علي السبيَه

["ابو شهد"]

بسم الله الرحمن الرحيم

السلام عليكم ورحمة الله وبركاته ..

الاخ العزيز ابو طلال تحيه من الاعماق لك واسئل الله ان تكون بصحة وعافية
في الحقيقة انا لم اتحصل على عضويتي السابقة لابتعادي عن دخول النت وهجرانه في الفتره السابقة لذا دخلت بهذه العضوية ولي الشرف في المحاوره معك ومهما اختلفت وجهات النظر يبقى الاحترام والتقدير بيننا في القلب ومن القلب.



انا مديت بيمين الكف في ملقا رباع=وانت مديت بيسار الكف واخلفت الطباع
الدراما بيننا تشبه سنوات الضياع=والهدوء اللي سكن قلبي سبقه العاصفه





سلام ياشاعر ظلم شاعر بري الاتهام=راجع حسابات السنه وابيلس ربي يلعنه
يابو طلال الدار مامونه وفيها الصقر حام=وابوشهد ما زل لاصدر كلامه يوزنه

[علي السبيَه]

الله يحيك تراحيب الغلا ياابوغايب واتشرف بمجاراتك


الرد:علي السبيه
.
ما نصافح شخص عاجز تقصر ايده والذراع=
ولا نقول ان الثعالب عاديه مثل السباع=
والتبهلل ما بياجي منه فود ولا انتفاع=
والهدوء ما بعده الا كل كرّه ناسفه=


ما في الثوابت والحقايق لا جدال ولا خصام=وشلون تنكرها وهي ضمن الحساب مدوّنه
انا حميت الدار من رمح المعادي والسهام=واما انت توّك جيت فازع في توالي الازمنه

[صقر الجنوب]

أبو غائب صح لسانك .. ونرحب بك مرة أخرى
واذا على العضوية السابقة التي تخصك فراسلني بها واعطيك رقمك السري الجديد
واذا حبيت تضم مشاركات معرفك الحالي مع القديم او الجديد فانحن حاضرين

[صقر الجنوب]

أبو طلال صح لسانك ملايين ياشاعر على الرد البديع
ونتقدم لك بالشكر الوفير على كل ماقدمت وتقدم للاكاديمية
بارك الله فيك

[علي السبيَه]

أبو طلال صح لسانك ملايين ياشاعر على الرد البديع
ونتقدم لك بالشكر الوفير على كل ماقدمت وتقدم للاكاديمية
بارك الله فيك

تسلم ياابواحمد وصح بدنك ولا شكر على واجب
خدمة اللاكاديميه واجب علينا جميع واعذرونا
على القصير

[أحمد مطر]

صح لسان ابو غايب ولسان أستاذنا أبو طلال وياليت تواصلون هنيا علمن ماينغدى عنه .................


تحيااااااااااتي

[مسفرالفضيلى]

ابو غايب

علي السبيه


صحت السنتكم والله يعطيكم العافيه يا النشاما

الله يوفقكم

["ابو شهد"]

ابقاك الله


لاتصافح شخص عاجز تقصر ايده عن لقاك=شوف قدمك وابصر الناضر ولا تبصر وراك
والثعالب ما بتمكر مكرها في منتداك=والهدوء اللي سكن قلبي سبقه العاصفه




انا من الباب الوسيع اقبلت واعلنت السلام=والعين تعلم والقلم ماخط في ذيك السنه
ياضيم قلبي ماقوى كبر التهايم والملام=ان كان في خاطرك شي(ن) لاتغبه واعلنه

["ابو شهد"]

صقر الجنوب
احمد مطر
مسفر الفضيلي
صحكت ابدانكم
وتقبلو فائق الامتنان

[نديم القوااافي]

ابو غايب وابو طلال صحت السنتكم مستمتعين بما تطرحون بارك الله فيكم

[علي السبيَه]

الرد:علي السبيه=
.=
مرحبا يامرحبا يازين شوفك من بهاك=
مرحبا وامر تدلل ما تريده يابه هاك=
كنت نايم لك سنه واليوم حاين منبهاك=
والهدوء ما بعده الا كل كرّه ناسفه=


الباب فاتح مرحبا والضيف له كل احترام=والغيب يكشف والسراير وزّعتها الالسنه
واللي بري ما ضن يلحقه الجدال ولا الخصام=ياكم سؤال يكون حله عند من ينشد عنه

[مصفي]

يعطيكم العافيه

هنا مفاهمه على مستوى عالي من الاحترام

الله يوفقكم ويديم المحبه

واللي فات مات

["ابو شهد"]

دام فضلك يا مرحب والمسّلم ما غدر=والثمر فوق الشجر والا الشجر فوق الثمر
يرعد الراعد وصعق البرق ما جاب المطر=والهدوء اللي سكن قلبي سبقه العاصفه



الباب ما يوصد على ضيف المطاليق الكرام=والغيب ما دليت انا بابه وكيف اجي منه
والمتهم يبقى بري حتى تدينه بتهام=ياقاضي القضاه لا تتهم بري ظلم ودنه

[علي السبيَه]

الرد:علي السبيه=
.=
ضيف الاجواد ابيرحب باالمسيّر لا خطر=
عند منهم قد بنو للجود ميدان وقصر=
والشجر لو ما سقته المويه ماعاش الشجر=
والهدوء ما بعده الا كل كرّه ناسفه=


افصح جزاك الله خير ولا نزيد الاحتدام=ما للكلام المبهم المجهول عقلَ يفطنه
قدام نوصل يافتى للمعظلات وللجسام=افرش يمينك للسلام وغن شعرك والحنه

["ابو شهد"]

الشجر ربي خلقه وله جذوع(ن) باساقه=والنبا ذا جاك عني لاتصدق فاسقه
حط يدك في يد اللي جاء بخير وسابقه=والهدوء اللي سكن قلبي سبقه العاصفه



انا فصحت ولا كتمت بخاطري من قبل عام=وام انت في خاطرك شي(ن) لاظهرته تدفنه
يابو طلال ان كان نامت عينك الله ماينام=انا البري المتهم حتى تجيب البينه

[علي السبيَه]

الرد:علي السبيه=
.=
الخيال اللي بعيني كيف ودي اعانقه=
والذي مسروق قلبه ما يحاكم سارقه=
من يهوّن عاالفواد اللي حبيبه فارقه=
والهدوء ما بعده الا كل كرّه ناسفه=


القلب هايم كلما زاد الجفا زاد الهيام=للصاحب اللي له سنه غايب ولا ندري عنه
بين القلوب العاشقه قدر ومحبه وانسجام=والصاحب اللي غاب عنا ودنا ننشد عنه

["ابو شهد"]

انا منشد عن عتابك عودتي في ذي السنه=انشدك عن خافي(ن) خافي جرى ذيك السنه
يوم صالح شب ناره والقبس زاد السّنه=والهدوء اللي سكن قلبي سبقه العاصفه





ان كان قلبك هام بك قلبي تهشم بالغرام=حسبي على من فرّق احباب(ن) دهر متضامنه
بين القلوب العاشقه تبقى المحبه والوائم=واللي نشد عن صاحبه قله بخير وطمنه

[علي السبيَه]

الرد:علي السبيه=
.=
لو نقل لك يا ولد صالح تتوه الالسنه=
صالح اللي قد بنى مجده طوال الازمنه=
من لا يعرف قيمة الغالي ترى ما ثمّنه=
والهدوء ما بعده الا كل كرّه ناسفه=


حى الله اللي راح قلبه من محبينه حطام=عوذه من الحب الذي ياجي بغيض وملعنه
وانشاءالله انّا ما بنظلم ياالرفيق ولا نضام=اخبارنا واخباركم ياصاحبي في مامنه

["ابو شهد"]

والنعم فيكم وفي صالح وبرجال الجنوب=عزوتي يا محزمي يا لبس راسي والجنوب
فـ الشروق وفـ الغروب وفـ الشمال وفـ الجنوب=والهدوء اللي سكن قلبي سبقه العاصفه




القلب صافي يا علي عند البدايه والختام=واللاش يفدانا ويفداكم ومن يدنا دنه
والله يجملنا مع رباع والصقر الهمام=اللي يجملنا وفعل الطيب دايم ديدنه

[علي السبيَه]

الرد:علي السبيه=
.=
كل قصرَ له دراج وله منافذ واله بوب=
والعواصف ما تشابه للنسيم من الهبوب=
والخطل يبقى بعيد ونلحقه قول الهبوب=
انما عمّ الهدوء ياشيخ وانهى العاصفه=


لا عاد تدور للموضف لا انتهى وقت الدوام=ولا تلومه لا قفل بابه وهو في مسكنه
المدح لك ينشر وعلمك يافتى راس السنام=شاعر وشهم ومن رجاجيل الجميل ودندنه

["ابو شهد"]

على خشمي يابو طلال

وصح لسانك ملايين ولاهنت

ويشهد الله مجارتك شرف ومنك استفيد

وبيض الله وجه من مر من هذي الصفحات المتواضعه

و السلام عليكم ورحمة الله وبركاته

[علي السبيَه]

على خشمي يابو طلال

وصح لسانك ملايين ولاهنت

ويشهد الله مجارتك شرف ومنك استفيد

وبيض الله وجه من مر من هذي الصفحات المتواضعه

و السلام عليكم ورحمة الله وبركاته

عليه الطيب ياابوشهد وانا تشرفت بمحاورتي معك
في هذه الصفحه واعذرني ان حصل مني فصور

["ابو شهد"]

وافي وكلك تكميل

تحياتي