يالمبدع احذر تقل ياصاحبي وش تكيلي

[نجم الجنوب]

البدع=
تعال يالمبدع اعلمك عن دار بشكيك=
ديره على جال نهر ورودها البشت كيله=
في كازخستان ربي صانها مالمشاكيل=
لاتقول بالله بن منشار لي وش تكا له=
ولاتقل يارفيق الدرب له وش تكيلي=

[المبدع.]

صح لسانك يانجم .... ولاهنت


الرد : الزيادي=
**=
على من أشكيك ياحظي ليا قلت بشكيك=
ومن هو اللي ليا ضاق الصدر بشتكي له=
هذا زمان الشكاله في قلوب المشاكيل=
مابعقب اللي وصل (قاضي تُها) وأشتكى له=
لكنّ بأرجع على بعضي بعض وأشتكي لي=
**=

[نجم الجنوب]

الله عليك يابو زياد

ياعساني ما اعدمك وصح لسانك الجزل

لاعدمتك

[يعقوب الحسني]

يا سلام يا سلام على الابداع واهله بيض الله وجوهكم

[حسن القرشي]

المبدع
و
نجم الجنوب

صحت الالسنه وتعافت الابدان ويعطيكم العافيه

[نجم الجنوب]

حسن وووووووووووووووو يعقوب

مروركما يكفي متصفحنا

المتواضع

شرفا

لاعدمناكم

[الشامان]

صح لسان نجم الجنوب على الرائع من شاعر رائع ومتالق دائما

ووصح لسانك مبدعنا وشاعرنا الكبير محمد الزيادي على الابداع المتواصل
واصلو وحنا متابعين

[نجم الجنوب]

ارحب يابو رايد

صح بدنك ويكفي متصفحنا تألقا ! شرف مرورك شاعرنا

لاعدمناك