تحيه الى الغالي شدا الشامي

[الشامان]

البدع من الشامان ابو عبدالله

/////////////////////////////////////
الله يشهد عليناواشهدو ياحظور=
اما اثبتو علمنا الشعار والا انكروه=
اللي بيوقف مع الابطال يثبت وجود=
اما هزمني شدا الشامي وخيل بخيل=
والا هزمته وتبقى للعرب سالفه=

الرد من الشانان ابو عبد الله
//////////////////////////////////
يشهد علينا البداوه واشهدو ياحظور=
ماجاء بقلبي لكم من بعد حبن كروه=
انحن رجال الجمايل واهل شيمه وجود=
ماعاش فينا ذليل ولانربي بخيل=
والماضي اللي مضى كلاً على سالفه=

[عبد الله الشدوي]

ابدعت وننتظر شدا الشامي

واسمح لي تراني من جمهور شدا الشامي

كلاكما عينان في رأس

[الشامان]

مرحبا بك ياعبدالله الشدوي كلامك تاج على راسي
وشدا الشامي استاذ في هذا المجال وهو قدوت الشعار وانا اولهم

[عاشق المها]

صح لسانك ياشامان وعلا شانك ...safaqah
ننتظر أخونا بن قثرود وإبداعاته ...تحيــــــــــــــــة

[جار الله الخامس]

الله الله يالشامان دائما تقدم كل مايلفت الانضار لا عدمناك يالشاعر المغامر نرسل لبن قثرود رساله خاصه لعله يجيب على بدعك الذي فعلا يحتاج الى اجابه مقنعه

[شدا الشامي]

الله الله .. صح لسانك يا النشمي


البدع: شدا الشامي=
*
قال ابن قثرود يامن شاف بدر البدور؟=
في قدْر هيبتْه .. شرخ النيمسي جنبخوه=
يا ليت شامان في جُعْبتْه مايٌ وزود=
لو كان طاحت ضروسي من فتات الخليل=
يكون شابت بيوت الشعر والمعرفه=
**
الرد: شدا الشامي=
*
أهلين ياشاعرٌ جيّد .. وقايم بدور=
وانحن نشيّد بميقاف الكفو جنب أخوه=
يقول: أنا الشيخ أبو عبدالله .. ونعم وزود=
لكن مثالي يقول: الشايب آبو خليل=
وأنا أحترم من دعى بإسمي ولو ما أعرفه=
**

[جار الله الخامس]

الله الله ياشدا على الكلام الوافي الكافي صح لسانك والله

[الرميصاء]

صح لسانك يا شدا الشامي
ذكرتني بقصيدة الشيخ عايض القرني في أفغانستان

[الشامان]

صح لسانك ياشدا الشامي والله انك عند حسن الطن كلام يقال وينقل

البدع من الشامان ابو عبدالله

البدع من الشامان=
*=
اصبر على هبة الشاطي وصفق البحور=
اخاف تصبح مع العالم غيوراً شروه=
اي روسنا في نهار الحرب مثل الحيود=
للحرب والمعركه مايوقف الا الصميل=
الى دعو من شمال وغرب والطارفه=

الرد من الشامان=
*=
الشايب ابو خليل اللي بعينه بحور=
واما المثالي كلامه بالصحف ينشروه=
ماني مجنب ولاني عالمثايل حيود=
اللي بيعصى علينا نطرقه بالصميل=
حتى تظلي بعينه دمعته طارفه=

[شايب العشرين]

لكن مثالي يقول: الشايـب آبـو خليـل

صحت اللسنتكم يالنشاما ملايين مجــــاراه رائعه
من الشامان وشدى الشامي لاكن ياشدى لاتستمع
لكلام الناس انا معرفي ولالي غـــــــــيره برباع

[ملك الليل999]

قصائد رائعه يسودها الاحترام وهذا طبع الكبار
راق لي كثيرا مارأيت من شعر
صحت السنتكم وبيض الله وجوهكم

[مثالي]

صحت ألسنتكم جميعاً...

[شدا الشامي]

صحّت ألسنتكم وأبدانكم


البدع: شدا الشامي=
*
كنّك مربّي خواطر يامربّي شعور=
غير الصحيح إنّ قدْر الولد من قدر أبوه=
يا أهل الكحال الذي في العين عادوا ثمود=
حليل من يرتجي ردّ الزمان المزيل=
روحه بغصّات ريقه .. والنّسَم واقفه=
**
الرد: شدا الشامي=
*
أبصرك حسّنت رأسك .. يامربّي شعور=
وجيت عند الذي .. خَصّامهم قد ربوه=
آربّهم ما لقيّوا إلا أنت .. عاد وثمود=
لكل شارب مقصّ .. وكل عارض مزيل=
قبلك شدا يوم يوقف .. ونّس مواقفه=
**

[نديم القوااافي]

يا سلام يا سلام

الشاااامااااااان
شداااااا الشاااامي

صحت السنتكم وتعافت ابدانكم واصلو واصلو لا عدمناكم

[سمو انسان]

لاهنتم ..صحت الالسن وتعافت الابدان
واصلوا وأحنا بالمدرج .....نتفرج

[الهجيــــر]

الله الله الله

الشامان صح لساااانك

شدا الشعر

أنت من أيدينا في أيديهم ههههه

[الشامان]

اشكر كل من تابعنا في هذا المتصفح من غير تخصيص

صح لسانك ياشدا الشامي ملايين

البدع من الشامان=
*=
ونعم وانا بوصفك بين العرب شيخ دور=
وربعك اهل الفعايل حدهم صيونوه=
اهل الوفاء والجمايل واهل مكسب وفود=
اللي تربو على درب الكرم والجميل =
لهم بدرب الجميل امواقف امشرفه=
*=
الرد من الشامان=
*=
الفكرسوا على روس البشر شي خدور=
وانا بغيت اهدم القصر الذي صيونوه=
واثار قصر الجمايل مجتمع للوفود=
ماودي اولج الشامي على ولج ميل=
اخاف يهوي من اعلى قمه امشرفه=

[دخيل الله العواض]

صحت السنتكم كلام رائع

[صقر الجنوب]

الشامان - شدا الشامي
صحت السنتكم وابدانكم يا المطاليق قصائد على اعلى مستوى من شعراء كبار نحبهم ونغليهم

[شدا الشامي]

الصراحة تذكّرت أخواني علي السبيّه والمبدع .. وحبيت أوصل لهم سلامي من هنا



البدع: شدا الشامي=
*
في وهج عينك شرار .. وفوق جلدك بثور=
الجنّ لو صافحوا كف الجمل فلوجوه=
ياللي زرعت النصارى عندنا واليهود=
النجم عيّت تصل له طولة المستطيل=
وإن كان حصّلت تثويبه وأجرْ كايفه=
**
الرد: شدا الشامي=
*
قال ابن قثرود ماودّي نضحّي بثور=
يمكن نجامل ونضحك للعرب فالوجوه=
لكنّ عند الصراحة كل عاجل يهود=
ضاع الفريق الفرنسي في ثراء المستطيل=
من بعد ماغاب زيدانه وجُرْكايفه=
**

[شدا الشامي]

الشامان (ابو عبدالله)

شدا الشامي (ابومساعد)


صحيتم كلام مثل العصيده والمرقه واصلو وانا متابع لكم بكل صمت



صح بدنك وشاكر لك مرورك يا النشمي
وترى الولد اسمه عدنان على ماقال برطمان
ههههههههه

[الشامان]

مثالي
صقر الجنوب
دخيل الله العواض
الهجير
سمو انسان
نديم القوافي
ابراهيم الصنعاني
اشكركم جميعا على المرور المشرف والله يسعد قلوبكم حظوركم يشرح الخاطر



شدا الشامي شدا الشامي شدا الشامي ماقول الا صح لسانك وانت شاعر متمكن
وكل واحد يتمنى يتحاور معك وانت مكسب وراس مال في هذا الصرح الشامخ

[الشامان]

البدع من الشامان=
*=
الله يدري ويعلم خافيات الصدور=
والناس يعرف مقاصدهم وما يقصدوه=
ياخي شدا لاتنيقد بالكلام النقود=
والله لاطول ماقوله وراسي طويل=
ماني بمثل الذي تاخذهم العاطفه=
*=
الرد من الشامان=
*=
ماني غشيم اعرف اللي وارداً والصدور
وانا اعرف الشعر والشعراء وما يقصدوه=
وين الكلام الذي جا مثل عد النقود=
شدا يفيي على قلوه وراسي طويل=
واللي ظهر في شدا تاخذهم العاطفه=