شيله يالزيادي

["ابو شهد"]

السلام عليكم ورحمة الله وبركاته

الاخ العزيز المبدع لي الشرف في مجاراتك ان حبيت


:



يا مدور حب في كبد السما=ربما تلقى حبيبك ربما
لكن اعمد له صروح وسلما=الأمكان كلها مشتاقه لك



يا مرحبا بك يامحمد وانت ماضي اليوم وين=انته طلعت بْسُلّمه والا نزلت بْسُلّمه

[الحُطيئه]

صح لسانك وننتظر المبدع
بس المفروض تكون بيتين والا انا غلطان؟؟؟؟

[المبدع.]

صح لسانك ... وترى هذا أول دخول ...


العروق اللي تدفّق بالدما=
ماجرت بالحب ياحامي الحما=
ياعسى عين الحسودي بالعمى=
الأماكن كلها مشتاقه لك=
***
ياللي تنشّد عن محمد جاء منين وراح فين؟=
أنا معي لك للقصايد فهرس(ن) ومقدّمه=

["ابو شهد"]

صح بدنك وهلا فيك


العيون اللامحه ما نا ظرت=شاهدت ما في كتابك واقترت
من كتابك فسرت ما فسرت=والأماكن كلها مشتاقه لك



انا طريقك لو عرفته ماسألتك مرتين=اللي ظهر منكم ظهر والخافي الله يعلمه

[المبدع.]

أسفرت لحظة قدومك وأنورت=
وأبرقت وأستبشرت بك وأمطرت=
قصة(ن) تجري .. وقصّه ماجرت=
الأماكن كلها مشتاقه لك=
*****
يابو شهد لاتبرم الحيله وتاهب كلمتين=
المصحف المكتوب مايحتاج شرح وترجمه=

["ابو شهد"]

قصة (ن) تجري وانا قصيتها=وابتهالاتك علي عديتها
ما يجوز الظلم يا قاضي تها= الأمكان كلها مشتاقه لك



يا صاحبي شوف البصر ما هو بشوف الناظرين= الحليه الليله علينا من جانبك مبرمه

[متعب الدوسي]

الله الله

صحت السنتكم وتعافت ابدانكم

[المبدع.]

القلوب المدسمه شوّيتها=
واللي مافيها دسم كبّيتها=
والعيون المبصره عمّيتها=
الأماكن كلها مشتاقه لك=
****
يابو شهد ..كيفك؟ صباح الخير.. ومن العايدين=
محمد المختار مايعرف كذاب مسيلمه=
****

["ابو شهد"]

مرحبا فيك يا متعب وصح بدنك


يا محمد عد حب السنبله=قبل ما ترمي علينا القنبله
لا تحل المشكله بالمشكله=الأماكن كلها مشتاقه لك



هلا صباح النور يا البنور ومن الفايزين=والسالفه في حلها واللي تكنه تكتمه

[شاعر بالمفضل]

الله الله الله

ابداع وفتل ونقض على ارقى المستويات

ابو شهد
المبدع

صحت الالسن وتعافت الابدان

[المبدع.]

الذي له حَقّ يفرش حنبله=
والذي في إيده حجر لاينبله=
العَلَق مطروح والضيق أزهله=
الأماكن كلها مشتاقه لك=
****
هيّا معي لا عند بيت الله وأحلف لك يمين=
إنّ إتّهامك للزيادي مَظْلَمه في مَظْلَمه=
****

["ابو شهد"]

شاعر بالمفضل صح بدنك


الزعل مرفوع والدعوه مزوح=وانت مجروح الهوى والجرح بوح
يا حبّيب دايم العاشق فضوح=الأماكن كلها مشتاقه لك



يوسف نبي الله في سجن العزيز اعظم سجين= فسر حلوم اللي سقا العزيز واللي يطعمه

[عاشق المها]

الله ......الله

صحّت ألسنتكم يالنشامى على هذا الإبداع وننتظر المواصله والمتابعه منّا حاصله ...وانتبه لنفسك يابو شهد من الغوص في أعماق البحر لا يهيج عليك ...هههههههههههه...

المبدع شاعر كبير ولا فيه حيله على كل الطروق وعلى أعلى المستويات ...لا عدمنا المبدعين أمثاله ....

[المبدع.]

صح لسانك .. والعذر على التأخير مادخلت من البارح

والشكر موصول لعاشق المها على الإطراء ، وموصول

لكل من مر هنا...............



الزيادي لا بنى يبني صروح=
وإنت لي ياغامدي قلب(ن) وروح=
لاتغيب ..وعن عيوني لاتروح=
والأماكن كلها مشتاقه لك=
*****
أرعبتم المسكينه اللي دمعها من كل عين=
عسى البقاء فاالحيّ..والا الميّت الله يرحمه=
*****

[نديم القوااافي]

كلام يقعد الراس ومحاوره جميله وفتل ونقض متعوب عليه ....

ابو شهد

المبدع

صحت السنتكم وبيض الله وجوهكم واتمنى تواصلون هذا الابداع فنحن مستمعون بما تقدمون

["ابو شهد"]

نديم القوافي صح بدنك ومرحبا فيك

:
:

المبدع صح بدنك وانا هذا دخولي



انا متعجب من افعال العرب=لاتقوْل يا بو شهد فيما العجب
ضفينا اللي زارنا عدل!! كتب=الأماكن كلها مشتاقه لك



يا محمد افرح جاك من ربعك ضيوف مشجعين=والغامدي محتار بفعال الضيوف المبهمه

[المبدع.]

الطرب تلقاه عند أهل الطرب=
لا تدوّر له في البيت الخرب=
واللي أجرب لايصيبك بالجرب=
والأماكن كلها مشتاقه لك=
***
ضيوفنا من طارف الربع الكرام الأولّين=
أكشف عن الخنساء.. وتطلع زيد والا عكرمه=
****

["ابو شهد"]

كان في الخاطر سوالف وانتهت=جابني مرسول عما عللت
خلنا في علمنا واعجن ولت=الأماكن كلها مشتاقه لك



لا يالزيادي وانت تدري ان الهوى والحب شين=الحب مُر ولو حلا مُره فجرب علقمه

[المبدع.]

المراكب للبحور أتوجّهت=
والرسايل عند أبو زيد أُرْسِلت=
من عجينتك المواعين أمتلت=
والأماكن كلها مشتاقه لك=
****
الحب ماهو عيب وإبن آدم على دنيا ودين=
العيب في شِلّة جواسيس أرسلوهم شرذمه=
****

["ابو شهد"]

انت وين اليوم رايح يا ولد=طار فكر وين عني وابتعد
الظلايم صابتك يا بو شهد=الأماكن كلها مشتاقه لك



مسموح يا شيخ العرب والله حسيب الظالمين=والناس في حضرت جنابي سالمه ومحشمه

[المبدع.]

أنا ماني خارج أسوار البلد=
غير صحّ النوم لك والا بعد=
كل ماتبرق لي .. أرعد لك رعد=
والأماكن كلها مشتاقه لك=
*****
محدن يشوف الحشمه الا في وجوه المستحين=
وجابك الله عند من يتنطّقون المعجمه=
*****

["ابو شهد"]

صبحك ربي بنوره والرضا=اقلب الصفحه وشوف اللي مضى
من هبط للسوق عود ماقضى=الأماكن كلها مشتاقه لك



الحق للطَلاب لو جاء في علومي ما يدين= انا معك في علم وافي والبناء لا تهدمه

[المبدع.]

والله يادّخانكم ياأهل اللظى=
ماقدرت أبصره من سطح الفضاء=
أشتكوني للمحاكم والقضاء=
والأماكن كلها مشتاقه لك=
****
يابو شهد نبغي مزكّي لو سمحت وشاهدين=
وثبّت أقوالك وبصّم عند قاضي المحكمه=
****

[لؤلؤة زهران]

ابو شهد
المبدع
الله يعطيكم العافيه
اختيار للابيات مميز وراقي من اهل الذوق والشعر الاصيل
اجمل واطيب وارق
التحايا

["ابو شهد"]

لؤلؤة زهرن صح بدنك وهلا فيك


يا محمد بالطلاق وبالحرام=ماحضرنا لا عتاب ولاملام
شاعر(ن) سيّر على شاعر غرام=والاماكن كلها مشتاقه لك



الظلم يالحقني من اول يوم جيت ولا يبين=يكون هذا العام عام الظلم والا موسمه

[المبدع.]

لاتطلّق ..لاتحرّم ..والسلام=
والله يابعض الطلاق إنّه كلام=
غير ماألومك..حضر بدر التمام=
والأماكن كلها مشتاقه له=
***
هيكل سليمان إبن داؤود أنقله قبر الحسين=
وأبو سعود الليله يصرف لك وسام ومكرمه=
***

[عاشق المها]

ياسلام ياسلام على الإبداع ...أمتعتونا في هذه المحاوره الراقيه ...واصلوا الله لا يهينكم ولا عد تبطون علينا...

["ابو شهد"]

بهر الدله وحد ام الدمي=واعطني من عطف قلبك مقسمي
لا تشوف بصورتي خط اقلمي=الأماكن كلها مشتاقه لك


تونس من الظلم اكتفت وانزاح زين العابدين=والا بعد في تونس الخضراء الظروف مأزمه

[المبدع.]

أدري إن الجود يبقى حاتمي=
غير لو كحّلت عينك تنعمي=
ياسمي خذها نصيحه ياسمي=
الأماكن كلها مشتاقه لك=
****
عادت حليمه عند عادتها القديمه من سنين=
وأمست كما العصفور لا طبّت عليه المرتمه=
****

[علي السبيَه]

ابو شهد

المبدع

سؤال وجواب وابداع من الطرفين وصحت السنتكم ملايين

["ابو شهد"]

ابو طلال صح بدنك ومرورك تاج على الراس


البحر كم فيه من قطر البحر=والسنه كم يوم فيها بالشهر
لو تعمر كم تعمر يا بشر=الأماكن كلها مشتاقه لك



إمام حارتنا يصلي العصر دايم ركعتين=والمفتي أفتانا بتحريم الصلاه القائمه

[عاشق المها]

صحّت ألسنتكم ملايين ...وعتبي عليك يابو شهد يوم تتجاوز مشاركتي .....

[المبدع.]

أولا" أعتذر عن التأخير ..... أنشغلت بمحاورة المونديال
/


مايرد السيل عقم ولاشجر=
أشرب الشاهي على واحد حجر=
والله ياعود العُشر يبقى عُشر=
والأماكن كلها مشتاقه لك=
*****
خلّك من العافين وقت الضيق ومن الكاظمين=
وإمام حارتكم .. يصلّي خلفه أهل المشئمه=
****

["ابو شهد"]

ابو فيصل صح بدنك وعتب محبه ان شاء الله


المبدع هلا والعذر على التاخير مني ها المره



الله اكبر كيف حليت السؤال=انت مبدع لا ولا هذا محال
كيف وانا احسبك لي صعب المنال=الأماكن كلها مشتاقه لك



إمام حارتنا كفر وانته من اصحاب اليمين=هذا بتفسير الشيوخ الفذه المتعلمه

[المبدع.]

السؤال اللي معك يابن الحلال=
لا قران ولا حديث ولا مثال=
وأنا ماأدوّر على هرج العيال=
والأماكن كلها مشتاقه لك=
****
يابو شهد ماكنّك الا مالغزاه الفاتحين=
ورقعة السلطان هي بالحبر والا المرسمه=
****

["ابو شهد"]

انا ما زل بلساني يا بطل=انا اقول الشعر واصيغ الجُمل
الشتايم خلها لاهل الجهل=الأماكن كلها مشتاقه لك



خذ يا محمد مني الختمه وجود سورتين=والحرف لا غلّب عليك الحرف مده وادغمه

[المبدع.]

انا ما زل بلساني يـا بطـل

(أتمنى إعادة صياغته ماغنّى معايه أو ربّما خطأ إملائي)

/


إنت شاعر... والدليل اللي حصل=
وين حرف العطف من حرف البدل=
لا تعصّب في كما هذا المحل=
*****
السورتين أبنختصرها وأبنسمّعك آيتين=
وش عاد باسوّي بروس(ن) ضاريه بالمرخمه=
****

["ابو شهد"]

انا ما زل بلساني يـا بطـل

(أتمنى إعادة صياغته ماغنّى معايه أو ربّما خطأ إملائي)

العذر وهذا التصحيح

انا زليت بلساني يا بطل




في النهايه وش ترى يا سيبويه=ايسره والا ايمنه او هايا ويه
الطريق الملتوي كم سرت فيه=الأماكن كلها مشتاقه لك



من قبل قلت ان الزعل مرفوع والموقف ثمين=والغامدي مرضي ولا يزعل ويلوي برطمه

[المبدع.]

فالنهايه عشت يالقلب النّزيه=
غير وش هذا الخبر جبته .. وليه؟=
الريال اللي ورق .. غير الجنيه=
والأماكن كلها مشتاقه لك=
*****
ياغامدي .. خُبري بغامد مالرجال الطيبين=
الإذن مايصغونها لأهل الكذب والنمنمه=
****

["ابو شهد"]

رغم تجريحك وشكك والظنون=تبقى غالي والمعزه ما تهون
انت ونعم وانت للقاله زبون=الأماكن كلها مشتاقه لك



فالنفترض بأْني دسيسة شرذمه متشرذمين=هوْ ليش ترع السمع والخبز اليماني تقسمه

[المبدع.]

والنعم ياصاحب القلب الحنون=
لاتظنّك ماتمون .. الا تمون=
واللي في قلبك قريته فالعيون=
والأماكن كلها مشتاقه لك=
لو ماقسمت الخبز وأطعمت الرعاع الجايعين=
يكون جرسون الحجاز .. أغلق عليهم مطعمه=
*****

[الساهر]

ابوشهد والمبدع انا اشهد انكم ابدعتم

["ابو شهد"]

الساهر مرورك شرفنا

:

المعذره يا محمد انشغلت باللي صار في جدة وقبل شوي طالع من المكتب وهذا اول الغيث



طابت ايامك وطابت ساعتك=والشرف لي في ضيافة صفحتك
والختام الله يعّلي هامتك=الأماكن كلها مشتاقه لك



يا محمد الله يجعلك في جنة المتنعمين=فرصه سعيده جمعتنا والليالي قادمه

[المبدع.]

مشكور كل من مر هنا .......

صح لسانك أخوي / أبو شهد والمعذره إن حصل زله

أو كلمه غير مقصوده .. القصايد هذا حالها لكن المحبه في القلوب



قلت لك يابو شهد خذ راحتك=
وأعطني المكتوب في كرّاستك=
وأبتلشتاني بمسجد حارتك=
الأماكن كلها مشتاقه لك=
وافي ..وراعي معرفه.. تنوب عالمتواجدين=
وتلتقفها من حناحين الطيور الحايمه=
****

["ابو شهد"]

وأبتلشـتـانـي بمـسـجـد حـارتــك
هههههههه

صح لسانك يا محمد

تشرفت بمجارتك والدعوه مزوح


تسلم واشكر كل من مر وشاركنا

ابو شهد