نواف بيك البريدية
02/06/2011, 04:50 AM
السؤال المفصّخ اللي دايم يجيني على النت : وراك يامدمن ماعاد تكتب مواضيع مثل أوّل . أعرست طلّقت جاتك عانيّه سكنتو بالشمال ولا صادقت عيال الشيوخ وصرت تاكل معهم نقانق ؟
والجواب اللي يجي مفصّخ وعلى نفس نظام السؤال : أنا شخص مُتقلّب . مرات أحب أكتب مرات أحب أقرا مرات أحب أنام ومرات أحب أسبح ومرات أحب أسافر وودي ماأرجع للرياض . يعني هي الدعوة مزاج ومتى ماصار المزاج كويّس فانا أقدر أكتب . مزاجي مُش ولابُد ماراح أكتب حرفين على بعضها . يعني بالنهاية هي سياحة نتّيه . فترة وتعدّي . يعني بشكل أوضح . نفسيتي مثل وزير العمل " فقيه " ذاك اللي أوّل ماحطوه وزير طلّع صورته مرته بالجرايد وقامت تشاركه بالوزارة وكأننا جالسين تحت ملكهم يادافع البلا !
مرات نفسيتي تصير مثل وزارته . مرّة كويسه وقرارات وتعيينات . ومرات النفسيه تصير مخيسه ومافيه إلا قرارات ضد المواطن الضعيف ومافيه أي تعيين إلا لمن يملكون حرف الواو وابوانهم يلبسون بشوت سودا ويقدرون دهن العود الكمبودي .
الكتابة تبي فضاوه تبي طراوه تبي طولة بال وتبي عروس تكوي الشماغ مقلوب وتكثّر نشا ..
قبل كم يوم قضى شحن جوالي . مخباتي فاضيه ومافيها إلا سبعة وبطاقة الشحن أقل شي بعشره . بطاقة صرافي ماكولن نصفها . طاحت عند بقرتنا بالمزرعة وذاك اليوم كانت البقرة جايعه وشكل أمها ناشفن صدرها وقالت بالبطاقة وخلت نصّها لي عشان ماأتفشّل عند عيال عمتي لاقالو " يالله كل واحد يطلّع بطاقات الصراف اللي معه عشان نشوف اكثرنا فلوس وبطايق " .. الله من الفراغ عندهم . قلّت السوالف إلا يشوفون من اكثرنا فلوس .
ومير اني ادوّر لي كبينة تلفون ابي أكلم واحدن بعطيه كرت العايلة حق ابوي عشان يقدم لنا على الامير سلمان عشان نبي ارض . يقولون انه يعطي منح بشمال شرق الرياض . وادخل الكبينة وانكتم . بغيت اموووت باااااغيييييت امووووت إلا شوي . تخيلو عاد أموت شلون بتعيشون انتم . بيصير وضعكم صعب . داري عن هالشي الله يعينكم
المهم ، وانا بالكبينة إلا واللي يشتغل بالكبينة يدخّن اللي قاعدن على الكرسي يحتري دوره يدخّن واللي قاعدن يكلم يدخّن وكلّن يدخن والهوا المخيس يشق اذني اليمين ذي ( شوفوها تراي ماسكن شحمتها ) ويطلع مع اذني الثانية وانا منكتم وثيابي تعطعط من هالريحة المخيسه وذا يكزّ هوا والثاني ينثر خياسه والثالث يمعطها وانا اتصبّر ويوم جا دوري وادخل في غرفتن والله اني داخلها عرض من صغرها كني داخل زنزانه ومحكوميتي صارت سجن مؤبد . وعاد حاطين لي كريسي مايجي نصّ شليختي وتوني رافع السماعة إلا والقى واحد مطفي دخانته بالسماعة . انا مدري وش هو له مالقى يطفيها إلا بالسماعة بس وش نقول ، بعض الناس منزوعن الحيا منه جعل تسبده تنزع وتحطّ في قدر ضغط . واكلم وانا اتصبّر وابي بس اخلص من الحتسي مع الرجال ابي اطلع ماعاد قويت اتنفّس والمشكلة توني ناطلن شماغي عند مغسلة وماأقدر أسدّ " ثمي "
هاه متى اعطيك دفتر عايلة ابوي . اخلص يارجال ماعاد اقدر اتنفّس . والرجال يالله يحتسي . وينك فيه باجيبه لك اخلص ترى مامعي إلا سبعة والبطاقة ماكلتها بقرتنا ( وقعدت اقول له سالفة البقرة ونسيت ان مامعي إلا سبع ريال . قاهرتني البقرة )
ويوم خلصت ابشركم صار حسابي ست ريال ونصّ . ماوصلت الثمانية ثم انشب مع راعي الكبينه . ورحت شريت لي علك بنص ريال من الباقي من فلوسي عشان احرث فيه براطمي .
اخبر اول لاجا الواحد يتقدم لبنت يسألون عنه " هو يتتن ؟ " . " هو يشرب " ؟ . " هو يباري ناسن يدخنون " ؟ . " هو فيه ريحة تتن ويجي للبيت ريحته مخيسه " ؟
يسألون عن هالشي . إذا كانت اموره مدبره والرجال يعطبها ماسألو عن الباقي . وآلحين يالله الستيره بس . الواحد يحرق ويحرق ويكوي ويقطع تسبده ويشويها واموره زي الحلاوه في عرسه وبيته .
يحرق نفسه . يحرق دراهمه ويحرق بيته وعياله ونفسه ومرته وكل شي في حياته . والامر عااادي .
المشكلة انه يكويها برجله عقب مايحطّها في أطيب مكان في وجهه . وين العقول ياجماعة ؟
قربيه لي تقول إكتشفت إن زوجي يدخّن عقب ماراح يجيب من البقالة حليب وقطع الشارع وراح ولدي وطمر على الدريشه حقت الصالة مثل العادة يصايح على الرايح والجاي بالشارع . ومير اني رحت انزّل ولدي واطلّ مع الدريشه وانصدم في رجلي وهو قاعدن يحرقها عند باب البقالة . ودقت على أخوها وقامت تبتسي تقول إني شفته بعيوني جعلهن الخفس ان كاني تساذبه . شايفته يدخّن وكنت اصلاً شاكّه فيه من قبل عشانه يجي للبيت وريحته تتن واسأله ويقول إن ربعي الله يهديهم يدخنون عندي وانصحهم ويعيّون ومهوب ياخذون بنصيحتي ( اجل تنصحهم جزاك الله خير ) . قال لها اخوها شوفي مافيه إلا حل واحد ، إنك تواجهينه بمشكلته وتنصحينه وتقولين له ياأنك تعقل وتخلي هالامر عنك وتترك ربعك عشانهم ساس البلا ولا ودني لبيت اهلي ( شرط انه لاوداها إن تقعد يومين ثم تقول تعال خذني ) . المهم إنها واجهت رجلها وأوجعه قلبه يوم شاف بزرانه وكذا وآلحين ابشركم صار وش زينه عقب مانصحته مرته .
الوكاد ان الواحد ينتصح بس يبي له أسلوب وطريقة ومدخل ومخرج وخطّة أربعة أربعة اثنين وتلعب بمحور واحد عشان لاجات الهجمة مرتدة لينها تعرف تردّها زين ..
قريبه لي ثانية ( وش هالقرايب كلهم رايحين فيها ) . تقول لقيت مرتن في جيب رجلي تتنه بيضا " ممشوقة الساقين طويلة القدمين لونُها كما اللؤلؤ الفتّان وريحتها مخيسه " .. وعرفت فيما بعد ، بعد الإستعانه بصديقة لها لكيعه إنها " مالبورو أبيض " .
وتقول ماعاد قوت رجليني تشيلني وليت رجلي أعرس علي ومالقيت هاللي في مخباه ( ايه هيّن ) . وقعدت اسبوع وهي متحضنتن هالتتنه ، تروح وترجع عليها وتطرح الدمعة على كفوفها لأنها ماتعرف عن رجلها إلا كل علمن زين . واسبوع شيل وحط وصلاة استخارة ، وآخر شي قالت بواجه رجلي ببلواه . عاد هي مشكلتها حارة ودمها كنه " ديتول سريع المفعول " . لاتعرف تنصح وإذا بغت تحتسي مع أحد تصير تهزّ كنها جوال آيفون فور محطوطن على الهزّاز . ومن يوم شافت رجلها وتوّها بتقول : الله يهديك يابو فلان . مير يجيها الشيطان وتغلط وتقول : آلحين ياقليل الحيا وراك تدخّن . وحسبي الله عليك والله ياخذ عمرك وودني أهلي وتهلّ ذيك الدموع وصوتها صار يسمعونه الجيران . وماسكتن في يدها التتنه وقد هي " التتنه " صارت يابسه وماأمداها تطلّعها إلا وتفتتت أِرباً أِربا ..
الرجال إنهبل ومن قوّ الصدمه ورفعت الصوت عليه ، ويعطيها ذاك الكفّ اللي عفط خدّها بمقدار أربعة صانتي . يعني تخيلو وجهها وفيه خدّ يمين كويس وخدّ يسار داخل جوّا !
وطقاق وهوشه وصياح ونياح والجيران درو ان فيه مشكلة وهذيك تتسمع والرجال في الشقة الثانية يطلّ مع المنور وجارتها اللي فوق تدق عليها مرتاعه . ونصّ ساعة إلا وهي في بيت أهلها مع عفشها وقمصانها متناثره !
لاحظو الفرق بين الحرمه الاوله وكيف تصرفت وبين الحرمه الثانية وكيف جابت العيد بدري !
قبل فترة قالو بيمنعون اللي يدخنون انهم يدخلون المطار ثم قالو : لا خلاص نبي نحجرهم في غرفة لين ينكتمون ويموتون ونصير سوينا شي كويس ضد التدخين واللي يشربونه بالمطار .. طبعاً بالنهاية ماشفنا شي ،
اللي يدخنون متسيبين بكل مكان في المطار . عند الكافي ذاك المخيس اللي يبيع الشاهي بعشره والسندويش بتسعين . حسيت انهم حاطين شوية بترول في كاس الشاهي .
اللي يتتنون تلاقونهم عند الصالات الداخلية عند الرحلات الدولية عند البوابات في كل مكان تلقى واحد يدخّن . طيب وين التعميم ووين تطبيقه !
قالو بيحطّون مدرج خاص بالمشجعين اللي يدخنون عشان الصغار مايقعدون جنبهم لاصارت فيه مباراة . وهذولي هم آلحين يدخنون بكل صوب . لا وواحد بعد من قوّ البجاحه قبل كم سنة مدخلن معه شيشه بالمدرجات وقاعدن بلي الشيشه يقحش منها ولا عنده في أحد . وين تطبيق القرار يارئيس رعاية الشباب ؟
تدرون عاد . خذوها معلومة طبية بحكم إني درست الطب في مالطا وماواصلت عشان أمي تقول لاتشتغل في مكان فيه حريم . المعلومة تقول أن المُدخن خطر حتى على البزران منه ، لأنه لاعطى البزر بوسه ولا قام يتلقّط خدوده يمكن إن البزر يموت لأن المدخّن شايلن جراثيم في ثمه وهالشي ممكن ينتقل للبزر وهالمعلومة قالها " البروفيسور روبرت بوي " وهو خبير أسترالي . يعني خذو العلم ولاتشاورون فيه .
عندنا هنا وأتكلم عن السعودية بالخصوص . بكت الدخّان رخيص والحصول عليه سهل . يعني قمّة الإجرام في شعبنا وشبابنا ..
لا والحريم آلحين طاحو فيه يادافع البلا . الحرمه تشيل في شنطتها كرتونين . واحد تطلّعه عشان توريه صديقاتها وواحد تخليه يخيّس شنطتها عشان لافتحت هبّت الريح والنسناس الله يقرفها تفوح الريحة .
البزر في بطنها يتحرول لاأعرست بكره . ينكتم وتجيه سبعة اوجاع والضحيّه أبوه لاطلع متشوّه وقام يصالي فيه من مستشفى لمستشفى .
عمتن لي تقول في مدرستنا ثلاث مدرسات يدخنون والطالبات دايم نلقى معهم كراتين الدخّان يشبونها عقب مايركبون الباص ويفتشون وجيههم ورى . يعني البنيّات يدخّنون وان مسكوهم المدرسة كتبو عليهم تعهد وخذو الكراتين ويجون هالثلاث مدرسات وياخذون الكراتين بلاش ، وين الصالح ووين المصلح !
طبعاً أنا أتكلم عن " فِئة " وماأعمم ومهوب معنى كلامي أن المجتمع خربان ورايح في عين أمها . انا اتكلم عن " جُزء " والجُزء بطبيعة الحال من " الكُل " .. وهالشي بيستشري لامنّه صار بكره شي طبيعي أو ماوقفنا ضدّه وقفه حازمه .
التتن شي مخيس . لاريحه لاطعم لاشكل . حتى اللي يدخّن الله لايبلانا عنده قناعة ان هالشي كريه بس إن شيطانه أقوى منه ويدفّه ويلزّه لين يكمّلها .
برمضان يقدر يقاوم المدخّن 14 ساعة . طيب دامك تقدر تقاوم وفيك حيل ورى ماتشدّ حيلك شوي وتكمّل معروفك بنفسك وتخليها يوم . ثم المرحلة اللي بعدها تخليه يومين ثم ثلاثة وعليها لين تقضي عليه !
أمس القريب قاعد اشوف في موقع تدخين شلون صايرتن " الريه " حقت اللي يدخّن .
جايبينها سودااا مفحّمه من كثر مايحرقها بهاللي يحطّه بين براطمه . ريه سودا كنها ركبة حاشي . يعني إلى هالدرجة ياللي تدخّن ماعاد صارت الريه اللي قاعدتن متربّعه في حوض بطنك تستاهل انك تحافظ عليها ؟
فيه عايله اعرفهم . الابو يدخّن والام تدخّن وقعدو خمس سنين ماجاهم عيال . ثم جاتهم بنت مُعاقه قعدو يصالون فيها طول الفترة الماضية . عاد يقول الدكتور وهالشي متأكد منه إن سبب إعاقتها صار من هاللي يشربونه من الدخّان ليل نهار . وانا متأكد إنه لو ترجع الايام إن يقولون ليتنا ماشربنا دخّان ولا جاتنا هالبنت اللي الله يرحم ضعفها بس .
أنا لادخلت مكان ولقيت فيه واحد يدخّن والله ياتسبدي تبدى تقلب كنها منطولتن في غسالة إل جي ..
خياس يادافع البلا وانا اعرف ان كل الناس يكرهون هالريحة ويكرهون هاللي يدخّن وتصرفه . وعشان كذا ياللي تدخّن تذكر انك مخيس ومانبيك واستح على وجهك ههههههههه
تدرون وش أزين مابالتدخين ؟
أن اللي يدخّن ماراح يجي في راسه شيب .. تعرفون ليش !!
لأنه بيموت بسرعه قبل يصير شايب !
http://www.coalles.com/vb/images/smilies/faisal4.gif يالله انك تصلح حالنا وحالهم
-
يالله انك لاتحلل من يلطش الموضوع *
مذكرات مدمن شاهي " الجُزء الثاني " . قريباً بالأسواق *
بالمبارك منقار نمله على زواجك القريب . حنا مانقول إلا الله يعينها عليك ويصبّرها هههههه ، بس خل عنك دفتر العايله اللي معك بيصير سبيل لناس تعرفهم ، ناس واجد بيحتاجونه الله لايخليهم منك http://www.coalles.com/vb/images/smilies/icon191.gif ، وألف ألف مبروك نقولها لك مليون مرة
، مدمن شاهي (http://www.ruba3.com)
والجواب اللي يجي مفصّخ وعلى نفس نظام السؤال : أنا شخص مُتقلّب . مرات أحب أكتب مرات أحب أقرا مرات أحب أنام ومرات أحب أسبح ومرات أحب أسافر وودي ماأرجع للرياض . يعني هي الدعوة مزاج ومتى ماصار المزاج كويّس فانا أقدر أكتب . مزاجي مُش ولابُد ماراح أكتب حرفين على بعضها . يعني بالنهاية هي سياحة نتّيه . فترة وتعدّي . يعني بشكل أوضح . نفسيتي مثل وزير العمل " فقيه " ذاك اللي أوّل ماحطوه وزير طلّع صورته مرته بالجرايد وقامت تشاركه بالوزارة وكأننا جالسين تحت ملكهم يادافع البلا !
مرات نفسيتي تصير مثل وزارته . مرّة كويسه وقرارات وتعيينات . ومرات النفسيه تصير مخيسه ومافيه إلا قرارات ضد المواطن الضعيف ومافيه أي تعيين إلا لمن يملكون حرف الواو وابوانهم يلبسون بشوت سودا ويقدرون دهن العود الكمبودي .
الكتابة تبي فضاوه تبي طراوه تبي طولة بال وتبي عروس تكوي الشماغ مقلوب وتكثّر نشا ..
قبل كم يوم قضى شحن جوالي . مخباتي فاضيه ومافيها إلا سبعة وبطاقة الشحن أقل شي بعشره . بطاقة صرافي ماكولن نصفها . طاحت عند بقرتنا بالمزرعة وذاك اليوم كانت البقرة جايعه وشكل أمها ناشفن صدرها وقالت بالبطاقة وخلت نصّها لي عشان ماأتفشّل عند عيال عمتي لاقالو " يالله كل واحد يطلّع بطاقات الصراف اللي معه عشان نشوف اكثرنا فلوس وبطايق " .. الله من الفراغ عندهم . قلّت السوالف إلا يشوفون من اكثرنا فلوس .
ومير اني ادوّر لي كبينة تلفون ابي أكلم واحدن بعطيه كرت العايلة حق ابوي عشان يقدم لنا على الامير سلمان عشان نبي ارض . يقولون انه يعطي منح بشمال شرق الرياض . وادخل الكبينة وانكتم . بغيت اموووت باااااغيييييت امووووت إلا شوي . تخيلو عاد أموت شلون بتعيشون انتم . بيصير وضعكم صعب . داري عن هالشي الله يعينكم
المهم ، وانا بالكبينة إلا واللي يشتغل بالكبينة يدخّن اللي قاعدن على الكرسي يحتري دوره يدخّن واللي قاعدن يكلم يدخّن وكلّن يدخن والهوا المخيس يشق اذني اليمين ذي ( شوفوها تراي ماسكن شحمتها ) ويطلع مع اذني الثانية وانا منكتم وثيابي تعطعط من هالريحة المخيسه وذا يكزّ هوا والثاني ينثر خياسه والثالث يمعطها وانا اتصبّر ويوم جا دوري وادخل في غرفتن والله اني داخلها عرض من صغرها كني داخل زنزانه ومحكوميتي صارت سجن مؤبد . وعاد حاطين لي كريسي مايجي نصّ شليختي وتوني رافع السماعة إلا والقى واحد مطفي دخانته بالسماعة . انا مدري وش هو له مالقى يطفيها إلا بالسماعة بس وش نقول ، بعض الناس منزوعن الحيا منه جعل تسبده تنزع وتحطّ في قدر ضغط . واكلم وانا اتصبّر وابي بس اخلص من الحتسي مع الرجال ابي اطلع ماعاد قويت اتنفّس والمشكلة توني ناطلن شماغي عند مغسلة وماأقدر أسدّ " ثمي "
هاه متى اعطيك دفتر عايلة ابوي . اخلص يارجال ماعاد اقدر اتنفّس . والرجال يالله يحتسي . وينك فيه باجيبه لك اخلص ترى مامعي إلا سبعة والبطاقة ماكلتها بقرتنا ( وقعدت اقول له سالفة البقرة ونسيت ان مامعي إلا سبع ريال . قاهرتني البقرة )
ويوم خلصت ابشركم صار حسابي ست ريال ونصّ . ماوصلت الثمانية ثم انشب مع راعي الكبينه . ورحت شريت لي علك بنص ريال من الباقي من فلوسي عشان احرث فيه براطمي .
اخبر اول لاجا الواحد يتقدم لبنت يسألون عنه " هو يتتن ؟ " . " هو يشرب " ؟ . " هو يباري ناسن يدخنون " ؟ . " هو فيه ريحة تتن ويجي للبيت ريحته مخيسه " ؟
يسألون عن هالشي . إذا كانت اموره مدبره والرجال يعطبها ماسألو عن الباقي . وآلحين يالله الستيره بس . الواحد يحرق ويحرق ويكوي ويقطع تسبده ويشويها واموره زي الحلاوه في عرسه وبيته .
يحرق نفسه . يحرق دراهمه ويحرق بيته وعياله ونفسه ومرته وكل شي في حياته . والامر عااادي .
المشكلة انه يكويها برجله عقب مايحطّها في أطيب مكان في وجهه . وين العقول ياجماعة ؟
قربيه لي تقول إكتشفت إن زوجي يدخّن عقب ماراح يجيب من البقالة حليب وقطع الشارع وراح ولدي وطمر على الدريشه حقت الصالة مثل العادة يصايح على الرايح والجاي بالشارع . ومير اني رحت انزّل ولدي واطلّ مع الدريشه وانصدم في رجلي وهو قاعدن يحرقها عند باب البقالة . ودقت على أخوها وقامت تبتسي تقول إني شفته بعيوني جعلهن الخفس ان كاني تساذبه . شايفته يدخّن وكنت اصلاً شاكّه فيه من قبل عشانه يجي للبيت وريحته تتن واسأله ويقول إن ربعي الله يهديهم يدخنون عندي وانصحهم ويعيّون ومهوب ياخذون بنصيحتي ( اجل تنصحهم جزاك الله خير ) . قال لها اخوها شوفي مافيه إلا حل واحد ، إنك تواجهينه بمشكلته وتنصحينه وتقولين له ياأنك تعقل وتخلي هالامر عنك وتترك ربعك عشانهم ساس البلا ولا ودني لبيت اهلي ( شرط انه لاوداها إن تقعد يومين ثم تقول تعال خذني ) . المهم إنها واجهت رجلها وأوجعه قلبه يوم شاف بزرانه وكذا وآلحين ابشركم صار وش زينه عقب مانصحته مرته .
الوكاد ان الواحد ينتصح بس يبي له أسلوب وطريقة ومدخل ومخرج وخطّة أربعة أربعة اثنين وتلعب بمحور واحد عشان لاجات الهجمة مرتدة لينها تعرف تردّها زين ..
قريبه لي ثانية ( وش هالقرايب كلهم رايحين فيها ) . تقول لقيت مرتن في جيب رجلي تتنه بيضا " ممشوقة الساقين طويلة القدمين لونُها كما اللؤلؤ الفتّان وريحتها مخيسه " .. وعرفت فيما بعد ، بعد الإستعانه بصديقة لها لكيعه إنها " مالبورو أبيض " .
وتقول ماعاد قوت رجليني تشيلني وليت رجلي أعرس علي ومالقيت هاللي في مخباه ( ايه هيّن ) . وقعدت اسبوع وهي متحضنتن هالتتنه ، تروح وترجع عليها وتطرح الدمعة على كفوفها لأنها ماتعرف عن رجلها إلا كل علمن زين . واسبوع شيل وحط وصلاة استخارة ، وآخر شي قالت بواجه رجلي ببلواه . عاد هي مشكلتها حارة ودمها كنه " ديتول سريع المفعول " . لاتعرف تنصح وإذا بغت تحتسي مع أحد تصير تهزّ كنها جوال آيفون فور محطوطن على الهزّاز . ومن يوم شافت رجلها وتوّها بتقول : الله يهديك يابو فلان . مير يجيها الشيطان وتغلط وتقول : آلحين ياقليل الحيا وراك تدخّن . وحسبي الله عليك والله ياخذ عمرك وودني أهلي وتهلّ ذيك الدموع وصوتها صار يسمعونه الجيران . وماسكتن في يدها التتنه وقد هي " التتنه " صارت يابسه وماأمداها تطلّعها إلا وتفتتت أِرباً أِربا ..
الرجال إنهبل ومن قوّ الصدمه ورفعت الصوت عليه ، ويعطيها ذاك الكفّ اللي عفط خدّها بمقدار أربعة صانتي . يعني تخيلو وجهها وفيه خدّ يمين كويس وخدّ يسار داخل جوّا !
وطقاق وهوشه وصياح ونياح والجيران درو ان فيه مشكلة وهذيك تتسمع والرجال في الشقة الثانية يطلّ مع المنور وجارتها اللي فوق تدق عليها مرتاعه . ونصّ ساعة إلا وهي في بيت أهلها مع عفشها وقمصانها متناثره !
لاحظو الفرق بين الحرمه الاوله وكيف تصرفت وبين الحرمه الثانية وكيف جابت العيد بدري !
قبل فترة قالو بيمنعون اللي يدخنون انهم يدخلون المطار ثم قالو : لا خلاص نبي نحجرهم في غرفة لين ينكتمون ويموتون ونصير سوينا شي كويس ضد التدخين واللي يشربونه بالمطار .. طبعاً بالنهاية ماشفنا شي ،
اللي يدخنون متسيبين بكل مكان في المطار . عند الكافي ذاك المخيس اللي يبيع الشاهي بعشره والسندويش بتسعين . حسيت انهم حاطين شوية بترول في كاس الشاهي .
اللي يتتنون تلاقونهم عند الصالات الداخلية عند الرحلات الدولية عند البوابات في كل مكان تلقى واحد يدخّن . طيب وين التعميم ووين تطبيقه !
قالو بيحطّون مدرج خاص بالمشجعين اللي يدخنون عشان الصغار مايقعدون جنبهم لاصارت فيه مباراة . وهذولي هم آلحين يدخنون بكل صوب . لا وواحد بعد من قوّ البجاحه قبل كم سنة مدخلن معه شيشه بالمدرجات وقاعدن بلي الشيشه يقحش منها ولا عنده في أحد . وين تطبيق القرار يارئيس رعاية الشباب ؟
تدرون عاد . خذوها معلومة طبية بحكم إني درست الطب في مالطا وماواصلت عشان أمي تقول لاتشتغل في مكان فيه حريم . المعلومة تقول أن المُدخن خطر حتى على البزران منه ، لأنه لاعطى البزر بوسه ولا قام يتلقّط خدوده يمكن إن البزر يموت لأن المدخّن شايلن جراثيم في ثمه وهالشي ممكن ينتقل للبزر وهالمعلومة قالها " البروفيسور روبرت بوي " وهو خبير أسترالي . يعني خذو العلم ولاتشاورون فيه .
عندنا هنا وأتكلم عن السعودية بالخصوص . بكت الدخّان رخيص والحصول عليه سهل . يعني قمّة الإجرام في شعبنا وشبابنا ..
لا والحريم آلحين طاحو فيه يادافع البلا . الحرمه تشيل في شنطتها كرتونين . واحد تطلّعه عشان توريه صديقاتها وواحد تخليه يخيّس شنطتها عشان لافتحت هبّت الريح والنسناس الله يقرفها تفوح الريحة .
البزر في بطنها يتحرول لاأعرست بكره . ينكتم وتجيه سبعة اوجاع والضحيّه أبوه لاطلع متشوّه وقام يصالي فيه من مستشفى لمستشفى .
عمتن لي تقول في مدرستنا ثلاث مدرسات يدخنون والطالبات دايم نلقى معهم كراتين الدخّان يشبونها عقب مايركبون الباص ويفتشون وجيههم ورى . يعني البنيّات يدخّنون وان مسكوهم المدرسة كتبو عليهم تعهد وخذو الكراتين ويجون هالثلاث مدرسات وياخذون الكراتين بلاش ، وين الصالح ووين المصلح !
طبعاً أنا أتكلم عن " فِئة " وماأعمم ومهوب معنى كلامي أن المجتمع خربان ورايح في عين أمها . انا اتكلم عن " جُزء " والجُزء بطبيعة الحال من " الكُل " .. وهالشي بيستشري لامنّه صار بكره شي طبيعي أو ماوقفنا ضدّه وقفه حازمه .
التتن شي مخيس . لاريحه لاطعم لاشكل . حتى اللي يدخّن الله لايبلانا عنده قناعة ان هالشي كريه بس إن شيطانه أقوى منه ويدفّه ويلزّه لين يكمّلها .
برمضان يقدر يقاوم المدخّن 14 ساعة . طيب دامك تقدر تقاوم وفيك حيل ورى ماتشدّ حيلك شوي وتكمّل معروفك بنفسك وتخليها يوم . ثم المرحلة اللي بعدها تخليه يومين ثم ثلاثة وعليها لين تقضي عليه !
أمس القريب قاعد اشوف في موقع تدخين شلون صايرتن " الريه " حقت اللي يدخّن .
جايبينها سودااا مفحّمه من كثر مايحرقها بهاللي يحطّه بين براطمه . ريه سودا كنها ركبة حاشي . يعني إلى هالدرجة ياللي تدخّن ماعاد صارت الريه اللي قاعدتن متربّعه في حوض بطنك تستاهل انك تحافظ عليها ؟
فيه عايله اعرفهم . الابو يدخّن والام تدخّن وقعدو خمس سنين ماجاهم عيال . ثم جاتهم بنت مُعاقه قعدو يصالون فيها طول الفترة الماضية . عاد يقول الدكتور وهالشي متأكد منه إن سبب إعاقتها صار من هاللي يشربونه من الدخّان ليل نهار . وانا متأكد إنه لو ترجع الايام إن يقولون ليتنا ماشربنا دخّان ولا جاتنا هالبنت اللي الله يرحم ضعفها بس .
أنا لادخلت مكان ولقيت فيه واحد يدخّن والله ياتسبدي تبدى تقلب كنها منطولتن في غسالة إل جي ..
خياس يادافع البلا وانا اعرف ان كل الناس يكرهون هالريحة ويكرهون هاللي يدخّن وتصرفه . وعشان كذا ياللي تدخّن تذكر انك مخيس ومانبيك واستح على وجهك ههههههههه
تدرون وش أزين مابالتدخين ؟
أن اللي يدخّن ماراح يجي في راسه شيب .. تعرفون ليش !!
لأنه بيموت بسرعه قبل يصير شايب !
http://www.coalles.com/vb/images/smilies/faisal4.gif يالله انك تصلح حالنا وحالهم
-
يالله انك لاتحلل من يلطش الموضوع *
مذكرات مدمن شاهي " الجُزء الثاني " . قريباً بالأسواق *
بالمبارك منقار نمله على زواجك القريب . حنا مانقول إلا الله يعينها عليك ويصبّرها هههههه ، بس خل عنك دفتر العايله اللي معك بيصير سبيل لناس تعرفهم ، ناس واجد بيحتاجونه الله لايخليهم منك http://www.coalles.com/vb/images/smilies/icon191.gif ، وألف ألف مبروك نقولها لك مليون مرة
، مدمن شاهي (http://www.ruba3.com)