لاضـــــــــــــــاق صدري رحــــــــــت للـــــــــــبرحطــــــاب

[مهرة عتيبه]

هذي قصيده في البر
http://up.graaam.com/uploads/images/graaam-ca610d6ef7.jpg
لا ضاق صدري رحت للبر حطاب

وشبيت ناري في صحاري خلاها

وسط الفياض اللي بها أزهار وأعشاب

ريح الخزامى فايح(ن) في مساها

استرجع الذكرى على رأس مرقاب

وأرسم لقلبي صورة(ن) ما نساها

دنياك تلبس لك عبايه وجلباب

وتخفي غدر سود الليال وجفاها

شفت القمر يوم اكتمل صار جذاب

نور ليال(ن) مظلمه في سماها

ترى العمر مثل القمر طل ثم غاب

أغنم حياتك لا تكدر صفاها

حافظ على الطاعه قبل يقفل الباب

ثم يتبين صحها من خطاها

اليوم فعل الطيب راعيه ما خاب

عند الرجال اللي بعيد(ن) مداها

الطيب يبقى يا فتى الجود لو شاب

في شجرة(ن) سيل المكارم سقاها

والبيت ما يبنى بلا أوتاد وأطناب

ومن لا بنى يسكن مذاري هواها

[بنات عتيبه]

الله يامهرة ياليتهم يطلعوني للبر بس لوتدرين وش صار في بنت خالتك. بكاااااء

[مهرة عتيبه]

اي والله ياليتهم الله يكفينا شرك وش جاك ههههههههه

[صمت الرعد]

مهرة عتيبة
اذا كان هذا الشعر شعرك
فانت شاعرة
لك مكانتك بين الشعراء
ولا تخافي
واذا نقلت النص
فنعم النقل
لك ودي

[مهرة عتيبه]

يعطيكم العافيه على الرد تسلم ياصمت الرعد الله يرفع من مقامك والله مانيب شاعره بس احب الشعروخاصة اللي فيه تنبيه ونصيحه ومعانات وان شاء الله ان ذوقي رفيع في اختيار الاشعار لك مني اجمل تحيه تحيــــــــــــــــة