واشع داقله عند ابن الجنوب

[جار الله الخامس]

حي سيلن مضى في الدرب وابن العم=
مر من قيس عيني واشترك يادي=
قلَب الارض والدنيا بنتع الصَب=
ليت عينك نشوف الوادي المنحد=
حين مرَت هموله واشع داقله=

[شدا الشامي]

صح لسانك يا النشمي .. بإنتظار ابن الجنوب ليكتمل الإبداع

تقبل مروري

[إبن الجنوب]

حي سيلن مضى في الدرب وابن العم=
مر من قيس عيني واشترك يادي=
قلَب الارض والدنيا بنتع الصَب=
ليت عينك نشوف الوادي المنحد=
حين مرَت هموله واشع داقله=

صح لسانك ياجارالله وخذني من قيس المعرفه على قول السبيه الله يذكره بالخير ... أشكر شدا الشامي على مروره الكريم...

الرد:إبن الجنوب=
*=
من يناصح صديق العمر وإبن العم=
اللي ارضا عدوّي واشترى اكيادي=
أثر في خاطره نخطي ونتعصّب=
اللي من غير شيء عن بيتنا منحد=
إن صدفتوه مدري وش عد آقلّه=

[نديم القوااافي]

الله الله
وربي كلام يقعد الراس لله دركم على هذه الدرر النادرة الوجود .. جارالله .. ابن الجنوب صحت السنتكم ملايين

[المبدع.]

وش عد اقله وش اعد اقله

ياوجه الله ياوجه الله

اقول الله يصح السنتكم

درر منثوره وشعراء كبار

[ترانيم المطر]

صح لسانكم مافيكم حيله
تقبلوا تحياتي وتقديري
ترانيم

[شايب العشرين]

صحت اللسنتكم يالنشاما لاهنتم

[جار الله الخامس]

حياك الله يابو سالم وحي علامك ولنا الشرف اي والله اما المعرفه ماجارت عندي انا لكن الدعوى صله بالرجال شرواك . كما اشكر كل من مر وعلق كلن بسمه
-------------------------------------------------------------------
ياقمر ياوصيف الوجه والمعلم=
وش معك كل دوريه ولك بادي=
رغم انك بعيد وغايتك منشب=
خايف اوصل على سطحك ولا بارد=
سطحك انحس ولا جتنا دواعلَه=

[إبن الجنوب]

شرواك الطيب يابو محمد والله يرفع مقامك ولي الشرف بمعرفة مثلك أما المعرفه فكلنا ياخوك نخبطها يمين ويسار ونسأل الله التوفيق...

الرد:إبن الجنوب=
*=
مامعي عن خفايا وقتي المعلم=
والقهر شب في صدري ولاكبادي=
يضحكون العرب وانا افتكر من شب=
ماعد يهنى الكبد ساخن ولا بارد=
مالقيت الطبيب ولا دواء علّه=

[جار الله الخامس]

ماغوينا في السَكه ولا تهتم=
والفدا بالذي جاهل وبالرادي=
الذي حوَل القصه لعلمك سب=
الوجيه التي غابت وماتنشد=
عوت طايحه من راس جماله=

[علي السبيَه]

الخامس
ابن الجنوب

صحت السنتكم ملايين ياالنشاما

[إبن الجنوب]

الرد:إبن الجنوب=
*=
لا تكلّف على عمرك ولا تهتم=
اطلب في مجلسك دلّه وبرّادي=
وإن رجع راس مالك فاترك المكسب=
والحمول اللذي جيره وما تنشد=
لاتوكّل عليها غير جمّاله=

[جار الله الخامس]

الله الله
---------------------------------

كان لي شرب عند الناس واتعلقم=
وقعدنا سنه باحث ونشَادي=
ماتركنا دليل ولا سرايح طب=
ياعسى نصلح الاحوال ويجي ود=
قبل مابنبني في المنش دلاله=

[إبن الجنوب]

الرد:إبن الجنوب=
*=
لاتقول اخلق المعدوم وتعال قم=
وانا شاعر ومتكلّم ونشّادي=
ماني اللي ارسله عمّه سرى يحطب=
مايغريني لسان البخل ويجيود=
جعلني بالفقر لو ماأنشد إلآ له=

[ملك الليل999]

ابداع في ابداع

جار الخامس
ابن الجنوب

صحت السنتكم يامبدعين
اسجل اعجابي وتقديري

[جار الله الخامس]

علمنا ماوصل بابك ولا حاتم=
باقي السيل دوبه في دلج وادي=
والتوالي لها والي ودايع رب=
واقفن بين مزح اهل اصحابنا والجد=
يوم دفق المطر في ترج علاله=

[ابـو خـالـد]

الله الله على هذي العلوم الغانمه
انتم ناوين تصلحون بين اطراف؟؟
صحت الالسنه