مجالسي عندك ياحسن القرشي

[دخيل الله العواض]

ياحسن القرشي بان الفجروالمسا فـــــات
أسـرح بهمـي واتالي زفرتي والوناويــــن
لاتنتشدني وانا اللي طايح’’ في لوا اشواك
أبديت لك كل مافي القلب والغــي ركنتـــه

[حسن القرشي]

الأخ دخيل الله صح لسانك على هذا الأبداع ، واستلم الرد لاهنت

يازين ماهمنــــي غيرك وبعد المسافات
حكم علينا الزمن واليوم وينك وأنا وين
ماعاد لي في ذي الدنيا محبه لو أشواك
ولاتمكن في أقصى خاطري غيرك أنتـه

[ابـو خـالـد]

صحت السنتكم ملايين

[جار الله الخامس]

دخيل الله .حسن القرشي صحت الالسنه وتعافت الابدان سراحه كلام كبير من شاعرين من امثالكم الله يعطيكم العافيه ومافيكم حيله

[دخيل الله العواض]

( أبوخالد - جارالله )
صحت أبدانكم وألف شكر على مروركم الرائع

[دخيل الله العواض]

صح لسانك ياحسن على هذا الرد الجميل وليس مستغرب من شاعر متمكن مثلك

( البدع )
لي في الرجال القروم اخوه وعزوه ولابات
ومجدهم سطروه اهـل الكتب والقلاميــــــن
ياضلع مهما يطول بي الزمن حالف ارقــاك
ومن رقى في شدا يلقى العجب من شفاتــه

[فهد قزعه]

ياسلام ياسلام
صحت الالسن تقبلوا مروري واحترامي

[عاشق المها]

صحّت ألسنتكم يالنشامى على هذا الإبداع ...

[حسن القرشي]

صح لسانك ياحسن على هذا الرد الجميل وليس مستغرب من شاعر متمكن مثلك

( البدع )
لي في الرجال القروم اخوه وعزوه ولابات
ومجدهم سطروه اهـل الكتب والقلاميــــــن
ياضلع مهما يطول بي الزمن حالف ارقــاك
ومن رقى في شدا يلقى العجب من شفاتــه

الرد على الأخ دخيل الله

عليك يازيـــن طرفــــي ماتريح ولا بــات
حسبي على من فتن بيني وبينك قل أمين
ماتدري أنـــــي عليل وعذب الحال فرقاك
فقدت ذاك الحنان وبسمةً من شفاتـــــــه

[جار الله الخامس]

الله يعطيكم العافيه واصلوا نحن في استمتاع بما يقدم

[دخيل الله العواض]

فهد قزعة - عاشق المها - جارالله الخامس
نورتم الموضوع ألف شكر على المرور

[دخيل الله العواض]

صح لسانك شاعر كبير ياحسن
( البدع )
يـالله تغفــر ذنوبي قبل يــوم المنيـــــــات
وقبل يستقبلــون اهلي وفــود المعزيــــن
قلبي رضي بالقدر مابه جحودٌ ولا اشراك
وأخذت الإسلام لي دستور والعند ابيتــــه

[حسن القرشي]

تسلم يادخيل الله على هذا البدع الرائع وأستلم الرد

ياما تمنيت لكــــن ماتفيـــد المنيــــــــــــــات
ذيك السنين الخوالــــــي غيرت كامل الزين
وأصبح طريق السهل قبلي ملفات وإشراك
ماعاد تحملني الخطوه يلـــــــــــى عند بيتـه

[دخيل الله العواض]

صح لسااانك مليووون
( البدع )
ترى الخطر ياحسن والموت في سم حيات
والتهــم فيها حناشه سمهـــا بين نابيـــــن
إذا نزلــت التهم جب لي بشـــامٌ وجـب راك
واحذر من الـداب لا ينزيك في منسباتـــــه

[حسن القرشي]

صح لسانك وأستلم الرد لاهنت

الحب مايسكن إلا خطراً (ن) سمحيات
عســـى الوفاء والموده دايمه بيننا بين
أصون حبك ومايرضيك والمح لجبراك
لا مر طاريك يصحى ناظري من سباته

[دخيل الله العواض]

صح لسانك والله يعطيك العافية
( البدع )
بالفايدة ياحسن جايت علومك رهيـــات
وصدفة امثالك أغلى مالذهب والملايين
جا للمثايل معـك نظــمٌ وحــبكٌ وحيـــاك
وخط الأبيات ناسـب خاطري واقتريتـه

[حسن القرشي]

صح لسانك يادخيل الله وأستلم الرد لاهنت

الــــــــــــــرد

عرضتني يالغضـــــي للهجـــــر والمكرهيات
والعشق هد القلوب القاسيـــــــــه والملايين
أن رحت منساك طول العمر وأن جيت حياك
وكــــــل ماكنت تنوي بـــــــه مع الوقت ريته

[دخيل الله العواض]

صح لسانك وماقصرت الله يعطيك العافيـة
والحقيقة سعدت بمحاورة شاعر كبير مثلك
وإنشاء الله نتقابل في محاورة قادمة
لك مني كل التقدير والإحترام

[حسن القرشي]

الأخ دخيل الله العواض : ماعليك زود و صح بدنك ولاهنت وسرني كثيراً المحاوره معك واللقاء بك ، وتقبل تحياتي واحترامي

[ترانيم المطر]

مبدعين تحيتي وتقديري
ودمتم بود
ترانيم

[حسن القرشي]

ترانيم المطر: كل الشكروالتقديرلمرورك على هذا المتصفح ولك كل الأحترام