المساعد الشخصي الرقمي

مشاهدة النسخة كاملة : شدا الشامي من انت

النقد الهادف
03/12/2011, 01:35 AM
امل الرد من شدا الشامي
البدع
لقيت عندك يا شدا الفين راس من الحلال
تبارك الله كلها من سلالات الدعود
لكن جهدك ضاع والمال وبلا فايده
رغم اني ادري عنك ما انتب غشيم ولا بخيل
وشفيك ما بعت السمينه ولا ذكيتها
شايب العشرين
03/12/2011, 10:39 AM
صح لسانك يا ابو هادف ملايين
ننتظر شدا يكمل الابداع
صقر الجنوب
03/12/2011, 12:07 PM
صح لسانك يا النقد الهادف وننتظر شدا الشامي
فهد قزعه
03/12/2011, 01:52 PM
صح لسانك وننتظر شدا ليكشف الحقايق
شدا الشامي
03/12/2011, 02:39 PM
صح لسانك يابو هادف .. وأبشر بسعدك


الرد: شدا الشامي=
*
وفّرْ علومك عارفين الحرام من الحلال=
وأرجع لوقت الخير وعلى زمان الودّ عود=
مال الكفو من طيّب الرّزق وبلافا يده=
اللي ذكي يفهم ليا خيّلَت عينه بخيل=
( وشرذمة غافل لك الله ) .. ماذكّيتها=
**
شايب العشرين
03/12/2011, 02:45 PM
يا الله عفوك يا ذا الرد
صح لسانك ياشدا
النقد الهادف
03/12/2011, 03:15 PM
البدع
يا تاج راسي لا تجنب يمين ولا شمال
معاني الشعار ما تحتمل نقص وزود
خلك مع الهادف وذا تاهت السكه انشده
من كثر حبي يا شدا فيك مريت الاتيل
حجزت لك غرفه ولكن ما طبيتها
نديم القوااافي
03/12/2011, 03:44 PM
يا سلام يا سلام .. بيض الله وجيهكم وصحت السنتكم ســــنه يا شدا خلك مع المحقق كونان ومع كل رد حط بصمة ابهامك
صوت بدادا
03/12/2011, 08:19 PM
طبييييييييييخ فيه طبخة ولكن كيف ومتى تستوي الله اعلم
صح لسان من بدع ومن رد مطعمم
شايب العشرين
03/12/2011, 09:40 PM
ابو هادف صح لسانك
واصلو لاهنتم
النقد الهادف
03/12/2011, 11:49 PM
اخواني الكرام مرحبا بكم اثلجتم صدري بمروركم الكريم ولا استغني عن تعليقاتكم وتشجيعكم وحماسكم المعروف
لؤلؤة زهران
04/12/2011, 12:07 AM
النقد الهادف
شدا الشامي
الله يعطيكم العافيه جميع
تواجد وحضور وابيات قمة الجمال والتميز
عبدالله الحديبي
04/12/2011, 05:43 AM
النقد الهادف
شدا الشامي


انا لله انا لله


صح الله السنتكم ... استمروا لاهنتم
شدا الشامي
04/12/2011, 01:23 PM
الرد: شدا الشامي=
*
أنا معك ماني ملقّي جنوب ولا شمال=
ولو ذبحك الجوع زهّبْت لك مايٌ وزود=
أدري إنّ قلبك ماتوقّع كلامي .. وانشده=
معذور لو تمشي الهوينا ومرّيت الأتيل=
ربّقت لي عدّة مراتم ولا طبّيتها=
**
الساهر
04/12/2011, 01:29 PM
طيب طيب

رتمت لي عدة مراتم ولا طبيتها




الله يسقي زمان المرتمه
وناس تقول المنسبه
وناس تقول المطبه

ربقت اول مرة اسمعها من شدا ولكنها معلومة جديدة في رد خرافي
شدا الشامي
04/12/2011, 01:46 PM
طيب طيب

رتمت لي عدة مراتم ولا طبيتها




الله يسقي زمان المرتمه
وناس تقول المنسبه
وناس تقول المطبه

ربقت اول مرة اسمعها من شدا ولكنها معلومة جديدة في رد خرافي


الله يسعدك يا الساهر على المرور والملاحظه

ربّق يربّق فهو مربّق ويقال : لاتربّق لي هههههههههه

والله وأنا أخوك الكلمه هذي يعرفها النقد زين وشرحها

في موضوع هنا با المنتدى وأنا زيّك أستفدت منه هالكلمه

وإن شاء الله مايكون عنده مانع يشرحها مرّه ثانيه عشان

يستفيد الكل .. وهو سيد العارفين
شايب العشرين
04/12/2011, 02:39 PM
ربّقت لي عـدّة مراتـم ولا طبّيتهـا

الله الله وش ذا العلم الله من حمامه تشوطنها وحقاحقه تحت المرتمه
صح لسانك
شايب العشرين
04/12/2011, 02:41 PM
الربق :للحلال للبهم اعتقد ذالك
وشاعر الوادي هو اخبر بذلك
النقد الهادف
04/12/2011, 11:51 PM
يعطيك العافيه ياشدا والتربيق هذا كنت احسن واحد فيه لكن اعترف لك انك دكتور تربيق هه
البدع
بغيت افصل لك من الوبرالاصلي بشت عال
والبسك برده تميزك من غالي البرود
وانشا الله ان تركب شبح بعد بعت المازده
لكن لو ازعل ياشدا لفتل ذراعك فتيل
واللقمه الي باقيه في قدحك ابريتها
نديم القوااافي
05/12/2011, 12:57 AM
يا سلام يا سلام صحت السنتكم كلام رائع والربق مثل ما قال القحم للبهم عشان ما يسرح ههههه الله لمن هب رقابكم فيه وصوركم وهددكم ههههه>>>>>>>>>>> متأثر بصحيفة سبق
شدا الشامي
05/12/2011, 01:52 AM
الرد: شدا الشامي=
*
هبّت هبوب الصدق والنار زادت بإشتعال=
وآنا من اللي يعشقون الحما بعد البرود=
ولو شكى قلب العطش .. من حميم الماء زده=
لكنّ لامن شبّت النار في رأس الفتيل=
إنفر بجلدك لا تقل من قدح كبريتها=
**
النقد الهادف
05/12/2011, 03:50 PM
حوااجب
البدع
تبارك الله ياشدا سرت منكوس العقال
من يوم ركبتك شبح والشبح مالي وقود
شد الحزام وقفل الباب الايسر وارصده
وارجع ورا وادر ان في سكتك طلعه وميل
واحسب حسابك في المطبات لا مريتها
شدا الشامي
05/12/2011, 11:01 PM
الرد: شدا الشامي=
*
خل الجمل يهدر براحته وإيده فالعقال=
ولو حند شدّيت غاربه بأحمالي وأقود=
وأعدّ خطواته وأراقب مسيره وأرصده=
إن ضاق صدره كنّ حذفة عصا لمات ميل=
ولقمته تنشب في الزّور لا مرّيتها=
**
فهد قزعه
05/12/2011, 11:02 PM
الله الله الله
صحت الالسن هنا كلام فيه 30 غبنه واصلوا لاهنتم
جہہرح غہہآلہہي
06/12/2011, 10:40 PM
صحت الالسنه ,, واصلو واصلو متابعين مستمتعين ..تقبلوا مروووري
النقد الهادف
07/12/2011, 12:15 AM
الاخ شدا تشرفت بتواجدك معي واشكر جميع الاخوان
شاعر بالمفضل
07/12/2011, 09:22 AM
الله الله الله

هنا قارعه وعلوم فارهة من ماركة الشبح

النقد الهادف

شدا الشامي

صحت الالسن وتعافت الابدان
الشامان
08/12/2011, 01:37 AM
صح لسانك يالنقد الهادف بدع ولا اروع مثل الذهب الله يسعد قلبك
وصح لسان شدا الشامي ردود اوع ومثل الذهب الله يسعدكم
تقبلة تحيات اخوكم الجديد شامان
شدا الشامي
09/12/2011, 01:56 PM
صحت أبدان الجميع .. وأشكر كل من مرّنا كلٌ باسمه

النقد الهادف تشرفت بالرد عليك .. لاهنت