~ {العشيقه والزوجه}...~

[بنت الرياض]

~ {العشيقه والزوجه}...~




شدني كثير هالعنواان وكنت ابحث عن الاسباب اللي تخلي الزوج يبحث عن فتاه غير فتاته..يصنع حياه خارجيه عن الحياه الزوجيه..يعشق ويهتم ويفكر وينشغل بغير زوجته..
هنا بدات اجمع كل شيء اتوقع يكون السبب في انحراف الزوج..نعم انحراف..خرج عن اطار الزوجيه..وتلفت لغير زوجته..
ولكن هنا انا اوجه اصابع الاتهام للزوجيه..(مو معناته ان الزوج خارج الاطار الاتهام..لا...هو اساسها ومنبعها..)لكن نبداء بالشخص اللي محتار اللي يبي حلول واللي انشغل بالمشكله اللي هي الزوجه..طبعا الزوج مو حاسس انه ضائع..يعتبر انه عايش حياته بكل شيء..
في البدايه نبي نعرف من هي العشيقه؟؟(هي فتاه اما ارمله او مطلقه او زوجه او فتاه لم يسبق لها الزواج..ولكن الغالبيه هي فتاه بنت ناس طيبين ومحترمين..مو ضروري تكون بنت (******) اقام الزوج معها علاقه اما عميقه او سطحيه..ولكن تظل عشيقه حتى لو ماستمرت علاقتهم ..يعني سبق كانت او مازالت موجوده بحياته..مانبي نتطرق وشلون تعرف عليها ..لان الطرق كثيره..اما بالسوق او بالشات او منتدى او بالمسشتفى..الخ )..وتتعدد الاسباب..مال لها الزوج .ووجد فيها شيء ينقصه..اما جمال او جنس او تفكير ..وهنا كمان تتعدد الاسباب..
تجي الزوجه تشكتي ان زوجها خانها وله علاقه مع اخؤى..وسبق كشفته..تبدا بالبكاء واللوم ..وتذكر محاسنها ..(انا جميله وقوامي الكل يحسدني عليه..نظيفه ببيتي..طبخي واولادي وزوجي..الكل يلاحظ اهتمامي فيهم..لماذا خاني؟؟؟ لماذا؟؟ ماذا وجد عندها ..وماذا فقده عندي؟؟؟..انا جميله...هي قبيحه..انا بنت ناس ذا مكانه اجتماعيه..وهي بنت(*******) ..لماذا؟؟
هنا نقول / ان الزوجه لم تقصر ابدا بزوجها..ولكن نجي نسمع رد الزوج..هنا ....انا راح ابدا معكم الاسباب الخيانه وبذكرها بطريقتي..وحبيت اذكرها باسلوب عامي..مع اني احب الفسحه اكثر..لكن العامي توصل اكثر وتنفهم اكثر....
عزيزتي من هنا تبدا التغييير..فكوني معي...

نذكر في البدايه الفروق بين الزوجه والعشيقه..وانتي راح تفهمي ليش خانك...!!!
اول شيء او اول الاسباب اللي تخلي الزوج يخون..ولازم تفهمينها زين لانها هي السبب الرئيسي اذا ماكان الاسباب كلها..
هي العلاقه الجنسيه...>>>ملاحظه هذي (*****) معناتها وشسمه ذا ..فهمتي!!!
الزوجه >>لمن يبي زوجها (***)اما تبدي رفضها او تقول مو فاضيه طفشتني هذي مو حاله كل يوم..شعري نشف من الغسيل..الاولاد صحوا بروح اشوفهم..بنام تعبانه ...الخ..او لمن تكون بلحضتها.. تخرب جوه اما تنام بوقتها..او تستعجل..او خلاص خلصت؟؟ بسرعه ..الخ..وهذا اكبر غلط لان الزوج بيحس انك ماتبينه او مليتي منه وهذا يجرحه او يحسسه انك مو حابته ..وخاصه في البعض الزوجات بيمثلون انهم مستمتعات وقمه بسطتهم..لكن الزوج مو غبي بيفهم عليها..مافي اذكاء منه بهذا المجال..ويعرف اذا انتي مبسوطه او لا..يعني لاتمثلي لانه هذا بعد يكسر نفسه ويحسسه انك تاخذي على قد عقله....يتمنى انها هي اللي تبدا ..ولكن مستحيل والا سبق بدات..يعني غير مرغوب فيه..واكيد كذا راح ينسحب تدريجيا حتى يجد من يعوضه
وبطعا العشيقه غير 180% في هذا الموضوع..
تستقبله بالاحظان وقبل مايبدا هي تبدا تحسسه انها راغبه فيه..مشتاقتله..ملهوفه عليه..وتبدي سعادتها ونشوتها..إن العشيقه تبحث عن لذتها ومن قوة هذا الشعور تذهب الى المكتبات وتقرا الكتب الخاصه بالعلاقات الحميميه وتقرا القصص وتاخذ خبرات تكتسبها من خلال ماتقراه وتقوم بتطبيقــه لتكسر الروتين حتى في عملية (***)(ويامتزوجه وياللي تقرين كلامي هناك العديد من الكتب والمواقع اللي تكتب في المواضيع والحياه (***) )مستحيل تغمضين عيونك طول العمّـر الدنيا تغيرت ولازم تتثقفيــن(*** ) ..بعض الزوجات تقول ماقدر اطبق شيء انا قريت عنه او شفته اخاف زوجي اذا سويتها بيسالني من وين تعلمتيها..كذا بانحرج..انا اقولك الحل/قوليله بالغريزه تعلمتها وحبيت اطبقها خيالي رسمها لي وعجبتني..او قوليله ان من حبك واهتمامي فيك قريت بعض الكتب اللي تعلمني شيء اتوقع تحبه وطبقتها لك..ماتوقه راح يناقشك بعدين عن اي شيء انتي تسوينه او تتجددين فيه..طبعا بذكر شيء مهم وكثير بيصير بين العشيقه والزوج..وطبعا ماتصير ابدا بين الزوجه وزوجها..يمكن تكون غافله عنه ..او مو محتاجه لها..ولكن غلط ..اقولك وشلون..الزوج والعشيقه يقضون أوقات طويله في ممارسه (***) على الهاتــف وان العشيقه تستخدم عبارات حميميه تجعل الرجل يشعر بالنشوه والراحه وغالبا تكون هي المبارده لذلك ..حاولي ان تجربي هذه الطريقه عندما يكون مسافر او ظروف طبيعيه تمر بها الزوجه ..وحدث والا حرج في هذا الموضوع..عشان كذا خليت خيالكم تتصور الاحساس كيف بيكون مع العشيقه(***)>>>>باقي الموضوع مشفر..وانتي وذكائك ياعزيزتي..افهميها..كلام ماقدر اكتبه بس افهموها انه يعرف بكل نظره في عيونها وبخطوتها وبلمستها له انها تبيـــــــــــــــــــــه واستجابة العشيقه له ويشعر وياها انها ماتمثل انها فعلا عايشه معاه بمشاعرها وبعواطفها وناسيه كل شي في تلك اللحظــــه انا ما ألتمـس العذر لهذا الزوج واللي مثله ..ابدا بالعكس بس هو لقى له عذر يبرر له خيانتــه وزوجته هي اللي عطته هالعذر

أكبر خطأ ترتكبونه بحق ازواجكم

عيشي وياها اللحظه بكل جوارحها واستمتعي بكل ثانيه فيه خليه يحس انك انتي اللي ترغبين فيه ماهو بس هو اللي يرغــــب
الزمـن تغير وانتوا مجبريــــن تغيرون اسلوبكم موعلشان زوجك وبس عشانك انتي بــــــــــــعد
ياحريم ويابنات ترا الضغط يولد إنفجــــــــار

العشيقه تستغل كل فرصه وكل ثانيه الا وتعيشها مع زوجك ..تكرس وقتها كله له..ماتتخلى عنه ابدا..تعرف متى تتقرب منه ومتى يكون تعبان..لهالدرجه صارت اقرب له منك..اي ..لانها فهمته من عيونه ويش يبي بالظبط..وانتي والا داريه عنه..ليش؟؟لان في غيره يشغلك عنه..صديقات واهل واولادك..ماعندك وقت له....
ويش فيها اذا عطيتيه وقت لو ساعه..فضيتي له..جلستي معه..او اتصلتي عليه بوقت فراغه او بريكه بالعمل..سالتيه فطرت او تكلمتي معه عن الجوء او موقف صارلك بالعمل او البيت..مو معناته هو براء البيت توقف دورك..لا..بالعكس هنا يبدا..تدرين براء هو يعني اكيد بيكون شاف وسمع..هنا انتي اقطعي عليه التفكير بغيره..كلميه..ارسليله رساله تذكره فيك..لو كلمه احبك تكفى وتسد باب التفكير بغيرك
وكمان النظافه الشخصيه الداخليه..كثير نساء يهتمون بالمظهر الخارجي وناسيين مظهرهم الداخلي..وشلون تنسين مظهرك الداخلي وانتي زوجه..مايصير لازم النظافه والاهتمام..كذا زوجك بيحس انك مو نظيفه..او مو مهتمه له..لان نظافه اجزائك الداخليه تخص زوجك واذا اهملتيها معناتها اهملتي زوجك..واكثر الاحصائيات تقول غالب الازواج الخائنين كان سببها عدم نظافه زواجتهم الداخليه..
الزوجه>> من يدش الزوج للبيت تبدا بستقباله..لكن وشلون؟؟ تبدا تساله وين الغرض الفلاني؟؟ولدك ناقصه اغراض للمردسيه جبتها..البيت ينقصه اشياء رح جيبها..وشفيك تاخرت بالرده؟؟ساعه عشان ترجع للبيت؟؟ ليش رجعت..كان طولت برا؟؟؟ الخ..وتلقى وجهها عبوس حتى البسمه مختفيه..كله كوم ولبسها كوم..وشعرها لامته مشيء حالك..تقول تعودت عليه يعرفني زين بدون كشختي..اي زين يعرفك لكن غيري..حتى صديقاتك يعرفونك ..ليش تتكشخي لهم؟؟ليش تفكرين دوم ويش تلبسين لهم بالزياره..والمكياج لمين اللي دوم تشتري وتحط على التسريحه..والعطور والارواج؟؟يعني مو للزوج..اصلا هو متى يشوفك متكشخه الا بوقت الاعراس او زياره الاهل والاصدقاء..وهنا عاد يتمتع بشوفتك ..واللي يقهر انها ترجع للبيت على طوووووووا تغسل الميكاج وتزيله...طيب ساعه بس خلي زوجك شوفك يتمتع ..(كسر خاطري وربي)
العشيقه>>>تستقبله لكن وشلون؟؟؟ تاخذه بالاحضان وهلا وغلاء تو مانور البيت ..تاخرت علي..اقلقتني عليك؟؟؟ مابغيت انام وانت برا؟؟؟وتبدا تطلع هدومه ..جد فرق بينهم..اكيد..هناك الزوجه تبيه لاغراضها واغراض عيالها..لكن العشيقه تبيه لذاته..تحسسه انه هو الاول اهتماماتها..حتى لو بالكذب..بس عرفت وشلون تكسبه وتسحر بالكلام..وتلقاها مبتسمه وعيونها بتطلع من الفرحه..لا وبعد اللبس غير..شيء يشرح النفس..(ملهوفه مايلومونها)والانسـان بغض النظر كان رجل او إمرأه بنت او ولد شايب ولا شاب يحبون الشخص المتفائـل المبتسـم


لمن الزوجه تتصل على زوجه ..طايحه الميانه بينهم.. وبصوت خشن ومافيه اي انوثه حتى الضحكه تفجع وبصوت عالي مافيه رقى ..والا تساله وشلونك والا كيف امورك ..حتى ويش تاعبك ..والا وينك .. مافي ابد ..لكن لو كانت تتصل على رفيجتها تعالي وشوفي وشلون الدلع يكون والاحترام والاتيكيت..
العشيقه>>كل الدلع والغنج والاهات والضحكه تدوخ والزوج ضاع بخرايطها..راح يذوب عليها..شيء اكيد فرق بين اتصال الزوجه والعشيقه..هنا العشيقه استخدمه انوثتها وتدري ان الزوج يحب انوثتها وتعرف وشلون ان الرجل يدوخ على صوت الانوثى..(ان كيدكن عظيم)
إمليئ حياتك واشغليــهااا بكل مايعود بالفائـده لجلك انتي لك انتي لك انتي وحطوا تحتهـا مية خطـ
يازوجه حاولي انك ماتكوني على طبيعتك قدام زوجك عشان مايعتبرك واحد من الربع


ترا العشيقه ماعمرها كانت على طبيعتهـا قدامـه مستحيـــــــــل

حسي من داخلك انه هالرجال غريب عنـك.تيخيله غريب عنك..او انكم بوقت الخطبه يعني توكم تعرفون بعض ..شوفي وشلون راح يكون طريقه كلامك راح يتغير مره..راح تحسي انك صايره انثى ودلع ..جربي وماراح تخسري شيء..
ركزي بنفسك وتطويرها واستعيدي علاقات بصديقاتك واهلك ومارسي هواياتك واهتمامك بنفسك وقوي من ذاتك وشخصيتك عشان تكونين شخصيه مستقله مو تابـعه للزوج فقط
كوني شخصيه متفائـله مبتسمــه تثير البهجه
نجي نشوف الفرق بين الزوجه والعشيقه بمساله الزوج بحياتها:
الزوجـه : تجعلـه أهم شي في حياتهــااا < الخطأ بعيــنه



وشلون؟؟؟
يعني تجي الزوجه وتتكلم بكل عفويه وتقول انت انقضتني من حيات اهلي ..كنت بجحيم..كنت بفراغ ماعندي شيء اسويه..ماكان لي اي اهتمامات جيت انت وصرت كل اهتماماتي..غلط غلط..يحس انك كنتي والا شيء قبله وهالحين صرتي شيء معه..غلط.والبعض منهن تقعد تحكي كنت ببيت اهلي شغاله..او اخوي يعذبني ..ابوي مايحبني..امي تشغلني بالبيت والطبخ..هذا الغطل بعينه..كذا يقول بنفسه ماوراها احد محد يبيها..
لكن
العشيقــه : تضيفــه لحياتهــااا يعني يعتبر شيء إضافي لا أكثر >>> شفتوا
يعني حسسته انه شيء مضاف لحياتها وهنا بكل خبث تبدا تذكر انها عند اهلها اميره محد يهاوشها..او يتمادى عليها..يبدا هنا يحس انها بالفعل اميره..وانه مكل لحياتها..ويحس ان وراها سند ..ويبدا يتقرب منها ويكون احدى الاشخاص اللي يحبونها..راح يفكر مليون مـره قبل حتى يمـّسك بكلمــه ممكن إنها تجرحها
نجي هنا نذكر عيوب الزوج ..
الزوجه /تبدا تلومه وتذكره بعيوبه لو ماصار كذا ماكان حصل كذا..كله منك انت السبب فيك العيب ذا ..وتبدا موالها وشغاله بذكر عيوبه..اذا كان فاشل بدراسته تبدا تتكلم يافاشل لو كملت كان مركزك كذا وكذا وكان دخلنا ممتاز بس انت فشلت ..وممكن تذكرها لك بشكل غير مباشر..يعني فلان توظف باحد الموسسات المعروفه ومركزه ممتاز..لانه كمل دراسته ..يعني افهمها..
اما العشيقه/ تحبه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير >>>>خبره

تبيه كله على بعضه بعيوبه وحسناته.راضيه فيها..ماتحسسه ان قليل ..ويمكن ترفع معنوياته لو فشل باي شيء..وكذا يبدا يلجالها باي فشل يمر فيه..لانها تعرف وشلون تكسبه وتهديه اما الزوجه تبدا تلومه
نجي هنا (اذكر الثقه بالذات )وشلون؟؟
ان لازم يكون عندك اقتناع بذاتك عشان تشعري بالثقه بنفسـك والشعور بالثقـه بالنفس يولد الإحساس بالسعاده والتفاؤل
يعني ( الرضا عن الذات ) وأي شخص سواء كان رجل او إمرأه لم يشعر بالرضا عن ذاته فقد الثقـه في نفسـه ومن ثم يفقد الشعور بالسعاده والتفاؤل وهالشي ينعكس بأثاره السلبيه على حياته سواء كان في البيت او العملثقي بنفسك وارضي عنها تمام الرضا

اشعري بالبهجه والتفاؤل والسعاده كوني امرأه مبتسمـه مشرقه
يعني حسسي بنفسك انك كامله لاينقصك شيء..لاتحاولي تدققي بتفاصيل جسمك او حياتك الاسريه ..يعني ماتكوني راضيه عن جسمك شعرك بشرتك ..لاترددي انك فيك عيب او مو راضيع عن هالشيء..لا حسسي نفسك انك كامله وانك راضيه بحياتك وعيالك وزوجك لان كذا راح ينعسك على نفسيتك وكذا بيلاحظها الزوج..ويحس انك متفائله مبتسمه وتحسسيه بالراحه..مافي احد يحب الشخص الكئيب المتشائم..لاتحاولي يكون كلامك كله تشائم او قصص حزينه او احداث تكدر الخاطر..كوني مرحه..اضحكي دوم..لاتصرخي وتنزعجي من اتفه الامور..يعني عيالك خربوا شيء بالبيت..لاتقومي تصرخي..وتكبريها..لا مشيها..وكمان لاتجي تشتكي لزوجك عن عيالك او اهلك او اهله..صار وصار وصار..لا حاولي بقدر المستطاع تتكلمي عن الشيء اللي يبسط.يخلي حواركم ممتع بعيد عن القروشه..اضحكي وتذكري اشياء تبسط..
انتي كذا تظلي تحبطي بنفسك الى ان تصل الى مرحلة الاكتئاب ولا تظنون ان هالشي مايوصل الى الرجل يوصل له ويكتشفه بكل سهوله وهالشي اللي يؤدي الى هروبه الى احضــان إمرأه أخرى يشعر معها بالنفاؤل والسعاده امرأه ماتتشتكي امرأه تحسسه ان الدنيا بخيـــر مبتسـمه عذبه رقيقــه تتفجر سعاده

ركزي على الأشياء الإيجابيه في حياتك واصرفي النظر عن السلبيات وخلي في بالك شي واحد مافي حياة كامله على هالوجود ومتى مانظرتي الى الاشياء الايجابيه بتشعرين بالرضا عن الذات اللي بيولد لديك شعور بالثقه والسعاده

ابتسمــي ابتسامة رضا ابتسامة سعاده ابتسامة كلها تفاؤل

دخل زوجك ابتسمي له قوليله نكته حاولي تخلينه يشعر بالسعاده طول مانتوا جالسين سوا

ياكثر الاشياء الايجابيه من حولكم وانتم تصرفون النظر عنها وتركزون على السلبيات ناس غاويه نكد

وعلى فكره الإنسان بطبعه يميــل الى الشخص المبتسم ويهرب من الكئيــب لاننا اصبحنا في زمن كثرت المشاكل فيه وكلن يدور على راحت بالـه عرفتوا ليه رجالكم يخونونكم ؟

نجي موضوع الشك بالزوج/
يوجد نساء الله يهديهم يكثرن الاساله ..ليش جوالك مقفل..ليش مشغول..وباخر الليل..مع منهو تتكلم..ومن الاساله الاستجواب اللي تخلي الزوج ينفجر واكيد بقولها مع نفسه خلني اجرب وهي خاربه خاربه كذا كذا تشك فيني..يامتزوجات الرجل يحس ان المرأه باسئلتها وتكرار الاسئله عليه تحسسه بانعدام الثقه فيــه وتخليه يشعر بأنك تشكين فيــه ويمكن الزوج يكون بريء من هذا الشي تماما ونقي بس انتي تدفعيــنه بأسئلتك وشكوكك وإلحاحك المتواصل وحتى بنظراتك
المطلــوب

إشعريه بالثقــه اشطبي الأسئله من حياتك خليه يتنفـس شوي احسني النيــه
كنتي جالسه مع اطفالك على سبيل المثال وقلتي يالله خلني اشوف وينه هالرجال وتدقين وطبعا هو ما إن يشوف رقمك على شاشة جوالك بيعرف على طول انك بتسئلينه وينك فراح يطنش اتصالك يابنت الحلال جالسه مع اطفالك العبي معهم وتونسي واقري كتاب لهم بصوت مسموع منها تستفيدي وتفيديهم شوفي برنامج مفيد اي شي تشغلين فيه وقتـك

اشعريــه بالثقه الثقــه
استغلي أي فرصه عشان تقولين قدامــه آآآآه بس لو كل الرجال مخلصين مثل زوجي حبيبي زوجي هذا ياربي مافي منه ارسلي له مســج بين فتره وفتره لتعزيز هالثقــه على سبيل المثال
فديتك يا أخلص وأوفى بشر خلقــه ربي
تــدرون
هالكلمــات تقوي من علاقتكم إضافـه انه متى ماكــان الزوج يخون بعيد الشر والشريرات بيشعـر بعقــدة الذنــب اللي بتخليــه يترك هالعشيقـــه ..اصطنعي الخبث ويش فيها..حلالك ولابد تحافظي عليه بالمكر بالحيله لازم يردلك ..
ارجع واقولك انا ماطلع الزوج من اطار الاتهام لا..هو متهم متهم مافيها شك..بس هذي قرصه اذن لك يازوجه..واتمنى فهمتيها..انا تطرقت لكم سبب مع انه الاسباب كثيره ..وعميقه لكن تمنيت تفهمي اجزاء منها والباقي بشطارتك ..وقبل كل شيء ..زوجك افهميه قبل ماتحكمي عليه..
ونقطه اخيره
ان الرجل يناظر الاشياء الدقيقه وممكن تكون تافهه بالنسبه لك ..لكن له شيء كبير ..
عجبتني واستفدت منهااا فنقلتها لكم ،،،
اتمنى الاستفاده من الموضوع ،،، حريم وبنات ومخطوبات
http://vb.7mry.com/images/smilies/jhfshjncv.gifhttp://vb.7mry.com/images/smilies/jhfshjncv.gif