سمّار
11/01/2012, 03:39 PM
سـالـفــة جـــــرح.......................................
مرحبا هيل يالله حيّ جرحـي الجديـد= ارحب ارحب , وتلقاك الجروح القدام
اسكن القلب لك مرباع ما انته وحيـد=فيه تلقى الشبيـه وفيـه تلقـى وئـام
ذا مكانك من الشريان لاقصى الوريـد=شّبّ نارك وصحّ جروحه اللـي نيـام
عَطْه علمك وسولف واطلب اللي تريد=خذ سوالف جروحه واستمع باهتمـام
راح تحلى السوالف مع طروق النشيد=كلّ جرحٍ يهوجل قصتـه فـي نظـام
وان نشدت الجروح وقلت وين العميد=لا تحرّى جواب .البوح بامره حـرام
مرحبا وان يَمَدّ العمر عمـرك مديـد=لا تظن ان احـد ينسـاك وإلا تظـام
والله اني لارشّك من عطور القصيـد=ووالله اني لازيّن لـك محـل ومقـام
فجّـر آهـات تـدوي بالحنايـا تقيـد=اخنق العبره في حلقي وصـدّ الكـلام
اخطف الفكر واستحوذه خلّـك عنيـد=سجّ به دوم في بحـر الالـم والعتـام
انت ضيف الذي يلقى ضيوفـه سعيـد=وانت ضيف الكريم اللي يحب الكـرام
واشهد انك كريم ومقبـلٌ مـن بعيـد=جيت عاني لقلبي مـا حـدوك اللئـام
ما ارسلك غير كفوْ وكان رايه سديـد=يوم دلّك على قلبـي ربيـع الحشـام
كَنّك الا هديه مـن عزيـز وعضيـد=والهدايا لهـا عنـدي جزيـل إحتـرام
مرحبا كل مـا ونيّـت قـدرك يزيـد=مرحبا كـل مـا هيضتنـي والسـلام
مرحبا هيل يالله حيّ جرحـي الجديـد= ارحب ارحب , وتلقاك الجروح القدام
اسكن القلب لك مرباع ما انته وحيـد=فيه تلقى الشبيـه وفيـه تلقـى وئـام
ذا مكانك من الشريان لاقصى الوريـد=شّبّ نارك وصحّ جروحه اللـي نيـام
عَطْه علمك وسولف واطلب اللي تريد=خذ سوالف جروحه واستمع باهتمـام
راح تحلى السوالف مع طروق النشيد=كلّ جرحٍ يهوجل قصتـه فـي نظـام
وان نشدت الجروح وقلت وين العميد=لا تحرّى جواب .البوح بامره حـرام
مرحبا وان يَمَدّ العمر عمـرك مديـد=لا تظن ان احـد ينسـاك وإلا تظـام
والله اني لارشّك من عطور القصيـد=ووالله اني لازيّن لـك محـل ومقـام
فجّـر آهـات تـدوي بالحنايـا تقيـد=اخنق العبره في حلقي وصـدّ الكـلام
اخطف الفكر واستحوذه خلّـك عنيـد=سجّ به دوم في بحـر الالـم والعتـام
انت ضيف الذي يلقى ضيوفـه سعيـد=وانت ضيف الكريم اللي يحب الكـرام
واشهد انك كريم ومقبـلٌ مـن بعيـد=جيت عاني لقلبي مـا حـدوك اللئـام
ما ارسلك غير كفوْ وكان رايه سديـد=يوم دلّك على قلبـي ربيـع الحشـام
كَنّك الا هديه مـن عزيـز وعضيـد=والهدايا لهـا عنـدي جزيـل إحتـرام
مرحبا كل مـا ونيّـت قـدرك يزيـد=مرحبا كـل مـا هيضتنـي والسـلام