مرحبا يابو طلال

["ابو شهد"]

بسم الله الرحمن الرحيم

السلام عليكم ورحمة الله وبركاته

الحمد لله على السلامه يابو طلال

الصراحه ما صدقت يوم شفتك وصلت بالسلامه قلت نخليها قارعه وانا ادري اني على باب الله في شعر العرضه ولكن ما بيتحملني الا انت وياليت يشاركنا القارعه اثنين من الشعّار وان ما بغيتموها كلكم فتقعد.

البدع / ابو شهد

*=


سم يا علي البر وانق الصيد=
الطيور الحايمه عدت المرقاب=
والصقور الغايبه قسمها عُشرين=
كان للشيهان والحُرّ جال وجوله=
حلقت عالي وربك يجيبها=

[أبـو مشاري]

صح لسانك

[شايب العشرين]

صح لسانك يابو شهد
ننتظر ابو طلال عسى الله يوفقكم يالنشاما

[علي السبيَه]

حياك الله ياابو شهد ويشرفني مجاراتك ياالنشمي وانا ترى عليمي
ومعرفتيه ماجارت لكن اقبل الميسور واعذرني على القصور
وان بغيتم قارعه بهواكم انا موجود واتشرف بالمشاركه


الرد:علي السبيه=
.=
العرب سوو محطات للقصيد=
السيوف وشاهد الساحه والمرقاب=
كل ما جا شاعرن جاء معه عشرين=
من يبون الشهره راع المحطه جو له=
كم من اصواتن كثيره يجيبها=

[شايب العشرين]

طيب يابو طلال جددت السقيه من الديره وجيت
حسبك الله وصح لسانك

[علي السبيَه]

طيب يابو طلال جددت السقيه من الديره وجيت
حسبك الله وصح لسانك

صح بدنك ياابو يزن والله يجبر بخاطرك ياالنشمي
وانا باقي في الديره طال عمرك والسقيه مامنها شي
ماشي الا رياحن تشق الوجه وضباب ماتشوف طرف
ايدك واحسن مافيا المطر له ثلاث ايام ماانقطع

[صقر الجنوب]

أبو شهد صح لسانك وبدنك يا النشمي وانت مبدع في قصائد العرضة والقلطة

[صقر الجنوب]

أبو طلال صح لسانك وبدنك على الرد الوافي وواصلوها قارعة وانحن معكم مواصلين التشجيع والمتابعة

[عاشق المها]

صح لسانك يابو شهد وعلا شانك ...وصح لسانك يابو طلال على الرد الوافي والله يحييك ملايين ...

واسمحوا لي بهذه المشاركه المتواضعه ترحيباً بأخونا علي ....


بدع ابوفيصل
مرحبا بك كنّ ذا اليوم يوم العيد


يـاعـلي جيّتك تسعد كما السحاب


غـيبتك يومين فاقت على شهرين


الـقـصـايد شابهت دُرّة ٍ من قوله

شـاعـر ٍ لـلـقـوم شـب ٍ وشـيـبها

[علي السبيَه]

صح لسانك يابو شهد وعلا شانك ...وصح لسانك يابو طلال على الرد الوافي والله يحييك ملايين ...

واسمحوا لي بهذه المشاركه المتواضعه ترحيباً بأخونا علي ....


بدع ابوفيصل
مرحبا بك كنّ ذا اليوم يوم العيد


يـاعـلي جيّتك تسعد كما السحاب


غـيبتك يومين فاقت على شهرين


الـقـصـايد شابهت دُرّة ٍ من قوله

شـاعـر ٍ لـلـقـوم شـب ٍ وشـيـبها

تسلم ياابوفيصل والله يسلمك ويغليك ياالنشمي وصح لسانك ملايين
ويشرفني ارد عليك يااستاذي وخذني من قيس المعرفه


الرد:علي السبيه=
.=
البقا واقول علم الوفا واعيد=
من يحث الخطوه ماهو كما السحاب=
وانت شاعر تشهر المعرفه شهرين=
مثل سيلن عم كل البلد منقوله=
والله كم برقن غيومه وشي بها=

[نيس الأجرد]

صحت السنتكم ...يامطااااااليق ويستااهل ابو طلال ...

[درع الجزيره]

صحة السنتكم والله يحيك ياعلي اشتقنا لك ولقصايدك

["ابو شهد"]

امير بعزتي

صح بدنك يالغالي

["ابو شهد"]

شايب العشرين

صح بدنك والله يوفق الجميع

["ابو شهد"]

ابو طلال

رد وافي من شاعر وافي وانت استاذ وشاعر حرف ومنك نتعلم

صح بدنك ولا هنت

ابو شهد

["ابو شهد"]

أبو شهد صح لسانك وبدنك يا النشمي وانت مبدع في قصائد العرضة والقلطة


صح بدنك يابو احمد

والله يجبر بخاطرك وهذا من طيبك

تحياتي

ابو شهد

["ابو شهد"]

ابو فيصل


صح لسانك وبدنك والله يديم طلتك


تحياتي


ابو شهد

["ابو شهد"]

نيس الاجرد

صح بدنك ولا هنت


تحياتي

ابو شهد

["ابو شهد"]

درع الجزيرة

صح بدنك ولا هنت


تحياتي

ابو شهد

[المبدع.]

صحت الألسنه .. وتعافت الأبدان

أبوشهد ،،، علي السبيه ،، عاشق المها

إبدااااااااااع .......... ومتابعكم

["ابو شهد"]

المبدع

صح بدنك ولا هنت


تحياتي


ابو شهد