ليالينا الرمادية

[صقر الجنوب]

ليالينا الرمادية
متعب الشيباني




http://www.okaz.com.sa/new/Issues/20110609/images/o36_th3.jpg (http://www.okaz.com.sa/new/Issues/20110609/Images/o36.jpg)



يا كثر ما تسبق الخطوه على .. النيـه
لا صار الأذهان مشغوله عن خطاها
ويا كثر ما للفقير .. أحـلام ورديـه
ويعيش باشياء عمره مـا تمناهـا
وحنـا فقـارى ليالينـا رماديـه
حرصا على أحلامنا .. ياما سهرناهـا
آلامنـا .. آلام مكشوفـه ومخفـيـه
ياكـم مـن النـاس والايـام .. عشناهـا
آلام الأجسـاد .. تبقـى آلام وقتـيـه
حتـى إذا طولـت .. نكبـر وننساهـا
وآلام الارواح .. لو طال الزمن حيه
تقرأ مع إحساسنـا .. لا مـن كتبناهـا
والشاعر اللي علاقاته حميميـه
الملهمه لو تحـاول تنتظـر جاهـا
لكنها معه .. مثـل الشمـس والفيـه
تطول لا مال .. وأزرى لا يتعداهـا
ولأن العلاقـات عنـده ذات أهميـه
راح وسأل غيمة الأفراح عن .. ماها
يالملهمه شاعرك عنده .. خصوصيـه
تبين داخل عيونه .. كل مـا أخفاهـا
الشعر عنده ما هـو حاجـه ضروريـه
لا أعجب ببيتين .. لحنهـا وغناهـا
ويعيب فالشخص عيش الانطوائيه
ويحب في كلمـة الانسـان معناهـا
في نظرته أغلب الأشياء .. عكسيـه
وما كل مـن دور الحاجـه بيلقاهـا
وكل الحقائق تجي ما هي حقيقيـه
ولا كل حاجه تجي على مسماهـا
حتى القصايد من حـروفٍ هجائيـه
وقصايد المدح مدري كيف نقراها

[آميــر الكـونـ]

الله عليك يالصقر
كلك ذوووق يالغالي
أختياراتك مميزه
هذه القصيده
مسجله بجوالي وأحب أسمعها مراراً
تقبل مروري وسلامي
ولك مني خالص الود
آمير الكونــ

[بدوية]

ذائقة شعرية جميلة ..
إنتقاء ذوووق
صح لسان شاعرها ..
سلمت يمناك