فهد قزعه لاهنت شرفني بردك الرائع لاهنت يابو رنيم

[الشامان]

الغالي فهد قزعه هنيا بدعاً كما فقده ان ناسبك الا اعطه البسه
ودي ارد من جمايلك لو وحده يالغالي



البدع من ابو رائد=
*=
الفارس اللي بيدعي ماتفيد الدعايات=
بي يعدم الخصم من شلفا يده بعد موتي=
يمظي في الصاعبه والا على جبر خاطر=
واللي بيرقى صدر مزحك وناويف راقي=
الناس تسرح في الوديان وترد روحه=




جبر خاطر تمر الدرب الخطير مجبور

[نجم الجنوب]

ووووووووترد روحه

صح لسانك يابو رايد على البدع المكلف

وننتظر مبعدنا فهد ليكتمل الجمال

تقديري

[المجاهد]

< الناس تسرح في الوديان وترد روحه >

الله الله على هذا الكلام يابورايد بدع موجه وسري للغايه ونتظر الشاعر الخلوق فهد قزعه رايح يجيب الرد الجميل ومسكت للغايه

[فهد قزعه]

صح لسانك واقبل الميسور =
*=
الرد : فهد قزعه =
*****=
ياحبيبي ماتفيد البهرجه والدعايات =
اذا تندمت ويش الفايده بعد موتي =
ارسل رساله على رقمي ولوجبرخاطر=
اذا ولابد تهجرني وناوي فراقي =
عساك ترحم فهدبالوصل وترد روحه=
*****=

[المجاهد]

صح لسانك يافهد قزعه على هذا الرد الجميل وانا من اول قلت سوف يرد برد مسكت وهذا هوا رد ردود كايف

[الشامان]

صح لسانك يافهودي هذا عشمي فيك ابداع منقطع النظير لاهنت يابو رانيم لكن
وش تالبخاله يافهد حتى كلمتا شكرا دقو مشك بين حجرين والله يسعد قلبك
والله اني احب امزح الا ادري ان قلبك طيب يابو رنيم ههههههههههههههه



البدع من ابو رائد=
*=
فالهول مافوت خطواتي وما فات قدمات=
الموت في ساعة المقدور عالذبح ياتي=
لوكان ننصى جبالاً شامخه وانتصا 0بر=
عليك ربط الحبل وانا علي الطلاقي=
مايشمخ المنتدى عالي بغير الصراحه=

[الشامان]

نجم الجنوب لاهنت يابو محمد اشكرك على المرور المشرف

[الشامان]

المجاهد ابو احمد صح بدنك يالغالي ومرورك احلى واحلى الف شكر

[المجاهد]

الموت في ساعة المقدور عاالذبح ياتي
الله الله يابو رايد على هذا الابداع نشوفه منك الحقيقه هنا بدع محشي محشي بالعلوم الطيبه من ابو رايد ونتظر الشاعر الخلوق فهد قزعه بالردود الذي سوف يسعد الجمهور وهو غني عن التعريف فهد معروف بابداعه

[المبدع.]

إي والله إنه محشي محشي على قول المجاهد هههههههههه

صحت الألسن أبو رايد وأبو رنيم ... والله علوم تنومس

ومتصفح متعوب عليه واصلوا فديت خنافركم العلم الاخضر

[السيف الأملح]

يووووووووووووه الله يسعدكم
عذبتم قلبيه وخليتموه يعود اخضر وهو كلته القره
والله هذا الكلام المتعوب عليه ماهو كلامي الي يجب الفاحس
صحت السنتكم وبيض الله وجوهكم

[الشامان]

مرور بهي يالسيف الالمح لاعدمتك يالنشي وكلامك تاج على راسي

[يعقوب الحسني]

الشامان وفهد
صحت الالسن وتعافت الابدان
تقديري

[الشامان]

الله يحييك يايعقوب واشكرك على المرور المشرف

[الشامان]

اشكر كل من مر من هنا وله كل احترام وتقدير

[فهد قزعه]

الشامان
صح لسانك يالغالي واشكرك جزيل الشكر ها تسدك والا ازيد ههههه
اشكر كل من شرفنا بمروه من هنا لاهنتم

الرد : فهد قزعه =
*****=
كيف اقدرآعيش وآقول اللذي فات قد مات=
وابو جديل"سلب عقلي وعذب حياتي =
مابقدراصبرلهجرك يالغظي وانت صابر =
ماغيرك احد" ملك قلبي علي الطلاقي =
والحب ماينبني صوره بغيرالصراحه =
*****=

[بديع زهران]

صحت الالسن لاهنتم يالنشامى بدع ورد قمة الابداع

[الشامان]

صح لسانك يافهد قزعه على الرد الاروع لاهنت يالغالي والظاهر اني اشغلتك معي
لنا لقا انشا الله واشكرك مره ثانيه

[FAPO]

مشكووور موضوع اكتر من رائع