ارحب يانجم ,,,,

[أبو نواف]

ودنا نسولف شوي يابو محمد لاهنت


ياسلامي على من جاب داعينا=
للنمر محرزه والخيل ميدانه=
بن خولان نعرف قدر فنجاله=
والمعاميل حوله نارها حيه=

[نجم الجنوب]

ارحب يابو نواف وووووو صح لسانك
وفالك الطيب

مرحبا باللذي لاجا يداعينا=
وانا ماقول من لا ود لك دانه=
كل مخلوق يخلق والكفن جاله=
خذ على القارعه منا رها حيه=

[أبو نواف]

الله الله


اعرف اللي معنينا ورى مينا=
اتعب القلب والضلع الوني شانه=
حسبه الله قلبه ما سمح جاله=
وانا كنت احسب الدعوى سماحيه=

[يعقوب الحسني]

عوافي يالنشاما
صحت الالسن وتعافت الابدان

[نجم الجنوب]

النصع بان مايخطيه رامينا=
فالمحاجي يشوقك موت نيشانه=
يوم يزكم كما الراعد سم احجا له=
والمقبس بروقه فالسما حيه=

[نجم الجنوب]

عوافي يالنشاما
صحت الالسن وتعافت الابدان

ارحب يايعقوب

صح بدنك وشكرا لشرف مرورك

لاعدمناك

[أبو نواف]

طيب طيب صح لسانك


فين دكتور قلبي والدوى وينا=
بالله ورد لنا رقمه وعنوانه=
باتحقق منه يانجم وارجا له =
يسعف الروح والشريان بالريه=

[نجم الجنوب]

لو قرينا الكتب والا الدواوينا=
ذاك حق الرفيق وقدر عنوانه=
كل ميقاف تاقف عنده رجاله=
فالبلد وانت مع غزلان بريه=

[أبو نواف]

هههههههههههههههههههه خلوووها


انا باجيك يالصاحب وتاجينا=
خطم العود الاظمى والو كرعانه=
واقرب للسانيه غربٌ ومحاله=
لين تغدي سوى والعود ولفيه=

[نجم الجنوب]

لو نلبسك يالجني بتاجينا=
الجمل لا تجي من بين كرعانه=
لاتقل صاحبي لو مارحم حاله=
شمسنا في سماك القيض والفيه=

[أبو نواف]

طيب طيب ,,, صح لساانك


تدري فين الثريا والثرى وينا=
وبعد تعرف مدار القوس والوانه=
بر وادي قنا يانجم وش كاله=
والمزاين لها بالخبت منقيه=

[نجم الجنوب]

من رباع التحيه للثراوينا=
والبحر مانقص من نزف دلوانه=
كل طيرن يقع دايم مع اشكاله=
والعوارف تجيب علوم منقيه=

[أبو نواف]

استوى تمر بيشه والبلاحينا=
عشت يامن تونسنا بقيفانه=
ماعد نبغي تمر بغداد ودياله=
عندي يانجم بعد الفجر ورديه=

[نجم الجنوب]

عانك الله ياخي عالبلا حينا=
ياللذي ماحسب لاجاه ظيفانه=
ذيب لو جاء لذيب وماتوديا له=
بالهناء نومتك واحلام ورديه=

[أبو نواف]

صح لسانك يانجم
الحقيقه اللعب معك متعه
وتعجبني طروقك وغزوك ههههههههه
كل الشكر على سعة صدرك وجمال حرفك
والشكر موصول لكل من مر وسيمر من هنا

مع تقديري للجميع
ابونواف

[حسن القرشي]

أبو نواف

نجم الجنوب

صحت السنتكم ودام إبداعكم وبيض الله وجوهكم

تقبلوا أجمل تحيه

[أبو نواف]

حيااك الله يا ابو علي

ومرورك تشريف

كل الشكر على الحضور ومشاركتنا
في متاهاتنا انا وهذا النجم اللي مبهذلني من زمااان ههههههههههههه

ودي وتقديري

[نجم الجنوب]

صح لسانك يانجم
الحقيقه اللعب معك متعه
وتعجبني طروقك وغزوك ههههههههه
كل الشكر على سعة صدرك وجمال حرفك
والشكر موصول لكل من مر وسيمر من هنا

مع تقديري للجميع
ابونواف

صح لسانك انت يابو نواف

واشكرك على تشريفي بهذا الجمال في شعرك وكلامك

وشكرا لكل من مر وسيمر

من هنا

يوما

لاعدمتك