ابو دلامه

[السيف الأملح]

اخونا علي السبيه ناخذ واحده ولا ثنتين حسب التساهيل


ياعلي بالله اترك البهرجه والهيلمان=
اعتدل ودي اعتنز وانت ع المعناز حل=
وابغي اتنشدك عن محتمين ابو دلامه=
للمحاقر غصب روح الفتى يحدونها=

[صقر الجنوب]

الله يحييك تراحيب الغلا
اسعدنا قدومك ياشاعر
بالنسبة لابو طلال فعنده محاورة الليلة
ولكن بكره ان شاء الله انه يقدر يدخل النت ويرد عليك
لنا رجاء لاتغيب عنا
تقبل احترامنا

[شايب العشرين]

حياك الله ياهكر طولت الغيبه عسى ماشر
وصح لسانك والله يبيض وجهك
ننتظر السبيه يكمل الابداع

[جار الله الخامس]

صح لسانك يالهكر من طول الغيبات وعسى تكون سالفتك مع السبيه خيررر

[صقر الجنوب]

ابو طلال يرحب بك ياهكر ويقول اعذرني ترى النت عندي ثقيل


الرد : علي السبيه=
-=
في محل الطيب تلقا الكرم والهيل امان=
ماملكت الشمس بيدي ولا معنا زحل =
هد من روعك ولم الوفا والود لامه =
واترك الناس الدروب الفتايح دونها=

[صقر الجنوب]

صح لسانك ملايين يابو طلال على الرد الوافي

[صقر الجنوب]

ننتظر البدع من الشاعر هكر لنكمل المحاورة

[نديم القوااافي]

صح لسانك يا هكر وعودا حميدا ... وصح لسان ابو طلال وابو احمد

[علي السبيَه]

صح لسانك يا هكر وترى كان النت عندي شبه معدوم ولا ضبط الا الليله
وقصيدتك ارسلها لي صقر الجنوب على الجوال وارسلت له ردي الملشلش
وان ودك نواصل انا موجود وتحت امرك واتشرف بمجاراتك

[السيف الأملح]

اكبر الشرهات لا من رفيق الجنب خان=
باع صدقانه لروس الهملط والجهل=
يلحقه من كل غندور مشعاب الملامه=
فعلته ينكر لها الناس ويحقرونها=

[صقر الجنوب]

عندك علوم ياهكر صح لسانك

[علي السبيَه]

الرد:علي السبيه=
.=
ياكم لي من وقت ما شفت شكل الجنبخان=
والجديد يهل من كل نوعً ولج هل=
الخبر لا تشرحه للقلوب اللي ملامه=
والله يا ويح الوعوله وويح اقرونها=

[السيف الأملح]

هقوتي قوم الوفا مايجي منها جبان=
غير لا ردو الحميا على راس النذل=
يلحق المطرق جنوب الجمل واعلى سنامه=
والجحوش البيض توقف تلم اذونها=

[شايب العشرين]

صح لسانك ياهكر والله انك ذيب
السبيه ردود بمكانها صح لسانك
موفقين لاهنتم

[دفا الروح]

الله يعطيكم العافيه

[علي السبيَه]

ماهلا بااضيع علىك بدوعك بردوديه الملشلشه يا هكر انا معرفتي كما فقدها
لكن اللي ما يعجبك منها اشتاله واحذف به لم الفري واشكر شايب العشرين
على تشريفه الغالي


الرد:علي السبيه=
.=
الدلايل قبل الانضار والمنهاج بان=
وانحن وقت المعركه لا نهاب ولا نذل=
ما يضيم الليل مخلوق بين الناس نامه=
وانا مالي باالمحاكم ولا ماذونها=

[صقر الجنوب]

أبو طلال صح لسانك ملايين ردودن يبري العلّه

واصلوا شعراء كبار ودواهي مايقدر فيكم الا ربيه

ميه ميـه

[السيف الأملح]

لو تجمع شيعة الرافضه بتلى زمان=
ما يطولو راس ابو بكر واصحاب الرسل=
روسهم تحت العمايم ضريت بالرخامه=
والصحابه ايات رب العلا يتلونها=

[السيف الأملح]

صح لسانك يابو طلال انت شاعر ولا ينكر شاعريتك الا جاهل
وشكراً لكل الاخوان الي شاركونا بدون استثناء

والاخ شايب 17 والله انك اسعدتني بحضورك وان سمحت الضروف نتقابل في متصفح خاص

[صقر الجنوب]

هذي دعوة غالية من شاعرنا الكبير هكر لشاعرنا الرائع شايب الـ 17 فائزززززين
صحت الالسن وتعافت الابدان وامنيتي ان ارى محاورة على الهواء مباشرة بين

السعوددية هكر والشايب السعوددية

[علي السبيَه]

تسلم يا هكر وصح بدنك وشهادتك اعتبرها تاج على راسي
واتشرف بمجاراتك وخذني من قيس المعرفه


الرد:علي السبيه=
.=
في كفوف اهل الشرف والوفا بتلزمان=
ما تتوّهني العناوين واصحى باالرسل=
وشعلينا من طيور الحميمق والرخامه=
ما تجي قبل الصقوره ولا يتلونها=

[صقر الجنوب]

بيض الله وجهك يابو طلال عميد اسم على مسمى

وشعلينا من طيور الحميمق والرخامه

ما تجي قبل الصقـوره ولا يتلونهـا

[السيف الأملح]

كنت بقطع راس كرزاي وابو طالبان=
قالو هذا ولدنا لا تصدق ما نقل=
ندري انه لاش ماهو من اصحاب الفخامه=
ما يساوي نصلة(ن) في قبى يحلونها=

[علي السبيَه]

الرد:علي السبيه=
.=
لو رميت العلكه تحت القدم بوطا لبان=
وين نلقى يا هكر سيل منه الماء نقل=
تختلف حتى الصنايع وخامه ولف خامه=
لا تطوّل ناضرك في قبايح لونها=

[علي السبيَه]

بيض الله وجهك يابو طلال عميد اسم على مسمى

وشعلينا من طيور الحميمق والرخامه

ما تجي قبل الصقـوره ولا يتلونهـا



ووجهك ابيض ياابواحمد ولله يجبر بخاطرك زي ماتجبر بخاطري بكلامك الطيب

[السيف الأملح]

مقبح الي يقتني البغل ويسيب الحصان=
والذي يتقود الناقه ويبيع الفحل=
والي يربا الهامه ويقول صقر(ن) منت هامه=
تتضح لك دورهم سود لو تلفونها=

[علي السبيَه]

اسف على التاخير با هكر والله اني دوبي دخلت المنتدى

ا
لرد:علي السبيه=
.=
القنصل في كل دوله تمتّع باالحصان=
والسفاره عندهم للتصاريف الف حل=
ليت منهو يتّهمني يبطّل من تهامه=
معرف عنوان السفاره ولا تلفونها=

[صقر الجنوب]

هكر - علي السبية

صحت الالسن وتعافت الابدان محاورة عميقة المعاني بعيدة المرامي كلام شعراء كبار واصلوا وانحن متابعين

[عاشق المها]

رائعين الله يهولكم ....صحّت ألسنتكم على هذا الإبداع ...

[السيف الأملح]

اسمحني على التاخير
بسبب مشاغلي
كل منهو دق صدره وقال اني فلان=
اعتزي به مثل شرواك ياشاعر بطل=
والذي راسه مترب كما راس النعامه=
يلتقي صفعة يميني ويلقى شونها=

[علي السبيَه]

عادي يا هكر حتى انا التاخر عليك كلن تحكمه ضروفه


الرد:علي السبيه=
.=
مرحبا يا نوي(ن) منه حتى النيف لان=
مثل غزر البحر ماهو بنقع ولا بطل=
لا مضى من ديرة(ن) منعمه راس النعامه=
قشّها لي تجدب الارض من قاشونها=

[السيف الأملح]

صح لسانك يابو طلال وشكراً لتواضعك ومحاورتي
وشكراً لكل من شاركنا بردوده

[علي السبيَه]

صح لسانك يابو طلال وشكراً لتواضعك ومحاورتي
وشكراً لكل من شاركنا بردوده

تسلم يا هكر وصح بدنك واشكرك جزيل الشكر على منحك لي
شرف مجاراتك في هذه المحاوره واعذرني على قُل المعرفه

[أبويحيى]

السيف الاملح مدري هكر

صح لسانك ياغايب سنه وشرفت بثوووووووب جديد

أبو طلال
صح لسانك وجمل الله حالك

تقبلووووووووووووا مروري