حب اسطوري

[احمد معيض الخماش]

احبك حب مثل الي يسمى حب أسطوري
....................والاسطوري مهو مثله .. ولكنه هو اقرب شيّ








زرع في داخلي حبك حدايق كلها جوري
..............................ومهما قلت في حقك احسه لايزال شويّ




عجزت القا وصوف ٍ لك .. بحيث اشبع بها غروري
.........................احسك فارق ٍغيرك ..كما يفرق ظلام وضيّ





تعبت ابحث ..ابي كلمه .. ابوصف واقع اشعوري
.....................وفي الاخر عرفت اني احس احساس ماله زي ّ






محد قبلي وصل ذا الحد الين الحين جا دوري
...........................ابصنع كلمه بكيفي .. وبطوي ماسبقها طيّ





ابيها غير عن ما فات .. ابيها شي من شوري
..........................ابيها تشرح الي في ضميري مكتويني كي ّ





اباخذ مركب اوراقي ..وبركب موجه احبوري
...............سحاب الحرف يرسملي .. طريقي بين شمس وفيّ






بلملم كل لغات الكون ..ارتبها على سطوري
............................ابجمعها وافرقها .. وبفهم صدقها والغيّ






ولنّي كل ماشفتك .. كلامي يوقف ابزوري !!
............................ابشرحها وأبسطها... مدام السالفه بـيديّ







ابي تسمع .. وتفهمها .. قبل اطلع على طوري
..................ابي تعرف باني كنت .. قبل اعرفك .. [ماني حيّ]

مما رااااااق لي

[جنون أنثى]

روعـــــــــــــه يسلمووو الايادي يا شاعرنا يعطيك الف عاافيه وووردوووردووورد

[عاشق القصيد]

وووووووووواووووووووو مره حلوه
وش هالابداع هذا لا عدمناك منجد

[رحال العمر]

سلمت اناملك ابا محمد وعشت وقد احسنت الاختيار تقبل تحياتي