عاده قبيحه

[علي السبيَه]

البدع:علي السبيه=
.=
عندنا عاده قبيحه ماتصحّ ولا لها لزوم=
لا مات الميّت وسوّينا العزاء في منزل المتوفّي=
تجري العاده ثلالث ايام تبقى مدّة العزاء=
الذبايح كل ليله والقهاوي والضحك والهرجا=
لين صار المنزل المحزون كنّه صالت الافراح=
والمفروض ان العزاء ساعه وفيها انواسي اهل الميّت=
نعتبر والموت وارد والمقابر كلنا لها=
.=
.=
الرد:علي السبيه=
.=
الزمو حبل الرجاء والعروه الوثقى لها لزوم=
وموازين الرخاصه مايضلي كيلها متوفّي=
واللي تتعزوى بمدات الجمايل مدّة العزاء=
ما شكيت الا على ربي ووجهّت الدعاء واله ارجاء=
والدنيا دار الزوال وكم حبيب وكم موالف راح=
وان ماكلن يفيد وقال لمّيت السعد ولميّت=
والعمله اللي نادره لا تحسب ان الكل نالها=

[إبن الجنوب]

الله الله يابو طلال صح لسانك ملايين ياشيخ وكلامك في مكانه عاده سيئه والله إن الواحد يستحي احيانا من بعض المواقف تحصل في العزاء الله المستعان ...

[الهجيــــر]

طيب طيب يابو طلال
صح لساااانك ملايين
والله المستعان شوي ويعزون الناس بعضهم على الفيس بوك

[احمد معيض الخماش]

بيض الله وجهك وصح لسانك
ياليت احد يسمع ويبطل هذه العاده التي لم ينزل الله بها من سطان
كلها عادات ليس منها طائل
تقبل مروري ودمت بود

[الشامان]

صح لسانك يابو طلال ابدعت في البدع والرد قصيده من العيار الثقيل وكلامك في محله
والله لصارت عندنا قبل اسوع توفى واحد من ربعنا الله يرحمه ويرحم اموات المسلمين
وغديت قلت مثل ما اوردت لكن لاحيات لمن تنادي

[صقر الجنوب]

الله يرحم الاموات ويغفر لهم ويسكنهم فسيح جناته
والله لصدقت في كل كلمة قلتها يابو طلال
في المدن مافي مثل هذا الكلام
يبدأ العزاء من بعد المغرب الى صلاة العشاء
يجلس الواحد عشر دقائق هم قام يعزي اهله ويعطيها الباب
وانحن بالفعل قلبناها افراح ماهو عزاء
انتقاد في محلة يابو طلال بيض الله وجهك

[بح ــر]

صح لسانك شاعرنا / علي .. وصلت الرساله بكل ابداع

فعلاً عاده قبيحه .. ولكن جرت العاده عليها ومن الصعب تغييرها إلا بقلوب وعقول واعيه

يعطيك العافيه

تقبل ودي وتقديري،،

[علي السبيَه]

تلسلمون ياربعي واشكركم جزيل الشكر على تجاوبكم ومرورك الكريم كلن باأسمه