%%% (( أسفرت وأنورت )) %%%

[المبدع.]

أسفرت وأنورت بعد الغياب الطويل=
وأبرقت وأرعدت بقدومكم وأمْطَــرَتْ=
والذي مايرحّب فيك يبقى بخيل=
ياسبايب دموع المبدع اللي جَرَتْ=
حسبي الله على الدنيا ونعم الوكيل=
زوّدتْني جروح وعلّتي مابَرَتْ=
بعد فرقاك ماحصّلت واحد بديل=
تدري الناس؟ و الا عَلّها مادَرَتْ=
يشهد الله عليّ إنّي بحبك قتيل=
يوم سافرْت.. وعيوني معك سافَرَتْ=
كنّ هجرك وبُعْدكْ قـَسْـوَره يالخليل=
وكنّ روحي وقلبي حُمْرٌ اسْتَنْفَرَتْ=
إنْصِفْ العاشق اللي حُجّته بالدليل=
لو جميع العواذل للصحيح انْكَرَتْ=
قلت أبخفي دموعي عنك يوم الرحيل=
مير غمّضت رمش العين وتْنَاثَرَتْ=
وإنت ماشفت من دمعاتي الا قليل=
لو درت بي قوافل رِحْلتك ماسَرَتْ=
يامعـوّد تَعَلّم كيف رد الجميل=
وأجذب أحضان من قال أسفرت وأنْوَرَتْ=
**

[الرميصاء]

ما شاء الله درر أخي المبدع بارك الله فيك

[غرور]

صح لسانك اخووي تحيااااتي لك غرور

[احمد معيض الخماش]

كلمات قمة الروعه انها تعتبر معلقه دررنثرتها سلمت قريحتك دمت بود

[آميــر الكـونـ]

حـســبــي الله عــلـــى الـدنــيــا ونــعـــم الــوكــيــل

زوّدتْــــــنـــــــي جــــــــــــــروح وعــــلّـــــتـــــي مـــــــابَـــــــرَتْ

بــــعــــد فــــرقــــاك مــاحــصّــلــت واحــــــــد بــــديــــل

تـــــــــدري الـــــنـــــاس؟ و الا عَـــلّـــهــــا مــــــــــادَرَتْ

أحسنت أخي المبدع لا فض فوك
لك مني خالص الود
آمير الكونــ

[لؤلؤة زهران]

المبدع
ماشاء الله تبارك الله
دايما تتحفنا بالجميل من قصايدك التي يسيل منها شهد الابداع والتميز
سلمت يداك

[إبن الجنوب]

مبدع ياأخي تحياتي وتقديري لك...

[علي السبيَه]

ابداع يفوق الخيال وكل بيت عن قصيده وصح لسانك لين ترضى يا منبع الابداع ومنهل الشعر الاصيل

كـــــــنّ هـــجــــرك وبُـــعْــــدكْ قَـــسْــــوَره يـالـخـلــيــل

وكــــــنّ روحــــــي وقــلــبــي حُـــمْــــرٌ اسْـتَــنْــفَــرَتْ

كـــــــنّ هـــجــــرك وبُـــعْــــدكْ قَـــسْــــوَره يـالـخـلــيــل

وكــــــنّ روحــــــي وقــلــبــي حُـــمْــــرٌ اسْـتَــنْــفَــرَتْ

[المبدع.]

لكل من مرهنا حبي وشكري وتقديري

لاهنتم والإبداع مروركم ، الله يعطيكم العافيه