قارعه قارعه

[نجم الليل]

البدع


جيت بالصدفه لموقع رباع وقُلت أحل=
ونصبت مخيمي والجموع مشاهدين=
واول الخطوات جت بي على باب الوزير=
خطوة(ن) جت بالغلط وان مثلي ماتقَصَّد=
طال عمره يحسب انّا نبي اللي له لنا=

[الشامان]

صح لسانك يانجم الليل وانا سبقت الحدث يمكن تبغى يرد عليك واحد
غيري لكن تلقفت ورديت عليك
يشرفني ويسعدني الله يسعدك يالغالي شفت القصيده لحالها تشكي وتبكي ههههه

الرد الشامان=
*=
ماظن ابتاجي لموقع رباع وقلت حل=
جب معك واحد يثبت عليك وشاهدين=
عندنا الشعار والشعر في عرضه وزير=
والقصايد بعضها فالمحافل ماتقصد=
هات من علمك وحنا نبي الليله لنا=

[نجم الليل]

صح لسانك يالشامان وفيك الخير والبركه وشكرا على لطفك وتكرمك بالرد علي 0 وخذ البدع الجديد يالنشمي

البدع



ياالله ان تسقي رباع الكرم غيثاً بطل=
والثمار الحاينه بعدها الخلفا تحين=
وديار اخصامهم ياعساها في دمير=
من نزل بك يارباع ان عينه ماترى الشد=
اهلها معروفهم عم ناس وعمنا=

[الهجيــــر]

الله الله

صح لساااااااااانك يا نجم الليل

وصح لسااان الشامان

واصلو وحنا متابعين

[الشامان]

الله يحييك يالهجير شرفتنا بحظورك البهي والله لايهينك يالغالي
وحيا الله نجم الليل نجم اسماً على مسمى


الرد من الشامان=
*=
المعارك ذيك مايكتملها الا بطل=
ليتك حاظيت النشاما وعهد الفاتحين=
رايه التوحيد ماتنقل الا فيد امير=
ماحد ياخذ راي شخصاً غشيم وماترشد=
وانا باخذ راي ابويه وخال وعمنا=

[نجم الليل]

صح بدنك يالهجير شرفتنا بمرورك العطر 00 وتسلم يالشامان على الرد الوافي واستلم البدع الجديد


البدع



حي من عدا على كل هولاً واشتقل=
لبسه البلجيك والرمح والسيف السنين=
وعيونه لو نظر ينقدح منها شرير=
كلما جاء يقترب منه واحد راح وابعد=
مدري قصده كُره والاّ يزودهم مُنى=

[الشامان]

تسلم يانجم تسلم على هذا الابداع الغير مستغرب


الرد من الشامان=
*=
اعطنا رايك بعلمي وعلمك وش تقل=
يازميلي قفت ايام عمري والسنين=
قد قضيت ابام عمري وانا منها شرير=
الله اكبر كم حسبنا من الايام وابعد=
والهم اللي وسط قلبك يزود همنا=

[جار الله الخامس]

البدع



جيت بالصدفه لموقع رباع وقُلت أحل=
ونصبت مخيمي والجموع مشاهدين=
واول الخطوات جت بي على باب الوزير=
خطوة(ن) جت بالغلط وان مثلي ماتقَصَّد=
طال عمره يحسب انّا نبي اللي له لنا=


نجم الليل الله يحييك ويحي علومك والمحل محلك كلام راقي يدل على الشاعريه الموزونه لا هنت . كما اشكر الشامان على تواجده والمشاركة في الرد فله مني الشكر الكبيررر . موفق

[نجم الليل]

صح لسانك يالشامان واستلم البدع


البدع


عندنا للامر حلين اذا الامر اشتكل=
والنصائح صايبه عند ذا عقلا ودين=
والحمول الجايره تنكسر منها الفقير=
وانت يالشامان شرفتني بالرد من جد=
ماذبح قلبي ولاصابه الاّ بُلهنا=

[الشامان]

الله يسلمك ياجارالله الخامس مرورك يشرفنا طال عمرك
مرحبا هيل عداد السيل

[نجم الليل]

الله يبقيك ويخليك ياجارالله الخامس شرفتني بمرورك العطر

[الشامان]

طيب طيب يانجم صح لسانك لين ترى


الرد من الشامان=
*=
قد مشكلت العلم يانجم والامر اشتكل=
ياحليل اللي بيحمل معه دنيا ودين=
الله ياكم مدتن يغتني منها الفقير=
في زمانن قد مظى مالقي للروح منجد=
وانت في عيشتك تاكل وتشرب بالهنا=

[نجم الليل]

صح لسانك يالشامان وبيض الله وجهك على هذه المجاراه تحياتي لك وتقديري ولنا لقاء ان شاء الله

[الشامان]

انت اللي صح الله لسانك حيث انت اللي بديت والحقيقه اني تشرفت الليله بهذا المحاوره
اللي تبقى ذكرى للشامان مع ملك الليل واشكرك على هذا التواضع والروح الطيبه
ومثل ماقلت خيرها في غيرها والله ان ورانا دوام الله يحغظك بحفظه
اخوك الشامان

[دخيل الله العواض]

صحت السنتكم ....... مبدعين

[بديع زهران]

بيض الله وجوهكم شعار مبدعين لاهنتم

[بح ــر]

نجم .. الشامان

مبدعين لا هنتم

يعطيك الف عافيه على هذا الابداع

تقبلوا مروري وتقديري ،،

[صمت الرعد]

تسلموا
يا النشامى
على هيك ابداعات
وووردالله لا يحرمنا منكمووورد