ويلاك يالمبدع

[يعقوب الحسني]

اذكــــر اللــــه يا زيادي وقـــرب لا هنا
والصـــــلاة على محمد لفا بإســـــلامنا
الزيادي شاعر<ن>ما على قوله كــلام
وكــــــــلامه ما تثنى ولا يغدي رباعــي
صاد تصويت الجمــاهير صاد اعجابها

[المجاهد]

يعلم الله هنيه بدع كايف من شاعر متمكن ونتظر الرد الاروع من شاعر له قيمته بالمنتدى صحة الالسنه

[الشامان]

صح لسانك يا يعقوب الحسني على هذا البدع الرائع
ننتظر المبدع ليسمعنا ابداع جديد

[يعقوب الحسني]

المجاهد - الشامان

صحت ابدانكم وانا اقل معرفه منكم
مروركم الاروع يالمطاليق لا خلا ولا عدم

[المبدع.]

الله الله ... صح لسانك ملايين ... والعذر على التأخير
والله لو تدرون عن جهازي ماتشرهون ....


الرد : الزيادي=
**=
والله رب الأرض والساموات إلهانا=
واللي على دينه إحساننا وإسلامنا=
الإله الواحد اللي بيَده المُلك لام=
إنّ ما للفايده والمدوح الا رُباعي=
وإنّها لو تنطمس ... بيت صادع جابها=
**=

[يعقوب الحسني]

صح لسانك ملايين

الــبدع : يعقوب الحسني

يا محمد وانت صـــــاحب ولا انت بعندنا
اعلمني فالمنــــتدى كيـــف هم شعـــارنا
في حضور المجتمع يوم جمع الناس لام
الذي في البندر ابصره يُشرى ما يباعي
والبضاعه الرهيه صح من هو جــاءبها

[المبدع.]

صح لسانك يالنشمي .....


الرد : الزيادي=
**
ماتعلّمنا الدنايات من تبعٌ دنا=
الوفاء والطّيب والمرجله شعّارنا=
إن سمعنا (مرحبا) وإن سمعنا (ياسلام)=
الرشيد العاقل اللي مناصح مايبا عي=
والجُمال أطلق لها القيد من هوجا بها=
**=

[صقر الجنوب]

الشاعر الرائع يعقوب الحسني
صح لسانك وبدنك الين ترضى على هذا البدع الكايف

[صقر الجنوب]

الزيادي محمد المبدع رد وافي من شاعر الابداع
صح لسانك يا النشمي من رباع الى عنان العرش
لو ماكتب الا هذا البيت كفاني كيف لا وهو البيت اللي تربيت فيه


إنّ مـــــــا لـلــفــايــده والـــمــــدوح الا رُبـــاعــــي
وإنّهــا لو تنطمـــــس ... بيت صـــــــادع جابهـــــا

[يعقوب الحسني]

الشاعر الرائع يعقوب الحسني
صح لسانك وبدنك الين ترضى على هذا البدع الكايف



صقر الجنوب
صحت ابدانك والله يحييك تراحيب السيل شرفت المتصفح

[يعقوب الحسني]

صح لسانك يالنشمي .....



الرد : الزيادي=
**
ماتعلّمنا الدنايات من تبعٌ دنا=
الوفاء والطّيب والمرجله شعّارنا=
إن سمعنا (مرحبا) وإن سمعنا (ياسلام)=
الرشيد العاقل اللي مناصح مايبا عي=
والجُمال أطلق لها القيد من هوجا بها=
**=



صحت ابدانك ملايين شرف الردود من رجال شرواك

[صقر الجنوب]

محاورة رائعة انا اشهد انكم كفو يا المطاليق واصلوا واصلوا الين يقولون بكره العيد وانحن متابعين ومستمتعين لاخلا ولا عدم

هذي تصلح توقيع رسمي


مـاتـعـلّـمـنــا الــدنــايـــات مــــــــن تــــبــــعٌ دنــــــــا
الــــوفــــاء والــطّـــيـــب والــمــرجــلــه شــعّـــارنـــا
إن سمعنا (مرحبا) وإن سمعنا (ياسلام)
الرشيـد العاقـل اللـي مناصـح مايـبـا عــي
والجُمـال أطلـق لهـا القيـد مـن هوجـا بـهـا

[المبدع.]

لاهنت يايعقوب وصح لسانك على البدوع الرائعه ...الفضل لله ثم لك

لاهنت أخي الغالي صقر الجنوب وحضورك هنا وسام شرف لنا

وللمتصفح ... لاعدمتك ياعصابة راسي ....

[صقر الجنوب]

احلى تقييم لشعراءنا المبدعين

[يعقوب الحسني]

هذي وقيق والله ما عندي غير مفاتيح الرفه

البدع: يعقوب الحسني

الله واكــــــــــبر اللـــــه ياذا الزيادي وش بنا
يبني الطــــــــيب من القـــــــــول ما عوج بنا
شاعر<ن> يدعس على الداب وعلى كل سام
ان بغيت اخـــــــــص بالقـــــول والا بالعمامي
يكتف ابيــــــــــــات القصـــــايد ويعرف ردها

[الحـسني]

ابداع بكل ما تعنيه الكلمه يا يعقوب معك كل خير ياخي بسم الله على شحمك ودمك الزيادي يعطيك العافيه مبدع كالعاده ما يحتاج لها فقيه تيه الله يحفظك من العين ويقيك شرها دمتم بووود

[يعقوب الحسني]

ابداع بكل ما تعنيه الكلمه يا يعقوب معك كل خير ياخي بسم الله على شحمك ودمك الزيادي يعطيك العافيه مبدع كالعاده ما يحتاج لها فقيه تيه الله يحفظك من العين ويقيك شرها دمتم بووود



الاخ العزيز - الحسني
الابداع هو مرورك وتواجدك بهذا المتصفح

[المبدع.]

لاهنت يايعقوب .... ومجار ياغالي .. وكلامك ثمين

وأتشرف بتواجدي معك ... كل الشكر لمن مر هنا ..


الرد : الزيادي=
**=
إنحن فالتعداد (مليار) لكن وش بنا؟=
العرب عند الحقيقه ذلايل وأجبنا=
فتنة إسرائيل تنفع بلاد العمّ سام=
أمّا أنا مالي بهم لاخوال ولا عمامي=
أقبل مدّات المعاريف وأعرف ردها=
**=

[صقر الجنوب]

من جميل المبدعين

[صقر الجنوب]

إنّ ما للفايده والمدوح الا رُباعي
وإنّها لو تنطمس ... بيت صادع جابها