تعالي ياترانيم المطر

[الشامان]

سلامي ياترانيم المطر واردها مليون=
على الشعاروالحظار واهل المنتدى الغالي=
خلوووووووووووووووووووووها=
انا في ذالمجال اصبحت مثل التايه المجنون=
تغيب الشمس وانا اشوفها يادوب تبدا لي=

[ترانيم المطر]

الله الله صح لسانك



هلا يامرحبا ترحيبتن قبل العرب يسرون = على شامان واهل المنتدى والسيد الوالي
وانا هذا مجالي والبشر يا شاعري يدرون = اغوص االنيل مسبح فيه واشرب ميّه الحالي

[(((بن هندي)))]

الله الله
كلام كبير وشاعر وشاعره مبدعين أنا معك ياشامان ومعك ياترانيم
ولكن الوقفه الصحيحه معك ياترانيم لأن الشامان نشف ريقي وبهذلني

واصلو وعليك به ياترانيييييييييييييييم

[سمو انسان]

صحت الالسن وتعافت الابدان....
ابداع متميز....ننتظر المزيد بشغف...
شكري وتقديري

[الشامان]

صح لسانك ياترانيم المطر مليون


خلووووووووووووووووووووووووووووخا=

الى ذالحين ماتدرين وايش بخاطري مكنون=
اسولف بين جن احنين واهوجس في التالي=
خلووووووووووووووووووووووووووووها=
انا قلبي جريحاً له سنه بسبايبك مطعون=
واطاء فوق الجمر واسير وانا لا على بالي=

[الشامان]

ابن هندي انت استاذ الجميع تحيه خاصه واشكرك على المرور المشرف الله يسعد قلبك

سمو انسان لك مني جزيل الشكر على المتابعه والحظور المشرف

[ترانيم المطر]

شاعرنا المميز بن هندي حيك وحي من جابك لا توصى حريص بس الحين بخرج مشغوله شوي واجي واكسر راسه



أذا سولفت مع نفسك وخل ابليسك الملعون=أنا صعبة مراس وغيركم ما فكك احبالي
واذا تبغا الطعون ابشر بيمنى سهمها مسنون =فلا ميراث لك عندي ولا جدي ولا خالي

[غرور]

صحت الالسن وتعافت الابدان....
safaqahsafaqah

[الشامان]

صح لسانك ياترانيم المطر كلام شاعره كبيره بدون مجامله


خلووووووووووووووووووووووووووووووووها=
ترا قلبي معك في ذالمجال انظف من الصابون=
ولكن لو نويتك فانتي اقرب لي من اخيالي=
خلووووووووووووووووووووووووووووووها=
انا خايف عليك انك تطيحي في يدي فرعون=
ولاعد ينفعك لو طحت بيدي مالك امجالي=

[(((بن هندي)))]

شاعرنا المميز بن هندي حيك وحي من جابك لا توصى حريص بس الحين بخرج مشغوله شوي واجي واكسر راسه




أذا سولفت مع نفسك وخل ابليسك الملعون=أنا صعبة مراس وغيركم ما فكك احبالي
واذا تبغا الطعون ابشر بيمنى سهمها مسنون =فلا ميراث لك عندي ولا جدي ولا خالي



الله عليك في هذا الرد قدها وقدود يالنشميه كلام كبير وله ثمن

[الشامان]

وين راحت ترانيم المطر ردها يابن هندي والا افزع لها

[(((بن هندي)))]

الله يهولك
أنت تخوووووف أنا خفت منك ويالله تخارجت منك
ولكن ترانيم بطريقها إليك ومعزمه تغلبك شد حيلك
وتراك خطيييييييييير

[الشامان]

كلكم على عيني وراسي وانت كفو والله يابن هندي لكن احب امزح

ان كان ودك تفتح متصفح جديد ناخذ شويه حتى ترجع ترانيم ابد من عندك

[ترانيم المطر]

صح لسانك ياترانيم المطر كلام شاعره كبيره بدون مجامله


خلووووووووووووووووووووووووووووووووها=
ترا قلبي معك في ذالمجال انظف من الصابون=
ولكن لو نويتك فانتي اقرب لي من اخيالي=
خلووووووووووووووووووووووووووووووها=
انا خايف عليك انك تطيحي في يدي فرعون=
ولاعد ينفعك لو طحت بيدي مالك امجالي=



اذا الجن اعصفت بقرا عليها سورة الماعون = وأتف بوجه شيطانك عن ايمين وعن اشمالي
وانا همي كفانياه ربن خالقن هالكون = ولا فكرت في سربوت ولا ناضرت خيّالي

[ترانيم المطر]

نخرررررهاذا صحى شاعركم صحوني

[الشامان]

خلووووووووووووووووووووووووها=
انا بنصحك لاتغدي تطاوع كل مايقلون=
كتاب الله بي يبعد شياطين الخلا الخالي=
خلووووووووووووووووووووووووخا=
ترا ماني رفيق السربته من حيث مايغدون=
كلامي به علوماً طيبه من حيث ينقالي=

[ترانيم المطر]

انا ما احاور اللي كن بيت يشبه الغليون = يعسف القاف ويخلط العسل بالمر والحالي
ولكن دوّر اللي يعسف ابياته مثل شيطون = وخلك في مجال الشقر لا تحلم تجي جالي


صح لسانك وبيض الله وجهك ونتطلع الى جوله اخرى سي يو

[ملك الليل999]

طيب طيب
الشامان
ترانيم

محاوره بروح الاحترام والمزوح الله يسعدكم وصحت السنتكم ملاييييييين

[سمّار]

بيّض الله وجيهكم
محاورة رائعه ابدعتم فيها اثنينكم
شكرا الشاامان شاعر كبير ومتمكن وعلومك طيبه
ترانيم المطر شاعره لا يشق لها غبار وعلومك طيبه

امتعتونا لاهنتم
نتطلع لمحاورات اخرى

[الشامان]

صح لسانك ياترانيم المطر الحقيقه اني سعدت بمحاورتك الليله وكان لي الشرف
وانتي شاعره كبيره ومتمكنه ولافيك حيله وانا اسف لوحصل مني زله وهذا حال المحاوره
فتل ونقض وانتي بنت رجال لكن هذا حال الفصيد الف شكر وتقدير الشامان

خلوووووووووووووووووووووووووها=
هذي شرده نسميها وانا كنت احسبك دندون=
شراب التتن مافكرت فيه بكل الاحوالي=
خلووووووووووووووووووووووووووووها=
ترا للصيد وقته وابنجي واهل القنص يغزون=
وانا ماباتحلم واتفكر في هالاشكالي=

[الشامان]

ملك الليل
سمار

انا اشكركم على المتابعه والمرور المشرف وكلامكم تاج على راسي ربي يسعدكم
تقبلو احترام وتقدير اخوكم الشامان

[نديم القوااافي]

الشامان : صح لسانك مبدع مبدع بيض الله وجهك

ترانيم : وجودك اضاف لمحاورات القلطه الشيئ الكثر صح لسانك وبيض الله وجهك

[الشامان]

الف شكر يانديم القوافي الابداع حظورك ومرورك المشرف هنا
تحياتي لك يالغالي