دخيلك بسألك لارحت منهو مننا الخسران..؟؟

[آميــر الكـونـ]

http://up.graaam.com/uploads/imag-4/graaam-5fdabf44ae1.jpg (http://forum.an3m1.com/redirector.php?url=%68%74%74%70%3a%2f%2f%77%77%77% 2e%67%72%61%61%61%6d%2e%63%6f%6d%2f)

ترحل وتحسبني لارحلت اقدر على النسيان..
وانا اللي لاطرا طاري رحيلك ضعت بشتاتـــي

دخيلك ،،بسألك لارحت منهو مننا الخسران..
أنا والاّ انت ؟،،جاوب قبل ماتكتب بي آهاتـــــي

أنا اللي من عرفتك والسما قوس وغلاك الوان..
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان..
وحزن عمري يموت بضحكتك ياكل بسماتـــي

تعرف انك غلاي وراحتي ، وان التعب لابان..
يموت ان جيتلك ياللي هواك اجمل حكاياتـــــي

وتعرف اني على بساط انتظاري أجمع الأحزان..
واكبّلها اذا وصلك اخذني من متاهاتــــــــــي

انا من قبل اعرفك مالقيت لهالعمر عنوان..
سوى : حزن وأمل ضايع ،ويأسي هو مداراتــــــي

أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي

قليل اللي صدق ،، واللي يخون بهالزمن كسبان..
كثير اللي يمرون ،،وقِناعاتي قناعاتـــــــــــي

وجيت وعرفت اني بحكمي كنت انا الغلطان..
وصرت انت القناعات ،،وحنيني وإتجاهاتــي

دخيلك ،،مابقى فيني شعور ٍ يحتمل خذلان
دخيلك لاتخليني أسير ليأس راياتـــــي ..

مماراااق لي
آميرالكونــــ

[أبـو مشاري]

يسلم رااااسك

[الرميصاء]

قليل اللي صدق ،، واللي يخون بهالزمن كسبان..
كثير اللي يمرون ،،وقِناعاتي قناعاتـــــــــــي
تسلم أخي أمير على النقل
الله يعطيك العافيه

[آميــر الكـونـ]

أشكر مرورك اخي أمير
وانتي أختي الرميصاء
لكما مني كل الود
آمير الكونـــ

[اميرهم]

دخيلك ،،بسألك لارحت منهو مننا الخسران..
أنا والاّ انت ؟،،جاوب قبل ماتكتب بي آهاتـــــي
كلمات جدا رائعه تسلم اخي امير الكون

[نمرغامد07]

أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي



يعطيك العافيه

[آميــر الكـونـ]

اشكر مروركما أميرهم ونمر غامد
ولكما مني خالص الود
ودمتما في رعاية الله
آمير الكونـــ