سافر حبيب الروح

[الهجيــــر]

إقبلوها بعلاتها


سافر حبيب الروح وأخذيها أمانه يا دبي=لاجاك فزًي له وقومي بالورود أستقبليه
وأخذي ورود الشارقه وأخذي حدايق بو ظبي=هذا حبيبي كل ورد الكون ما يغلا عليه
ممكن طلب حتى قبل لا تسألينه وش يبي؟=أول خذيه بحضنك الدافي وبعدين أساليه
الصاحب اللي في غيابه زاد همي وتعبي=نوبي عن إحساسي وشوقي والمشاعر وأحضنيه
زادي دفا صوته وفي منهل عيونه مشربي=أجيه لا يبست شفاه الشوق ظامي وأرتويه
راح وترك دمعة عيوني بين طيات كتبي=وصرت أنا وأصدق حروف الشعر نتخاصم نبيه
لو حد فاسي ركًز النظرات في حزن حطبي=كان أصبحت صحراه غابه من غنج وأغصان تيه
تدرين حتى لو خسرت العمر حبه مكسبي=لكن طلبتك قبل يرجع بالهداوه فهميه
لاجيه تدفعني له أشواقي ويحبي لي حبي=إن باعني كيف أقطع حدود الكرامه وأشتريه
لو ينشرى يوم الخميس أبيع لولي وذهبي=ويجيبه الطيار جعل الله يرحم والديه
بس طمني قلبي متى غادر مطارك يا دبي=وآنا بشوق القلب وإحساس المحبه بحتريه

[علي السبيَه]

ابداع يفوق الخيال وصح لسانك ملايين ياالهجير يا منهل الابداع

[بحوور]

راح وترك دمعة عيوني بين طيات كتبي=وصرت أنا وأصدق حروف الشعر نتخاصم نبيه صح للسانك يا اخوي الهجير وجعل المسافر يرجع بالسلامه .. تقبل أطيب تحياتي ،،، بحوور

[الهجيــــر]

ابداع يفوق الخيال وصح لسانك ملايين ياالهجير يا منهل الابداع


هلا وغلا يابو طلال
الإبداع في تواجدك وإشادتك
لا عدمتك

[صقر الجنوب]

بغيت اختار بيت اضعه في ردي فوجدت انني في حاجة لاكتب القصيدة كاملة الف مرة
نقلتنا في هذه الرحلة من جدة الى دبي في غمضة عين
صح لسانك وبدنك مليون مرة ومرة

[لؤلؤة زهران]

الهجير
رمز الابداع والتميز قصائده ممزوجه بعبير الورد والجوري يفوح شذاها فيعطر الكون
ماشاء الله تبارك الله
ابيات صيغت بمهاره
تحياتي وتقديري

[المبدع.]

صح لسااااااااااانك
كلام كبيرررررررر

[الهجيــــر]

راح وترك دمعة عيوني بين طيات كتبي=وصرت أنا وأصدق حروف الشعر نتخاصم نبيه صح للسانك يا اخوي الهجير وجعل المسافر يرجع بالسلامه .. تقبل أطيب تحياتي ،،، بحوور

تسلمين أخت بحور
والله يرجع كل غايب بالسلامه
أسعدني مرورك العذب

[أبويحيى]

انا لله ياهذا المشدق
مشدق صح بس من وين تجيب هذي الافكار وهذا الكلام؟؟؟؟؟؟؟؟؟؟؟؟؟اوووفاوووف

صح لسانك ملايين وأهني حبيبك بشخص مثلك يملك كل هذا الحس المرهف
زادي دفا صوته (وفي) منهـل عيونـه مشربـي
من وجهة نظري المشدقه انك لو قلت بدل (في) (من) لكانت افضل والله العالم والامر متروك لك من قبل ومن بعد

تقبل مروري

[الهجيــــر]

بغيت اختار بيت اضعه في ردي فوجدت انني في حاجة لاكتب القصيدة كاملة الف مرة
نقلتنا في هذه الرحلة من جدة الى دبي في غمضة عين
صح لسانك وبدنك مليون مرة ومرة


صقر الجنووووب

مرورك لوحده من أجمل القصائد

لا هنت

[عاشق المها]

الله ...الله

كلمات عذبه تروي الظمآن شعراً ...صح لسانك أخي الهجير وعلا شأنك على روعة أبياتك وحسّك الجميل ...

دمت متألقاً في سماء الإبداع ولا عدمناك يالنشمي...

[الهجيــــر]

الهجير

رمز الابداع والتميز قصائده ممزوجه بعبير الورد والجوري يفوح شذاها فيعطر الكون
ماشاء الله تبارك الله
ابيات صيغت بمهاره

تحياتي وتقديري


لؤلؤة زهران
الابداع كله في تواجدك وترك شذا عطرك هنا
لا هنتي اختي

[الهجيــــر]

صح لسااااااااااانك
كلام كبيرررررررر

المبدع
صح بدنك
وأسعدني وشرفني تواجد شاعر بحجمك هنا
لا هنت

[الهجيــــر]

انا لله ياهذا المشدق

مشدق صح بس من وين تجيب هذي الافكار وهذا الكلام؟؟؟؟؟؟؟؟؟؟؟؟؟اوووفاوووف

صح لسانك ملايين وأهني حبيبك بشخص مثلك يملك كل هذا الحس المرهف
زادي دفا صوته (وفي) منهـل عيونـه مشربـي
من وجهة نظري المشدقه انك لو قلت بدل (في) (من) لكانت افضل والله العالم والامر متروك لك من قبل ومن بعد

تقبل مروري


هلا يالمشدق
صح بدنك الله يسعدك وملاحظتك في محلها
وتراها مكتوبه غلط والا قصايدي تنفر في الوجه
يسعدني مرورك دائماً

[الهجيــــر]

الله ...الله


كلمات عذبه تروي الظمآن شعراً ...صح لسانك أخي الهجير وعلا شأنك على روعة أبياتك وحسّك الجميل ...


دمت متألقاً في سماء الإبداع ولا عدمناك يالنشمي...


هلا بك يا عاشق المها
مرورك يسعدني ويشرفني
صح بدنك والله يطول عمرك