"ابو شهد"
08/02/2011, 09:43 PM
ياللي حضرت وجيت في قدر شاعر=يامرحبا بك هيل ترحيبة السيل
افرح بشوفك وان دفنت المشاعر=تظهر غصب عنها بجوف المعاليل
حاشا وكلا فيك ما كنت ناكر=ادري ويدري الليل واللي حوا الليل
عن مطلبك ما كنت في يوم قاصر=اصبر شوي وتشوف ركابة الخيل
خذ ما فهمته من كلامي وشاطر=معنى فهمته من معاني مساطيل
اذا عجزت اوصْلك بعد المخاطر=واري الغراب اللي حضر دفن هابيل
انا بقلبي لو فتحت الأواصر=عرضت دكان المُحبين تقبيل
احذر تخوض بفهم معنى مناظر=تتوه يا حمّال بالحط والشيل
وانا اول الطلاب بالصف حاضر=وانا اخر الطلاب في فهم تعليل
شاطر وترتيبي على الصف عاشر=اقصد انا الاول بفهم التعاليل
وانا الخبر لجلك نقلته مباشر=حفظت حق النشر من غير تعديل
هْنا حكاية حب ليلى وجابر=وهناك يا همام قهر الرجاجيل
عدّيت من بيتك ومرّيت خاطر=ودي بشرب الماء وصقع الفناجيل
أقرا من الختمة تبارك وغافر=وذا قدرت أقرا تفاسير الانجيل
ابو شهد
افرح بشوفك وان دفنت المشاعر=تظهر غصب عنها بجوف المعاليل
حاشا وكلا فيك ما كنت ناكر=ادري ويدري الليل واللي حوا الليل
عن مطلبك ما كنت في يوم قاصر=اصبر شوي وتشوف ركابة الخيل
خذ ما فهمته من كلامي وشاطر=معنى فهمته من معاني مساطيل
اذا عجزت اوصْلك بعد المخاطر=واري الغراب اللي حضر دفن هابيل
انا بقلبي لو فتحت الأواصر=عرضت دكان المُحبين تقبيل
احذر تخوض بفهم معنى مناظر=تتوه يا حمّال بالحط والشيل
وانا اول الطلاب بالصف حاضر=وانا اخر الطلاب في فهم تعليل
شاطر وترتيبي على الصف عاشر=اقصد انا الاول بفهم التعاليل
وانا الخبر لجلك نقلته مباشر=حفظت حق النشر من غير تعديل
هْنا حكاية حب ليلى وجابر=وهناك يا همام قهر الرجاجيل
عدّيت من بيتك ومرّيت خاطر=ودي بشرب الماء وصقع الفناجيل
أقرا من الختمة تبارك وغافر=وذا قدرت أقرا تفاسير الانجيل
ابو شهد