ألفيّــــــــــات ربـــــــــــاع ،،، نوره الغامدي والدعوه عامه للجميع

[نوره الغامدي]

http://www.l-7oob.com/vb/storeimg/img_1343441461_484.gif


http://www.3thra.com/imgcache/61581.imgcache.gif
http://syrianboy.net/club/uploaded/2008-up/2345/1209221533.gif


ألفيّات رباع

موضوع جديد كل أمنياتي أن يرقى لذائقتكم أعضاء وزوار رباع
وكلي أمل في مشاركتكم لي بما تجود به القرائح ،

ألفيه من (الألف) إلى (الياء) بين أيديكم ومن أشعاركم كالتالي :

ستكون من ثلاث أبيات يبدأ أول بيت بالحرف المطلوب
والذي تم الوقوف عليه والدور إليه وينتهي عجزها بنفس القافيه
وتتغير القافيه من حرف إلى الحرف الذي يليه ،
وسيكون البيت الرابع قافيته عجزها ثابت إلى الحرف (الثامن والعشرين)
وسأبدأ بأول حرفين ومن أراد المشاركه أتشرف بتواجده وأشعاره .
وبعد الإنتهاء من الألفيّه الأولىنبدأ الألفيّه الثانيه وهكذا ،،،، إلخ .


البدايه :


(ألْفٍ) أولّف من جزيل القصايد=وأمدح رباع الصعبِ بأحلى الفرايد
أهل الشرف والعزّ ،، وأهل العوايد=وأمداحهم ماتختلف دايم الدوم
.=.
(الباء) بيوت الشعر ماهي قضيّه=إلا إذا كانت من الغامديّه
عليك يادنيا سلام وتحيّه= واللي حصل فيني مقدّر ومقسوم



الشاعر أو الشاعره الذي بعدي سيبدأ بحرف (التاء) على نفس النهج
والطريقه ،،، أنتظر تفاعل شعراء رباع مع خالص الشكر .

[نوره الغامدي]

http://www.nooor.com/thumbs/ba2a8623fbdf.jpg



(والتاء) تراني مثل من ضيّع إبْره=كيف إنتظر ،، والمنتظر مَلّ صبره
على الحبيب اللي سكن وسط قبره=أبكي على صورته وأقول مرحوم

[نوره الغامدي]

http://www.nooor.com/thumbs/4d57703dd930.jpg




(والثاء) ثُمر عمري وزهرة شبابي=واللي عليه أطير وأفقد صوابي
راح وتركني عقبه أشكي عذابي=سهّرني الغِرّات ،،، وأحرمني النوم

[نوره الغامدي]

http://www.nooor.com/thumbs/3dc60a3226a4.png



(والجيم) جاني البارحه تالي الليل=طيفه مسيّر ،، وأمطرت دمعتي سيل
غصبا" عن أهل الحيّ والقال والقيل=اليوم ،،، لي موعد معه ثاني ،،، اليوم

[لؤلؤة زهران]

شاعرتنا القديره اشكرك على حضورك الرائع على طرحك الراقي وعلى ابياتك الممزه
اعجبتني فكرة الموضوع وحبيت اشارك ببعض الابيات المتواضعه
((ح))


(والحاء) حياتي كلها خير في خير= والفضل للي رازق الانس والطير
يعطي مخاليقه بحسن وتدبير =سبحانه اللي فارض الحج والصوم

[لؤلؤة زهران]

((خ))






(والخاء) خبرجاني مع فجر الاثنين=صحيت من نومي وانا اسمع خبر شين
اتحجرت في مقلتي دمعة العين = والصدر ضاق وصابني حزن وهموم

[ملك الليل999]

موضوع رائع وجميل والف شكر

وش اللي بعد الخاء ههههه

بس ارجو التوضيح اكثر اخت نوره بشكل مبسط
وش درى برطمان عن العجز ههههه

[نوره الغامدي]

اختي لؤلؤه منوره الموضوع ياقلبي

وأرسلت لك رساله ع الخاص ،،،

اخوي ملك الليل منوور ولاخلا ولاعدم

الطريقه

1ــ على نفس الوزن في الابيات السابقه تأتي بثلاث أبيات بأي قافيه كانت

ولكن البيت الرابع تحكمك قافيته المنتهيه (بالواو والميم) مثل ( دايم الدوم ،،

،، مقسوم ،،، النوم ،،، اليوم ،،،،، الخ )

2 ــ الحروف بالترتيب ( أ ب ت ث ج ح خ د ذ ر ز س ش ص ض ط ظ ع غ

ف ق ك ل م ن ه و ي )

[نديم القوااافي]

الله يعطيك العافيه على هذا الموضوع وهو نشيد من الموروث واغلب

(
والدا ) دوا المؤمن ترونه صلاته=
تنفعه لا ضلى لباسه صلاته =
واللي تركها نعلبوها حياته =
حافظ عليها لا تقل كنت محموم=

[نوره الغامدي]

يسلمو ابن عمي على المشاركه ،،، وصح لسانك

لاخلا ولاعدم

[لؤلؤة زهران]

(والذال) ذكرى الاهل والحيّ والدار = دمعي عليها يسجم الخد مدرار
وخلف الحنايا يشتعل خافقي نار =والقلب صابه من الوله سهم مسموم

[(((بن هندي)))]

والرا(رويت أنا من الحب ومليّت =وأنا الذي بيد الصبايا تقهويت
واليوم ماعد ينفع أقول ياليت =مادام قلبي صار مالحب موسوم

[نوره الغامدي]

أشكر كل من شاركني ولاخلا ولاعدم

لؤلؤة زهران ،،، نديم القوافي ،،، ابن هندي

[نوره الغامدي]

(والزاء) زماني شدّ قلبي وتلّه=والشوق الأول زوّد الطين بلّه
ماسابني لين إنتهى العمر كلّه=ولايزال الحزن له برق وغيوم

[نوره الغامدي]

(والسين) سوّا بي فراقه سوايا=أشوف طيفه في وجوه المرايا
وأشمّ عطره في جميع الزوايا=وأشهق له الأنفاس وآطيح وآقوووم

[(((بن هندي)))]

(والشين) شلت الحمل وأنا لحالي=وذقت في دنياي مرٌ وحالي
عزي لمن مثلي ويا عزتا لي=من جرحي اللي من سبايبه مكتوم

[(((بن هندي)))]

(والصاد)صابتني سهومٌ خطيره=واللي صويب الحب هذا مصيره
مسكين من ضاعت عليه البصيره=يعيش باقي العمر تايه ومضيوم

[(((بن هندي)))]

(والضاد)ضاق الصدر من كثر مابي=من المليح اللي مزوّدعذابي
يالله أنا طالبك تجبر مصابي=مادامني فالحب مدري من ألوم

[(((بن هندي)))]

(والطاء)طويت اليوم حبل الصداقه=حيث إن مالي فيه قدره وطاقه
العشق يبغي له زيادة رشاقه=ولا بيقبل فيه مشرى ولا سوم=

[نوره الغامدي]

ابن هندي

صح لسانك ،،، شاعر رباع

وأشكرك على جمال حضورك

وروعة مشاركاتك ،،،
لاخلا ولاعدم

[نوره الغامدي]

(والظاء) ظلمني نور قلبي وعيني=تحت الثرى ماعاد يقدر يجيني
من يوم حال القبر بينه وبيني=وهو صغير ووقتها دوب مفطوم

[ملك الليل999]

(والعين ) عيني تعكس انوار نورك=ويسرها شوفك وروعة حضورك
تزورنا واحنا كذلك نزورك=نسامر القمرا بهوجاس واحلوم

[لؤلؤة زهران]

(والغين) غبن القلب والعين والروح = من كثر وناتي غدى الصوت مبحوح
ودمعي يسابق خطوتي وين ماروح=والحظ بالحسرات والغبن مختوم

[نجم الجنوب]

والفا فراق اللي نحبه مصيبه=تغدي الليالي عقب فقده عصيبه
وكلن في الدنيا يلاقي نصيبه=هذا الصحيح ورزق الانسان مقسوم

[زهراني زهران]

دائمًا
أعلم قبل دخولي لعوالمك
أعلم أني سأنبهر
رغم التوقع
وهذا سر إبداعك المتجدد المدهش
أيتها الشاعرة المبدعة
لشعرك طعم مختلف
ولمشاعرك نبوغ وتميز
محبتي وكثير إعجابي وتقديري

[اميرة الاحساس]

نوره مو ضوع اكتر من راااائع
تسلم الايااادي حبيبتي ويعطيكم العااافيه
جميعاً امتعتونا بابياتكم الرااائعه وتسلسل الجمييل
تقديري وحترامي حبيبتي نوره

[أبو نواف]

القاف قمت اكتب نشيدي والابيات=واتذكر الوقت الذي مالعمر فات
وامسح دموع العين واقول هيهات=ياقلبي اللي بين الاضلاع محكوم

[لؤلؤة زهران]

(والكاف) كتبت اعذب حروف الكتابه= ولامن كتبت الحرف كلن يهابه
نبراس للابداع وفن الخطابه = في وقت فيه الصدق والحق مذموم

[أبو نواف]

اللام ليت الزين يرفع حجابه=واشاهده بالعين واقرى خطابه
واشرب معه فنجان يحلى شرابه=وابقى اسيره في الهوى دايم الدوم

[لؤلؤة زهران]

(والميم) منى روحي وغاية مرامي=اشوف نور العين لو في منامي
اللي عظيم الشان عالي المقامي = راعي الوفاء والطيب من خيرة القوم

[نوره الغامدي]

ملك الليل

لؤلؤة زهران

نجم الجنوب

ابو نواف

صحت السنتكم ،،، كلكم ذوق

لاخلا ولاعدم

ــــــــــــــــــــــــــــــــــــــــــــــــــ ـــــ

زهراني زهران شرفتني خوي

لاخلا ولاعدم

ــــــــــــــــــــــــــــــــــــــــــــــــــ ــــ

أميره حبيبتي نورتي المتصفح

بطلّتك فديتك ياقلبي

[نجم الجنوب]

(والنون) نار الهجر تحرق خفوق=من صاحبن ماهو بخله شفوقي
كنت احسبه بين البشر مايبوقي=من عقبه انا صرت بالناس محروم

[نوره الغامدي]

(والهاء) هجرت اللي بكيفه هجرني=لا مايجوز أوفي مع اللي غدرني
حتى ولو إنّه بهجره دُمرني=ماني بملزومه ولا هو بملزوم

[أبو نواف]

الواو وين القاك يانور عيني=يامالكن قلبي بماضي سنيني
عقبك لذيذ النوم عيا يجيني=في بحر حبك ياعشيري بلا نوم

[لؤلؤة زهران]

(والياء)يمين الله رب المخاليق=اللي رحيم بمن شكى لوعة الضيق
مابوح باللي خافيات المغاليق = وفي الشدايد حازمه بنت زيزوم

[نوره الغامدي]

صحت السنتكم ،،، شعراء رباع ولاخلا ولاعدم

عاجزه عن التعبير والشكر لكم على المشاركه

بهذا الموضوع ،،، الله يسعدكم ويوفقكم يارب

وإلى (ألفيّه جديده) أخرى إن شاء الله بعد تنسيق

هذه الألفيه وطرحها كقصيده كامله ،،،

[نقاء]

موضوع رائع وجميل والف شكر

[صقر الجنوب]

انا اشهد انكم رائعين والفية رائعة وفكرة رائدة غير مسبوقة من شاعرتنا القديرة نورة الغامدي
شهادات الشكر والتقدير لاتوفيك حقك ياشاعرة الجنوب