انا ونّيت ونّه وقّفت قلبي ورى اضلاعي

[علي السبيَه]

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين


انا ونّيت ونّه وقّفت قلبي ورى اضلاعي=وكادت تكسر اضلاعي وتزهق روحي الحيه
على اللي غربل اوقاتي ولخبط جملة اوضاعي=شريد الذهن افكّر فيه بين الروحه والجيه
وانا من لهفتي فلّيت في بحر الهوى اشراعي=يغوص الشوق في عمق البحر من شان حوريه
وانادي له من اللهفه ولو مايسمع الداعي=واضمّه في هدب عيني ويدّه تلمس ايديه
واسولف له عن الفرقى وكيف احتلت اوجاعي=وكيف الوصل ياالمحبوب صار ايام منسيه
وكيف البعد عذّبني وعطّل فكري الواعي=وقلبي لا خطر طاريك يخفق بين جنبيه
ومرسال الهوى يجفى بريد الحب والساعي=وتهجرني عنواينه وفيها الروح مطويه
الا يا حبي المهجور قلبي منك ملتاعي=والا ياشوقي المنثور بين اهداب قمريه
اجاذبك العنى وانغام هجرك ترهق اسماعي=واسامر ليلة الفرقى عتب واحلام ورديه
ذنوب الهجر ما تغفر ولا للوصل شفّاعي=ومن يقتله قلبه كانت الاوهام له ديه
قتحت الباب للهجر المرير وصار طمّاعي=سكن في مهجتي واحتل عمري وانطفى ضيه