ياباني القاف

[عبد الله الشدوي]

البدع
ياباني القـاف كبر في المعـاني وسمّـك
قـدام ترمي بنا بين الـدروب الـمنـاشيب
اعـرف طـروق القصـايد كـلها واشدواهـا
خــل الـقـوافي تظـلي بيننا سمـحيــات
مادمت تدري عن المقصود وامر اضتمنها

[الشامان]

عبدالله الشدوي صح لسانك على هذا الدررانا رديت عليك حبيت ارد معروفك واتمنى
ان برتقي الرد الى البدع الرائع


الرد من الشامان=
*=
ياقلب درب الهواى سبب عذابك وسمك=
قد اصبحت روسنا بعد الهنا والمنا شيب=
وعلة الروح في وسط الكبد وش دواها=
هروج بعض الخلايق كنها سم حيات=
تزيد همي بوسط القلب وامرضت منها=

[جار الله الخامس]

عبد الله الشدوي حياك الله في هذا المنتدى وحي ماجيت به كلام على ارقى المستويات . الشامان رد موفق غير مستغرب منك . موفقين

[عبد الله الشدوي]

شكرا يالشامان على هذا الرد الذي أعطى البدع معنى وقيمة

ابدعت .. ابدعت

وان ودك ناخذ عليها قصيدتين والا ثلاث ماعندك مشكلة

جار الله الخامس

شكرا لمرورك واشادتك التي تعني الكثير

[حسن القرشي]

عبدالله الشدوي - الشامان صحت السنتكم ويعطيكم العافيه

[عبد الله الشدوي]

شاعرنا حسن القرشي

سعدنا بمرورك وتشريفك لهذه الصفحة

شكري وامتناني

[عبد الله الشدوي]

الشامان استلم لاهنت

ماحد قلك تعطيني وجه وترد !!

البدع :


بعض المعـاني صعـيبا حبكهـا مـاتحبـك

لها في القلب فعـل الصـاعـقـة واللـواغيب

سمح بها القلب يالشامان وامس احتماها

كـانت جـديدة وصـارت في فـوادي بليات

ذيك العـدود انتهت واقـفلت منبـايـعنهـا

[دخيل الله العواض]

عبدالله الشدوي / الشامان
صحت السنتكم مبدعين

[الشامان]

صح لسانك ياعبدالله الشدوي والعذر على التاخير كنت مداوم


الرد من الشامان=
*=
ياهيل روحي من اسباب الجفاء ماتحبك=
في خاطري مابتصبر ياحبيبي لواغيب=
دموعك اللي على خدانك امسحت ماها=
لويت في كل ديره والف وادي بليات=
متى تعود المحبه ذيك يابايعنها=

[عبد الله الشدوي]

دخيل الله العواض

شكرا لمرورك وتعليقك

الغالي المبدع الشامان

يبدو أني اشغلتك معي دون طائل

خذ هذا البدع اللي ماهو ذاك


البدع :



ماني مـدور رضى قـلبـك ولا اطـالع امـرك

ماني حريصا على بعض المواقف وراغيب

مـاهمني كـيـف تفهـم خطـوتي وش تـراهـا

خـل العـيـون التي مثـل المـقــدر وشيـكـات

مـا صـابت الـروح نـظـرتهـا ولا خـتـمـنـها

[الشامان]

عبدالله الشدوي تقول اشغلتني الا بالعكس اسعدتني بهذ الكلام
اللي يشرح الخاطرواصل وانا يشرفني الردعليك وهذا المتصفح
خاص بنا الاثنين فقط اذا حصل معك قصيده نزلها هنا وانا كذالك


الرد من الشامان=
*=
عبدالله احذر دروب اهل الفتن طال عمرك=
واحذر من الكلمه اللي سد ظهرك ورا غيب=
واللي يتاجر بسلعه باعها واشتراها=
ماني كما اللي معه دفتر مصدق وشيكات=
يزور اوراق رسميه ولاختمنها=

[عبد الله الشدوي]

الغالي الشامان

الله يعطيك العافية على هذي الردود الموفقة

وانا ماهلا ودي اتعلم من مثلك وشرواك

على العموم استلم هذا البدع وأظنه الأخير على هذا الطرق

والقارعة ويشرفني أن نتواصل عبر هذا المتصفح

أوغيره ..



البدع :


يامـن عشقت الـقـوافي لجـل عـيـنـك وسبـك

يالصاحب اللي كلامه مثل ورد(ن) مع طيب

انـظـر لـحـفـلاتـنـا في رهـجـهـا واحـتمـاهـا

صف النشاما في المحفل وذيك الرسومـات

ماكـنـه إلا السيوف الـحـدب ومـقـاطـعـنهـا

ترى الكلام اللي في القصيدة ماهب موجهن لك

[نديم القوااافي]

يا سلام يا سلام

صحت السنتكم والله مبدعين وبدوع وردود كايفه تقبلو مروري وتقديري

[حسن القرشي]

الشامان - عبدالله الشدوي صحت السنتكم إبداع

[الشامان]

نديم القوافي
حسن القرشي
الف شكر على المتابعه والمرور المشرف الله لايهينكم

عبد الله الشدوي صح لسانك والحقيقه اني رديت مرتين رد بعيد ورد قريب
ولكن مدري وين القي تقبل مني هذا الرد


الرد من الشامان=
*=
ياسيد الانبيا منهو تجرا وسبك=
انشاالله اقلوبهم تمسي وتصبح معاطيب=
ادالرساله على اكمل وجه يوم احتماها=
ذيك الصور من بينشرها وذيك الرسومات=
دوله تسب النبي واصحابه امقاطعنها=

[عبد الله الشدوي]

شعراؤنا الأفاضل

نديم القوافي وحسن القرشي

سعدنا بمركما ومتابعتكما

فلكما منا الشكر الذي يفي والتقدير الذي يجب

الشامان المتألق

أنت جبت المطلوب وبلغت المراد وكانت قصيدتك هي مسك الختام

شكرا لك ولكل من مر من هنا

[الشامان]

شكرا ياعبدالله الشدوي انت المتالق بهذا الابداع والتوجيه الله يسعد قلبك
سعدت بوجودي معاك يالغالي
واتمنى منك اذا حصل معك اي قصيده طويله قصيره انا جاهز
وشكرا لك تقبل تحيات اخوك الشامان