اقسي قصيدة (حــــــــــــــــــب )

[مهرة عتيبه]

لاجيت ابنسى واتراجع واسامحك
صاحن جروحي واشتكن لي طعونك!!
كلك خيانه قول وشلون ابمنحك
وش موقفك من شخص دايم يخونك!!
اكبر خطا..لوجيت يمك لصالحك
اول تحول لاتغرك .. الحونك
للي تقوله صح لوكنت جارحك
((مير))انت غارق للاسف في ظنونك
وصفك نسيته بس..باقي ملامحك
بنهيك وانهي بالنهايه ..جنونك
ماتستحق امد كفي واصافحك
مثلك غلط عمري وابحيا ..بدونك
كنت اعتقد قلبي هو ابرز مطامحك
اللي يبيع الناس ..لجله يصونك
تعبت اسوق الشوق يمك واصارحك
اخلصت لك بالحب شوفت عيونك
لكن خسارة صرت غاية مصالحك
ياليتني ماجيت لحظه..بكونك
بلامس كنت بنشوة الحب ..امازحك
اخيل برقك واتحرى امزونك
واليوم من صفحة حياتي ابمسحك
هديت صرحك ثم طاحت ركونك
ولابي عيوني لوتصورت تلمحك
اعلنت موتك..وانسجن لي كفونك
وان جيت تطلب ترجيني ..اسامحك
بهديك طعنه ..من بقايا ..طعونك !!

[الهجيــــر]

وان جيت تطلب ترجيني ..اسامحك
بهديك طعنه ..من بقايا ..طعونك !!

الله الله يا مهرة عتيبه
بيت في الصميم

[مهرة عتيبه]

هلا وغلا يالهجير يعطيك العافيه كل عام وانت بخير وصحه وسلامه

[صمت الرعد]

وش موقفك من شخص دايم يخونك!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[شموخ الجنوب]

يسلموووووووووووووووو والله