سلام ياصل مقام الشاعر ابوطلال (( عندك يالمبدع ))

[فهد قزعه]

البدع : فهد قزعه =
*****=
سلام ياصل مقام الشاعر ابوطلال =
علي السبيه الوفي الصاحب المحترم =
له وسط قلبي غلا وامحبة" واقتدار =
الله يرده لنا بالصحه والعافيه =
*=

[الساهر]

امين يارب





صح لسانك ملايين يافهد

[شدا الشامي]

صح لسانك والله يرده سالم غانم

[مسفرالفضيلى]

الله يرده لنـا بالصحـه والعافيـه العلم الاخضر

نسال الله ذالك

صح لسانك والله يعطيك العافيه

[فهد قزعه]

الساهر
بن قثرود
مسفر الفضيلي
صحة ابدانكم واشكركم على المرور المتواضع

[المبدع.]

صح لسانك يابو رنيم ومثل ( علي السبيه ) أخ عزيز وغالي وكلنا نفتقد وجوده

والله يرده لنا بالصحه والعافيه .....


الرد : الزيادي=
***
بعض العرب طوّلوا الغيبه ويابو طلال=
وأنا أنتظرهم سواة البايس المحترم=
وكلما دارت الأيام والوقت دار=
أحسّ في خاطري بالضيق والعافيه=
***

[فهد قزعه]

ياسلام ياسلام
صح لسانك على الرد الوافي لاهنت

[صقر الجنوب]

فهد قزعه - المبدع
صحت السنتكم وابدانكم يا المطاليق وابو طلال مشتاقين له جميعا لكن المشكلة في الانترنت يخشع الله الديرة وخدماتها ..
تم ارسال الموضوع بالكامل لابو طلال عبر الجوال .

[صقر الجنوب]

هذا رد أبو طلال على الرسالة

الله يرفع مقامك يا ابو احمد ومقام اساتذتي الاخ فهد قزعه والاخ المبدع وبلغهم خالص شكري وتقديري وصحت السنتهم عدد ماخلق ربي واشكرهم على مشاعرهم الطيبة

وووردوووردوووردوووردووورد

[فهد قزعه]

تسلم يابواحمد
اشكرك لانك ارسلت القصيده للغالي ابوطلال واهم شي وصله سلامنا وانه في احسن حال اشكرك يابواحمد لاهنت يالغالي

[الوهيسي..]

الله يرده بالسلامه
صح لسانك يافهد انت والزيادي الله يعطيكم العافيه

[ملك الليل999]

وافي يابو رنيم انت والمبدع وابو طلال يستاهل
صحت السنتكم والله يبيض وجوهكم

[فهد قزعه]

الوهيسي
ملك الليل
لاهنتم صحة قلوبكم واشكركم على مروركم المتواضع

[صقر الجنوب]

رد من الشاعر الكبير علي السبية على فهد قزعه والمبدع ويبلغكم جميعا تحياته وتقديره



البدع : علي السبيه=
****
وصل سلامك وتبقى كفو بين الرجال=
فهد فهد والزيادي كلهم ونعم=
علومهم وافيه من غير شك ومزار=
واثنينهم من رموز الشعر والقافيه=

****
الرد : علي السبيه=
****
حي الله سيلن يجول البحر والبر جال =
والله يديم الرخاء بين العرب والنعم=
وغيبتي غصب عني لو قطعت المزار=
والا فلاني من اهل الصد والقافيه=

[صقر الجنوب]

طلبت من ابو طلال ان يشارككم القارعة فوافق اكراما لكم

وشكرا لكم فقصائدكم اعادت لنا ابو طلال اذا تبغون إضافة شاعر رابع فانا اقترح شعرائنا الكبار شدا الشامي او ملك الليل

واسر ياليل .. ولا توقفون يكون الى قالوا بكره العيد

[الفقيرالى الله]

الله يرد الغائب ويطمئن الحاضر
وهذا ان دل يدل على الاخوه والمحبه
اسئل الله ان يديمها على الجميع ويخلّدها
في قلوب المحبين
اخوكم ابو ح s ن

[فهد قزعه]

البدع فهد قزعه =
*****=
بقيت ياراعي الحكمه وراع المثال =
اللي يصاحب خوي شروى علي ماندم =
انسان عاقل وفاهم في حياته وبار =
على مرور الزمان اعلومكم وافيه =

*=

[المبدع.]

صحت الألسنه ( أبو رنيم ، أبو طلال ) ومشكور أخي ( صقر الجنوب )
والعذر على التأخير .. ماأنتبهت للموضوع في المثبّت ..


الرد : الزيادي=
***
النحل يعجب عيوني يافهد يوم ثال=
ياليتنا عند قطّاع العسل ماندم=
واللي بغى يبرم الحيله تعذّر وبار=
والنحل كنّه سحابة صيف وألوى فيه=
***

[فهد قزعه]

ههههههههههههههه
صح لسانك اضحكتني الله يصلحك

[صقر الجنوب]

فهد قزعه - المبـــــدع
صحت السنتكم وابدانكم يا المطاليق وننتظر بدع ابو طلال وتستمرون بالمحاورة

[صقر الجنوب]

ابو طلال يبلغكم تحياته


البدع : علي السبيه=
***
تعيش يامن عن اخباري تنشد وسال=
يابو رنيم انت رمز الفايده لاعدم=
من قيف ونعم ويمّن كل عاني وجار=
أهل الندى والقدى والخطر الصافيه=
***
الرد : علي السبيه=
***
بعض الحجاره من المويه تفجر وسال=
وسيف ابو طالب المشهور كم لاع دم =
واهل النحل للهواوي ماتشب الوجار=
طريقكم مزدوج والخط رصافيه=

[صقر الجنوب]

صح لسانك يابو طلال وما عليكم زود واستمروا الى والعيد انحن لنا حق المواصله وانتم لكم حق المتابعه

[فهد قزعه]

البدع : فهد قزعه =
*****=
لابد ننشد ونتبشر على كل حال=
اللي ماينظم قصايد مثلكم مانظم=
قلدك صقر الجنوب ثلاث مية شعار=
ولك في اقلوبنا صوره فتغرافيه =
*=

[المبدع.]

الرد : الزيادي=
***
يالله يامنشي البارق على كل حال=
تمطر على التهم من دوقه لشفيان أضم=
حتى تلاقي مياه الحجره ميّة شعار=
والناس تورد مناهلها فتغرافيه=
***

[صقر الجنوب]

فهد قزعة - المبدع
صحت السنتكم وابدانكم على هذه المحاورة وانا في خدمة الجميع وابو طلال يستاهل

[ابو صخر]

تحيــــــــــــــــةتحيــــــــــــــــةتحيـــــــ ـــــــــةتحيــــــــــــــــةتحيــــــــــــــــة تحيــــــــــــــــةتحيــــــــــــــــة
الله يهولكم

[ابوصخر]

وانا متلى شاركت هنا خير وش نظامكم في المنتدىفشــــــــــــــل

[صقر الجنوب]

البدع : علي السبيه=
***
انتم هل العرف واصحاب العلوم الجزال=
وانتم من اهل المثايل وانتم اهل الحكم=
والصقر يمنح وبامره دايم العلم سار=
لاتحسب المنح جاني وحدي الحاليه=
***
الرد : علي السبيه=
***
اكبر جدر لادهمه السيل في ولج زال=
والحكم لله وامره نافذن لاحكم=
على النظام ابنسير ماخلفنا المسار=
وابنفرق الذوق بين المره والحاليه=

[د.ليل الوعد]

وأنا سلامى يصل للجميع فهد بيض الله وجهك

[صقر الجنوب]

صح لسانك يابو طلال وانا في خدمتكم جميع

[فهد قزعه]

وجهك ابض يادكتورنا =

البدع : فهد قزعه =
*****=
ماعنكم ابزود ياهل الموجبه والكمال =
يامن يدسم شوارب ضيفهم بالدسم =
صحيح مابيننا الا الحب والود مار =
واللي نخيته طوال الوقت ينخا ليه =

*=

[المبدع.]

الرد : الزيادي=
***
مادام لي مال يقضي حاجتي ولك مال=
سمّيت بالله .. ومثلي يافهد بد سم=
لوما تصبّرت من فوق التلف والدمار=
ماسرّني درهم آبويه وين خاليه=
***

[صقر الجنوب]

ابو طلال يبلغكم تحياته ويقول العذر من الله ثم منكم يا النشاما والمحاورة معكم شرف لكن والله اني هذي الايام مشغول شغل لايعلم به الا الله


البدع : علي السبيه=
***
عذري من الله ومنكم وارسله في مقال=
قدنا طوينا الكتاب وجف حبر القلم =
لكن عسى يالرفاقه تقبلوا الاعتذار=
وجنبكم ياهل الميلان وش ماليه=
***
***
الرد: علي السبيه=
***
يابحر يزمر وموجه هايلن يوم قال=
وانا لقيت الذي مفرود يوم الق لم=
لاتقطع احبوب يا الله امن المنابع تذار=
سبحت له دوم من يمناي واشماليه=

[صقر الجنوب]

سبحت له دوم من يمنـاي واشماليـه

صح لسانك وبدنك يابو طلال والله يبيض وجهك

[فهد قزعه]

صح لسانك وموفق اخي الغالي علي السبيه ترجع لنا بالسلامه

اشكرك اخي ابو احمد على اهتمامك وخليت ابو طلال كانه جالس معنى في المنتدى
مدام اخونا ابوطلال مشغول الله يوفقه وانشاءالله نلتقي في قارعه اخرى
المبدع
اشكرك على اهتمامك اخي الغالي

[شدا الشامي]

صحت ألسنتكم يا النشاما ..

تقبلوا مروري