الظالمين
ابو شهد

["ابو شهد"]

ابو طلال
استلم

خلفيت الماضي انتهت والحاضر اعماني غشاه= الصاحب الاول تغير ما درا بالصاحبيَن
محشوم ياشيخ ارتفاع قدره وندني من دناه= جاك الحمام الزاجل بعلم انكتب ورسالتين
ابو شهد

[البرود]

خل الغشيشه ياعلي منهاجها محد(ن) خطاه=محشوم من لمزالعيون الصاخبه والغابرين
شرواك ونعم يارفيقي والله اعلم بالعُصاه = وانا معك واثنين حاصلهم يساوي المجمعين

[علي السبيَه]

الحمدلله جاني البرود يساعدني بابوشهد والهمس

ياضيفنا اللافي ترى قبلك جبالً منصباه=اثنين عن واحد وواحد عاد يعدل ميتين
ان كان شكّي ماصدق صدّقت منطوق الشفاه=واللي يصدّق من حلف عداه لوم اللايمين

[المعلوي]

الذيب دايم ذيب ياويل الرعيه والرعاه
والضان لايرعابها غير الرعاه الراشدين
لاتترك المعزا بلا راعي ترعوي في الفلاه
يهجم عليها الذيب ونتم كل أبوكم عارفين

[الهمس]

ستلموا لا هنتم

يابو شهد تحطمت حظارة الفرس الجناه=عمر وخالد هدموا بالحق دور المفسدين
هات الصراحه واضحه والحبر قل لي من محاه=الدار تبقى امنه والي سكنها منيعين

["ابو شهد"]

مرحبا بالجميع

بين الرجال ارجال والماضي على سورك غطاه= واللي حضر عندك بزينه ما قفا عنكم بشين
والدر مأمونه بمن فيها ونرجو الانتباه= في صالة المطار باب مغادرين وقادمين
ابو شهد

[علي السبيَه]

الدار فيها صور عالي وانت تدري من بناه=الجيّد اللي قدّر اللافي وزاده رتبتين
ولاخلق فيها بليد ولا طلع منها غُباه=هذه هو الفهم الحقيقي وانت سيد الفاهمين

[ابوريووف]

لي صاحبٌ ماحد بيدري وش غلاه
ياصاحبي قلبي تعذب وانت وين
ارضيه من بين البشر وشري رضاه
ليت الذي يبغون كيدي منسمين

["ابو شهد"]

ليش العرب تفهم خطأ وتسير عكس الاتجاه= ما ضاع بيت المقدس ولاضاع ثاني القبلتين
بين السماحه والرضا بين العداوه والبَغاه= النفس طابت ياعلي واللي لفوك مودعين
ابو شهد

[الهمس]

ما عليش على التاخير
اسمع يابو شهد


يابو شهد هد لا تبتعد القصد من يحمل عصاه=والذيب عينه ما غفت عن شلة المتسللين
عندي علومٍ خافيه واعرف لترويض العصاه=بالحق بينة العلوم واخرست كل المدعين