ضروف الوقت

[أبويحيى]

المعذرة عن الغياب الذي قد لا يبرره الا مشاغل الحياة وبعض الضروف ولكن لكل شخص في رباع احترام وتقدير ابو يحيى
اقبلوا مني هذه المحاولة وهي ليست موجهة للرد ولكنها قد تكون لموقف ليس اكثر


أبويحيى:=
الله يجزا ضروف الوقت عني بمليون الف خير=
الضروف التي فيها تبين عدوي من صديقي=
وضّحت لي كثير وريت وش كان سد الاقنعه=
اللي كنت احسبه في حزة الزحمة يفداني بروحه=
وان لو قَدّر الله لي بزحمة وقف وقفة جبل=
صار كنه من اقصى الخلق ماكن يربطنا صداقه=
واثر صحبته ماهلا لوقت الضحك والبهلله=
الذي ماوقف جنبي ولا زارني في وقت باسي=
وش عاد ابغي منه لا صرت مبسوط في وقت السعه؟=
اللي باقسى ضروف العمر ماقال لي ماجور م الشر=
الله يستر عليه وصحبته مانويت اعدها=

[عاشق المها]

الحمد لله على السلامه وياهلا ومرحبا ملايين بأخونا الشاعر الرائع أبو يحيى وصح لسانك وعلا شانك ومن طول الغيبات جاب الغنايم ....safaqah

ومثل ما تفضلت الصداقه اليوم غالية الأثمان ولا تعرف صديقك إلاّ وقت الشدّه والمواقف تبيِّن الرجال وفي نفس الوقت إلتماس العذر بين الأصدقاء واجب ...ووورد

[ترانيم المطر]

حي الله الشاعر المبدع ابو يحيي صح لسانك مليون ولا يسدوون
التمس لاخيك سبعين عذر
تأكد إن اللي ما سال عنك مو كره ولكن انشغال بهذه الدنيا نحاول ان نصل ولكن لو حاولنا جاهدين لن نصل
ذكرتني بقصيده لي من ضمنها هالبيتين

أصحابي اللي بوقت الضيق خلوني = مالي بهم يوم زانت لي لياليه
وقت الرخا بعت من بالضيق باعوني =وشطبتهم من عناوين الشماليه

تحياتي ترااااااااانيم

[الساهر]

بعد اتصالات الاحبه للعدول عن الخروج من المنتدى يسرني العودة من خلال هذا الرد على الحبيب الغالي ابو يحيى والحمد لله على السلامة


مرحبا اهلا وسهلا وانت رمز العداله والفخير=
كلمة الحق نعلنها وهي مالفواد ومن صديقي=
والذي مايصدقها بعد نلتقي به واقنعه=
انت لاجيت يالغالي تضلي مجالسنا بروحه=
شاعر كان يمتعنا على طيب المعنى جبل=
حق في جيتك من شدة افراحنا ناهب صداقه=
في غيابك ترى ساعاتنا ماتقدر بهلله=
وين بدعك وفين الرد ذاللي كتبته باقتباسي=
فان لو ماخذ العشرة من العشرة جاب التسعة=
والذي مر من عندك ولكن ماسلم ومشر=
ذاك من جملة الاصحاب وقت الرخاء ماعدها=

[شدا الشامي]

أبو يحيى و الساهر

الحمد لله على سلامتكم ونوّر المنتدى من جديد

صحّت ألسنتكما .. لاهنتم يا النشاما

تقبلوا مروري

[جہہرح غہہآلہہي]

الاخ مشعل ابو يحيى عيا الطلاق انك كفؤ . وقصيده في محلها
ولكن الزمن ذا راحت بالناس الاشغال والضروف .,
تقبل تحياتي وبيننا لقاء قريب ان شاء الله ..

[@ملك العزلة@]

يعطيك العافيه ابو يحي على هذي القصيده الرائعه والحمد لله عالسلامه وعودتك شرف للمنتدى وشرف لنا ولا خلا ولاعدم

[سلطان الباجري]

صح لسااااانك وكلام شاعر كبير مترابط ويستاااااااااهل القراءة مرات ومرات
صح لساااااانك

[نديم القوااافي]

ابو يحيى

الساهر

صحت السنتكم ومرحبا بكم مجدداً .. عوداً حميدا وان شاء الله يكون اخر الانقطاع وانتم والله مكسب لاي منتدا عسا ما نعدمكم

[فهد قزعه]

الله الله الله
صح لسانك يابويحيى
وقدرك في قلوبنا يعلم الله ان ماجاني الخبر الا قبل يومين والحمدلله على السلامه طهور ان شاء الله تقبل ودي واحترامي