اي شاعر يبدي لي

[نجم الليل]

البدع



احب شعر العرضه اللي على المعنى الشريف =
راعيه متميز واحبه جماهيره فــ...ساد=
جنب عنه يارافع الصوت لو كبّرت شون=
من كُثر ماترفع في الصوت اخذت انفاس دين=
واعلامك اللي مايله يتعبك نصّابها=

[عبد الله الشدوي]

صح لسانك وسلم بنانك

وننتظر من يضع النقاط على الحروف

[الشامان]

نجم الليل حبيت ارضيك الا ان ردي يمكن مايرضيك لكن شفت القصيده ماحد لقا يمها
وقلت اتقدم وارد على الغالي نجم الليل واتمنى ان اكون وفقت في الرد


الرد الشامان=
*=
شرفتنا في كل محفال يالنادي الشريف=
وكل فاسد بي تزيده جماهيره فساد=
يامكثر اللي في دروب الرشاوي يرتشون=
بنصحك جنب عن دروب الفسق والفاسدين=
وهرجة النصاب بي يتعبك نصابها=

[نجم الليل]

الاخ : عبدالله الشدوي شرفني مرورك يالغالي وابشرك الشامان رد على القصيده وايني اببدع له بدعه الرجال يتجمل فيه من المره الاوله يالله يطول عمره

[نجم الليل]

صح لسانك يالشامان وبيض الله وجهك دايم فيك الخير تلقى بدعي وترد علي يا اخي انا مديون لك واستلم البدع الله يحفظك


البدع



مريت يالشامان الاثمار في وقت القطيف=
ما اخذت منها شي عسى مايكن قُل الجهاد=
ماشفت بعض الناس تصرم وبعضاً يقْتلون=
والاّ يكن قلت ان الاثمار لو تبقى تلين=
ركبت في سطح السفينه وقلت ابحر بها=

[نديم القوااافي]

نجم الليل
الشامان

صحت السنتكم ملايين تقبلو مروري وتقديري

[نجم الليل]

الشاعر نديم القوااافي مرورك وسام افتخر به يالنشمي

[الشامان]

اشكر كل من مرهنا وشرفنا بحظوره البهي تسلمو


الرد من الشامان=
*=
يانجم وش ذيك الفتن والمشاكل فالقطيف=
ياللي تجاهد روح للقدس ماقل الجهاد=
شف سوريا ناساً تشرد وناساً يقتلون=
والله اني اشوف العرب كلهم متقاتلين=
فتنه ورا فتنه وحرباً تجر بحربها=

[الشامان]

الله لايهينك يانديم القوافي على المرور العطر

[نجم الليل]

صح لسانك يالشامان واستلم


البدع



الشاعر الشامان قلبه كما الشاش النضيف=
اقدّره لوكان مابننا ملحاً وزاد=
اقسمت ماابرميه رميه وراها وضح كون=
الاّ فأنا رماي عندي نظر ومعي يدين=
لكن مثله صحبته ودي اتغنّا بها=

[الشامان]

الرد من الشامان=
*=
يانجم ماياجي في اعلومنا نقصاً واظيف=
يانجم راسي في علومك بيتنومس وزاد=
ناساً ورا ظهرك بتشمت وناساً يضحكون=
وانحن نهار العيد نفرح معك ومعيدين=
وقصايدك في بدعها ودي اتغنا بها=

[نجم الليل]

صح لسانك يالشامان وبيض الله وجهك وجمّل الله حالك وفيت وكفيت وان شاء الله لنا لقاء اخر

[الشامان]

الله يسلمك ويرعلك يالغالي

[جار الله الخامس]

نجم الليل انت شاعر نرجو من الادارة منحك لقب شاعررر في اقرب وقت . الشامان لاعدم لاعدم وصح لسانك . موفقين

[عبد الله الشدوي]

الشامان

كنت متألقا في الرد كما كان نجم الليل نجما في البدع والتوجيه

ونبارك لأخينا نجم الليل حصوله على لقب شاعر مقدما

تقبلا مروري المتواضع

[نجم الليل]

الشاعر جارالله الخامس شرفتني بمرورك وشهادتك وسام على صدري

[نجم الليل]

الاخ عبدالله الشدوي اشكرك على متابعتك للمحاوره وتشجيعك لنا والله يبارك فيه ويكثر من امثالك تحياتي وتقديري لك

[الشامان]

جارالله الخامس مثل ماقلت النجم يستاهل حيث انه شاعر متكن بدون مجامله
ويستاهل اللقب وانا ابارك له مقدماً

الخ عبدالله الشدوي اشكرك على المتابعه وكلامك وسام على صدري وتاج فوق راشي
اشكر الجميع الشامان

[إبن الجنوب]

الاّ فـأنــا رمـــاي عـنــدي نـظــر ومـعــي يـديــن

الله عليك يانجم صح لسانك ملايين

الشامان ماقصرت وردود وافيه لاخلا ولا عدم...

[ملك الليل999]

الله الله
نجم الليل
الشامان
صحت السنتكم وابدانكم