فديتها لاضمت البرقع

[بنات عتيبه]

. كل ما سجيت فالخافق وجاوبني العتاب **********
**********سال دمعي من عيوني لين بلل محجره .

. واذا ذكرتك صابني هالحين رجفة واضطراب **********
**********وانا من اول خابرٍ حبي لكثر البربره .

. ما لومهم لو وقفوا صفين مروين الحراب **********
**********يحمون جادل واحدٍ مثل المزون الممطره .

. الي ليا منه مشى والنو في وسط السحاب **********
**********يغار نوه من بها نوره ورزة مظهره .

. لا شفتها مثل الغزال الي رقى فوق الهضاب **********
**********متبختره في مشيها يا زين هاك البختره .

. فديتها..لا ضمها البرقع على الخدين ذاب **********
**********ما فيه حيلة ما بقى له شيء واحد يخسره .

. وان كان ودك يا فهد تسمع من الجادل جواب **********
**********ما تعرف الا كيف حالك ما تحب الثرثره .

. واحيان يصحبني معه إمّا غبا والا انجذاب **********
**********ويضيع كل الي بقوله بين فم وحنجره .

. تدري لو اني طارحٍ رقتك وسط الاكتتاب **********
**********لله در الراجحي ماهوب قد السمسره .

. بس المصيبة فالخيانه لا لقت فالحب باب **********
**********مثل الزجاج الي انكسر ما فيه شيء يجبره .

. وانا بعد إذنك بجيك الحين واشيل الزهاب **********
**********دام الخيانه في وريدك ما لقت وش يستره .

. قولوا لها علمك خطأ والحين جا علمٍ صواب **********
**********اثر الدلع ماخوذ خيره لعن ابوها مصخره .

. بنتٍ على الحبلين تلعب واحتواها سم داب **********
**********تلدغ ملاديغ الحيايا في الشعاب المقفره .

. ما تدري اني توني للحين في عز الشباب **********
**********والحية الي لا لدغتني جات يم المقبره .

. وان كان تبغى دمعتي وانا من (إ)كبار الذياب**********
**********قولوا لها ما فيه بنتٍ هزت براسي شعره .

[الرميصاء]

موفقه بإذن الله ... لك مني أجمل تحية .

[مرسوم ملكي]

قصيده رائعه

[بنات عتيبه]

تسلمووووووووووون حبائبي