نديم القوافي وفهد قزعه تعالوا بسرعه

[نوره الغامدي]

السلام عليكم ورحمة الله وبركاته

كل عام أنتم بخير ،،، شهر مبارك إن شاء الله

أعتذر عن التأخير نظراً لأشغالي والليله جيتكم
وأبغي نديم القوافي يرد علي والشاعر فهد يبدع
ويرد عليه أحد الشعار المتواجدين ،،،



البدع=
قبل الكلام وقبل بدّاع الأمثال=
شهر(ن) كريم وكل عام أنتم ابخير=
وأبغي فهد وأبغي نديم القوافي=
هذا ولد خال(ن) وهذا ولد عم=
منهم وفيهم نوره الغامديّه=

[بن شرقي]

هلا وغلا فيك يا نوره انا ارد على فهد

[نديم القوااافي]

السلام عليكم ورحمة الله وبركاته


كل عام أنتم بخير ،،، شهر مبارك إن شاء الله

أعتذر عن التأخير نظراً لأشغالي والليله جيتكم
وأبغي نديم القوافي يرد علي والشاعر فهد يبدع
ويرد عليه أحد الشعار المتواجدين ،،،



البدع=
قبل الكلام وقبل بدّاع الأمثال=
شهر(ن) كريم وكل عام أنتم ابخير=
وأبغي فهد وأبغي نديم القوافي=
هذا ولد خال(ن) وهذا ولد عم=
منهم وفيهم نوره الغامديّه=


كل عام والجميع بخير وحياك الله يا نوره


الرد : نديم القوااافي=
0=
وقت الرمايه نعرف انصيب الامثال=
حزنا المراكز لوّله وانتم ابخير=
يا كل وافي مرحبا والق وافي=
ولا تخصص هرجتك يا ولد عم =
قدام تلقى حدبنا الغامديّه=

[بن شرقي]

اسمحوا لي بالبدع حيث ان فهد غير موجود

الــــــبدع:

طيب الشهر والصوم من طيب الأعمال:
وان كان صـومك وجهنـه خــير ياطير:
وان كــان قــاصــد وجـه ربي عـوافي:
احـــاول اكتــم هــرجتــي فــأتــكــلّــم:
حــنّـــا هــل الطـــالات وبـــوارديـــــه:

[المبدع.]

الليل الليل ..... صحت الألسنه.....

وينك ياقشطه الحق ماتلحق ???

[الرميصاء]

الله يعطيكم العافيه
ابدعتم فاحسنتم

[المبدع.]

الظاهر فهد غير موجود .. والطارف ينوب وإعتبروني مكمّلكم أربعه ........


الرد : الزيادي=
***
يتفنّد الساحر .. وتنفكّ الأعمال=
والقلب يرجف مثل رجف المواطير=
والحُب ماجاء بعده الا عوافي=
إن كان ياطير السعد فاتك اللم=
شوقب كلته الشمس وبوا رديّه=
***

[نوره الغامدي]

صحت ألسنتكم واللي حضروا فيهم الخير


البدع=
رباع شوّقني وقلبي معه مال=
ماكنّي إلا طايحه في هوى أمير=
ولابدعت إلا من العلم صافي=
نديم إذا ودّك نقول أنت ونعم=
خلّ السّمي ذا الليل يلخم سميّه=

[بن شرقي]

الليل ياشعار الزير برد

[صقر الجنوب]

نورة الغامدية - نديم القوافي
المبــــــــدع - كاسر خشم الأسد

صحت السنتكم وابدانكم وجاك ماتمنى يانديم .. تهنى

[نديم القوااافي]

صحت ألسنتكم واللي حضروا فيهم الخير




البدع=
رباع شوّقني وقلبي معه مال=
ماكنّي إلا طايحه في هوى أمير=
ولابدعت إلا من العلم صافي=
نديم إذا ودّك نقول أنت ونعم=
خلّ السّمي ذا الليل يلخم سميّه=


مرحبا مليون يا شعارنا الكرام



الرد : نديم القوااافي=
0=
مسكين والله يالذي ما معه مال=
واخص من كانو صحابه هوامير=
يصاحبونه لجل صب المصافي=
ما يعرف الا قول لبيه ونعم=
ويجيه سكته لو مسك خمس ميه=

[بن شرقي]

الــــبدع

رجّـالنـا في شـبرقـه بألـف رجال:
من داعي الأحـلاف وإلاّ المناصير:
ظلّوا كما الحجاج عنـد الطــوافي:
والباشــه واقـف يـرتعد مايزمزم:
أظلــم عليــه الليل وقـت العشـيه:

[المبدع.]

الرد : الزيادي=
***
يادوبها قرّت لنا والفرج جال=
من داعي الأحلاف ومن المناصير=
والدرب واسع لا نويت الطوافي=
في ودّي أسقي ضيفنا ماي زمزم=
ماودي أهدّمه وقتلع شيّه=
***

[ابوثامر]

طيب يا طيب
صحت السنتكم ويعطيكم العافيه واصلوووو وحنا متابعين

[فهد قزعه]

ياسلام ياسلام
صحة السنتكم والله توي وصلت من جده فيكم الخير وخلوها مزوح
مطلق ياكاسر خشم الاسد
مالنا في الطيب نصيب خيرها في غيرها واصلوا متابعين

[الوهيسي..]

الله الله صحت السنتكم قارعه فارعه فالكمالعلم الاخضر

[نوره الغامدي]

البدع=
غامد قساة الروس في كل الأحوال=
هذا نديم آشدّ من سالم الزير=
وأنتم زهارين اسم واضح وكافي=
تاريخكم ماعاد يبغي مترجم=
أهل الشرف والعز والمنخويّه=

[الرميصاء]

ونعم بالجميع
متابعين

[نديم القوااافي]

الرد : نديم القواااافي=
0=
كاسر جديد بطاقته جوف الاحوال=
وابن الزيادي يرتجف كنّه الزير=
وانا ويا نوره بقهوه وكافي=
تعرف متى تحدا وانا اعرف متى ارجم =
وعثرة المبدع لفت من خويه=

[ابوثامر]

يالطيف يا ابو سند

[المبدع.]

وانـا ويـا نـوره بقهـوه وكافـي

تعرف متى تحدا وانا اعرف متى ارجم

وعثرة المبـدع لفـت مـن خويـه




هههههههههههههههههههههه تصدّقوا بك ههههههههه

[بن شرقي]

الــــــبدع :

نــديــم فالميـدان للسـيـف نـقال:
ونـوره فالمطبـخ تحـد المناشير:
وأمّا الـزيـادي تاب ويسيرحافي:
وأناكسبت الفـايده من صدر ضم:
رميـت عـين الـذيب والصيد ليه:

[المبدع.]

الرد : الزيادي=
***
من البحر شدّيت .. للسيف نقّال=
شوري على زوري ولا أدري من آشير=
يكفي قليل الزاد ويسير حافي=
والزين لو ضمّيت فيه الصدر ضم=
خلّيت الأنسولين فالصيدليّه=
***

[نوره الغامدي]

البدع=
بآمدّ رأسي للثريّا وبطّال=
العزم فيني والجهد والمقادير=
واللي وصل فوق السماء مايشافي=
يامن نوى يلمح بعينه تعل قم=
بين النجوم البيض والمنصحيه=

[فهد قزعه]

هههههغمززززة
ياسلام ياسلام
هاأعقدوا الصيام خلوها لبكره لاتجرحون الصوم

[نديم القوااافي]

الرد : نديم القوااافي=
0=
شعراً يجملني ولا شعر بطّال=
وانحن وياكم ننحكم بالمقادير=
لو كان طب الصيدلي ما يشافي=
ما كنت تشرب منه شرب اوتعلقم=
كب النصايح يا ابو المنصحيه=

[بن شرقي]

الــــــبدع :

أنابغيت اعتـز بـك واشكي الحال:
حصّلت من دونك حراسه طوابير:
لاجـاك ضـيـف الليـل زاير ولافي:
وش حيـلـة المشتاق لاجاء وسلّم:
ردي النظــر يـأم الخــدود النـديه:

[ابوثامر]

طيب طيب
دوبها قرت على موازينها

[أحساس شاعر]

نوره/ نديم/ كاسر/ المبدع/ ما فيكم حيله شعار متمكنين والله يعطيكم العافيه

[المبدع.]

الرد : الزيادي=
***
ياأم الكحال الأثمدي وش تكيحال=
كنّك تسقّيني بها من طوى بير=
مابعد فيّة رمش عينك ولا فيّ=
إن كان ماربي حماني وسلّم=
عرّضت كبدي للشّواء والنّديّه=
***

[نديم القوااافي]

ســــنهســــنه الكبد عليكم والجمر علينا .. هههههههههههههه والله انك مبدع على اسمك

[شاعر بالمفضل]

اجوووووووووووووور يالله وحده

لااااااااااااااااااااااااااااااااتعليييييييييييييي يييييييييييييييييييييييييييييييييق

[شايب العشرين]

كلكم شعراء ومبدعين صحت اللسنتكم جميع ولاكن ابو سند على ماقصد
آهو بعد يرعى ولايستجره سواة؟؟؟؟؟؟؟؟؟؟؟؟ههههههههههههههههههههه
موفقين جميع لاهنتم

[الخنساء]

صح لسانكم يامبديعين وسلمت اناملكم

[شدا الشامي]

صحّت ألسنتكم .. تقبّلوا مروري

[بن شرقي]

صحّت ابدانكم جميع ولكم الشكروالأحترام والتقدير


واحب اقول لشايب العشرين كم جمعتنا ايام وليال والله يجمعنا بكم في الجنه ياابو يزن

ولابد لك من التفاته هههههههه اخوك ابو محمد (بن شرقي )

[صقر الجنوب]

صحت السنتكم وابدانكم .. متابعين لاعدمناكم

[ملك الليل999]

صحت السنتكم وابدانكم لاعدمناكم

[نوره الغامدي]

تسلمون على مروركم كلكم ،،، ويعطيكم الف عافية

ولولا اشغال البيت ورمضان كان واصلت