ابو نواف عندك الطاروق لاهنت

[نجم الجنوب]

نادو لابو نواف راع القاف والسيف الشطير=الشاعر اللي لازهمته قام سرع ورد لي
ناظر مزارعنا ضما ماتت وماجانا بغير =لاشد حادي العيس من عقبه يسوق الود لي

[أبو نواف]

الله الله الله ,,,, صح لسانك يانجم واعذرني لو تاخرت تراني مشغووول


يامرحبا يانجم عد الوبل في اليوم المطير =عطني علومك واحكم الطاروق وابدع واند لي
وان جا شحاحه يارفيقي وانت في البندر خبير=خل الرشا والغرب حول العد وانزف بالدلي

[نجم الجنوب]

الشقر من عبدالله متميز وحرفة بن طوير=وانا اعرف الطاروق ماهو رقصة اهل البندلي
لكن اشوف اصحابنا قفو ومالك من مجير=مايحتمي الميقاف وقت الجد راع الجردلي

[أبو نواف]

ياصاحبي للعود دَخًانه وللكادي عبير=كادي شفا ذي عين من قسمك وعود الهند لي
لاتسبق الظنه ولا تهتم والدنيا بخير =يمكن دوا بعض العرب مرهون عند الصيدلي

[نجم الجنوب]

الدار قفرا من شفا بيضان الين ابني كبير=ماشوف صفق صفوف بين اهل الرموش السدلي
انته نظمت العقد من جوهر وملمسه الحرير=واهل الحسد لو جو لفو بامثال حب الخردلي

[أبو نواف]

صح لساانك يانجم ,,, واعذرني تراني مسافر وليكن الختام ولنا لقاءات اخرى


ماكل من يبني بيوت المعرفه يبني كبير =وانا بغيت اهدّم المبنى وابا ينهد لي
شفت المباني عامره لكن بنيانك خطير = مالي عذر يا صاحبي مادام طرفك لد لي

[نجم الجنوب]

صح لسانك مليون يابو نواف واللعب معك شرف

واتمنى لك سفرا سعيدا وعودا حميدا

لاعدمتك
العلم الاخضر