محاورة دخيل الله وحسن القرشي

[دخيل الله العواض]

( البدع )
ياطير لك ظل في حومك وشي متنا
ترد وتصدر علـى وردٌ وزهرانـــي
إذا لمحته على ذي عين واصـداره
دخيلك أوصفه وصفٌ ماسمعنا به

[حسن القرشي]

أسلم أسلم وصح لسانك يادخيل الله ومساك الله بالخير والجميع

الــــــــــــــرد

أنحــــن زهارين موقفنا وشيمتنا
ماينحني للمذلـــــه راس زهراني
لنـــا مناهج لورد العلم وإصداره
لنا معاني وباقي الناس معنى به

[دخيل الله العواض]

صح لساااااااااانك
( البدع )
بنشدك عن صعب شفته مر وادينا
يمضي بدربه ولــه هـدرٌ ورزماني
والبعض من قل عقله يحسبه بكره
مايــدري انــه قعـــودٌ يـــدًرج نابـه

[حسن القرشي]

صح لسانك مليون

الــــــــــــرد

ما أحـــب الانذال وعلـــوم الروادينـا
ما غيرأطباعها ازماناً ورى أزماني
واليوم أحسب حسابي وأحسبه بكره
مبغي النذل في جنابي ودر أجنابـــــه

[دخيل الله العواض]

صح لسانك عساك عالقوة
( البدع )
لي صاحبٌ غير عن كل المودينـــا
أبو ثمانٌ تـــداوي كــل مرضانـــي
عذب فوادي وهو عنده علاج أمره
هني من خـــذ بكفانــه ونانا بــــه

[حسن القرشي]

أسلم أسلم وصح لسانك ياشيخنا

الـــــــــــــــرد

ودوا سلامــــــــي لخلي يامودينا
إلي يلا شافني زعـــلان مرضاني
طول غيابه وأنا قلبي على جمره
ينام مرتاح في نومـــــه وأنا نابه

[جار الله الخامس]

وانا نابه وانا نابه صحت الالسنه وتعافت الابدان

[دخيل الله العواض]

صح لساااانك والمعذرة على التأخير
( البدع )
السالفة واضحــــة من يـــوم شرفنـــا
ماعــاد يبغي لهــــا شـــرحٌ وتلقانـــي
في عالي الصفحة تلقى موجز النشره
وإلا خذ الدرس بين أيديك واقرا بـــه

[صقر الجنوب]

دخيل الله العواض - حسن القرشي الزهراني
صحت السنتكم وابدانكم يا المطاليق على هذه القصائد الرائعة

[حسن القرشي]

ياسلام ياسلام صح لسانك

الـــــــــــــــــرد

لنـــــــــــــا مذاهب وميقافاً يشرفنا
وانا معك يادخيل الله وتلقانـــــــــي
أشره عليكم وباقي الناس مانشره
وأنـــــا وياكم عيال العم واقرابـــه

[حسن القرشي]

الأستاذ صقرالجنوب صح بدنك شاكراً مرورك الذي أنار هذا المتصفح وزاده إشراقاً ، ولك كل التقدير،،،

[دخيل الله العواض]

صقر الجنوب صح بدنك وألف شكر على مروركم الرائع

[ملك الليل999]

دخيل الله العواض
حسن القرشي

مبدعين مبدعين
صحت السنتكم وتعافت ابدانكم

[دخيل الله العواض]

ملك الليل صح بدنك وأشكر مرورك

[دخيل الله العواض]

صح لسااانك مليووون
( البدع )
يابي على الشيمة والحق لاتوصينا
أنا على مذهب أجــدادي وعمانــــي
واللاش مافاد لانصحه ولا انهـــاره
ماينفعه مـال أبـوه اللي تغنــا بـــــه

[حسن القرشي]

سلمت يالعواض وصح لسانك لاهنت

الـــــــــــــــــرد

نبغي الفلبين يالعواض والصينا
خل الأمارات والدوحه وعماني
ذيك المناظر وشلالات وانهاره
إلي عليها شدا البلبل تغنى بــه

[دخيل الله العواض]

الله اكبر صح لسانك
( البدع )
ياليتني باغتني وآخلـص الدينـــا
وينعرف منزلي واسمي وعنواني
الفقر إذا جاء يخلي الحالية مـــره
ويجعل الكفو يفقد لوفة أحبابــــه

[حسن القرشي]

سلمت يادخيل الله وصح لسانك ولاهنت

الـــــــــــــــــرد

يازين ما أصد عنكم خل صدينا
ولاتقدر سهر عيني وعنوانـــي
وكلما قلت باجـي البيت وامره
يزيد كبرالموده لو فتح بابــــه

[بح ــر]

الله الله

صحت اللسنكم شعارنا الكرام

مبدعين مبدعين

يعطيكم العافيه

[حسن القرشي]

بحر ، صح بدنك ولاهنت يالغالي

[دخيل الله العواض]

صح بدنك يابحر ومشكور على مرورك الرائع

[دخيل الله العواض]

ياسلام عليك واصل
( البدع )
الله يديـــم المحبــــة بيننــا بينــــا
قلبي على صحبة الأجواد ولفانـي
من قِلة الوصل لاتزعل وتتشـــرًه
حتى وادي ترج صد وقل عنيابــه

[حسن القرشي]

سلمت وصح لسانك

الــــــــــــــــــــرد

الداب الأسود سمومــــــــه بين نابينا
يولف الســــــــم بالأنياب ولفانــــــــي
متى الحنش يستريح الناس من شره
واخذ بثاري منـــــــه وأقلع انيابـــــه

[دخيل الله العواض]

سلمت ولاندمت وصح لسانك
( البدع )
حنا اهل بلجيك زدنا به وضيًفنـــا
لو يضرب الصخر ذاب وراح بثاني
عدونــا غيضنا يخفيــــه ويســــرًه
يعمى عن المجد شوفه ويتعشًا به

[حسن القرشي]

صح لسانك ملاييييييييييين

الــــــــــــــــــــــرد

أنحــــــــن زهارين كيفنا وضيفنا
بالجود لاغاب واحد رحب الثاني
خل البخيل الذي ماجاد من يسره
باقي فطوره يشيله وايتعشى بــه

[دخيل الله العواض]

الله الله يعطيك العافية
( البدع )
اللي بنصلاه يدري عن صوالينا
بالله شد العــزايم وابن يابانـــــي
من ساقه أقفت لبيت الداب سيارة
ماعد بيلقى دواه ومات والداء به

[حسن القرشي]

يسلم راسك يالعواض ولاهنت

الــــــــــــــــرد

الشاص والربع وانواع الصوالينا
القوه فــي عزمها والصنع يابانـي
يبغي لقطع الفيافــــي عزم سياره
والكامري والكورلا ما تودى بـــه

[عبد الله الشدوي]

دخيل الله العواض

حسن القرشي

نسأل الله أن يديم عليكم المسرات

فقد ادخلتم السرور إلى قلوبنا

شكري واعجابي

[دخيل الله العواض]

عبد الله الشدوي حياك الله
وألف شكر على مرورك الجميل

[دخيل الله العواض]

دائماً متألق ياحسن صح لسانك
( البدع )
أثر المواضيع توجزها العناوينا
وانا غدربي كثير الظن والهاني
حلفت لاشد حبل العزم وآغيـره
الين يحيى به الخاطر ويصحابه

[حسن القرشي]

سلمت وبدعك يشجع صح لسانك

الـــــــــــــــــرد

عرضتني يالغضــــي درب العناوينا
قلبي شفوقاً علــــى شانك وولهاني
تذبحني الوحـــــده والغيبات والغيره
حتى لو أصد حــن القلب لأصحابه

[دخيل الله العواض]

صح لسانك وهذي القصيدة نهاية المطاف
( البدع )
الحمـد لله تجملنــــا قصايدنــــــــا
نعرف لبدع المثل ونشيد الالحاني
واسمــي مابنوي بتغييره وزوًاره
يوم الردي ينكر اسمه ويتغبًا بــه

[نديم القوااافي]

ونعم بك وباسمك يا دخيل الله وصح لسانك ملايين على هذا التمهيد والبدوع الكايفه

وصح لسانك يا حسن القرشي على هذه الردود الرائعه والمميزه

[حسن القرشي]

أخي دخيل الله العواض : صح لسانك ودام أبداعك . لقد سعدت بالمحاوره معك ووجدت فيك روح الأخوه الصادقه ووجدت فيك فيضاً من الأبداع والتألق والرقي بكلماتك القويه والغير عاديه تقبل كل أحترامي وتقديري ،،،

وهذا الرد على قصيدتك الأخيره
...................

يالله يامطلـــــع مافـــــــي قصايدنــــا
عفوك وحلمك مع العاصين والحاني
لك الثنــــــاء مادخـــــل للبيت زواره
يروى فؤادي بذكـــــــــــرك وأيتغبابه

[دخيل الله العواض]

(نديم القوافي )
حياك الله يالغالي وماعليك زود وألف شكرعلى الإشادة والمرور الرائع .
( حسن القرشي)
صح لسانك وبدنك على هذا الإبداع , وأنا سعدت بالمحاورة مع شاعر كبير مثلك وأُعجبت بردودك الوافية . لك مني كل التحية والإحترام ,,,