المكايد للي وده

[نجم الجنوب]

البدع=
انا كنت اظن الكيد غير المكايد=
الي شفت لي شله بزعبه من الكيد=
عليكم فتحت النار ياللي تكيدون=
وماقد ربح بالكيد من كايدوني=

[المبدع.]

هههههههههه يالله أعطنا خيره هههههههههه

وش معك ... ماشي خلاف ؟؟؟؟؟؟؟؟؟؟؟ صح لسانك ملايين ...


الرد : الزيادي=
**=
يقول الزيادي شفت لي علم كايد=
ولا أدري وش اللي ماتوكّد من الكيد=
عسى أهل الوكاد بكل موقف يكيدون=
ويبقى النكد له ناس منكايدوني=
**=

[نجم الجنوب]

صح لسانك يابو زياد

البدع=
انا يالزيادي حل نفسي وقايد=
ومن معصمي لاهل الزمن باكسر القيد=
الى سرت في نعمه بجنبي يقيدون=
وفي وقت زحمه شفتهم يتركوني=

[المبدع.]

سلامة قلبك ههههه خلك برطماني ومشكاك على الله

صح لسانك ملايين ...


الرد : الزيادي=
**=
أشوفك لبدع الهيض حاكم وقايد=
زمام المثل يحتاج للحُكم والقيد=
وأنا يوم جيت أقلّد اللي يقيدون=
تهادت بيَ السّامه وطاحت ركوني=
**=

[نديم القوااافي]

ههههههههههههه صحت السنتكم شعراء الابيات الجزله على قول طنت لوله safaqah

[نجم الجنوب]

ارحب يابو سند ويكفينا شرف حضورك

صح كلك

[همسة شوق]

نجم الجنوب

المبـدع

صحت الالسنتكم ولاهان منطوقكم

يعطيكم الف عااااااافيه ..وردددة

[نجم الجنوب]

طيب طيب يابو زياد صح لسانك

واستلم استلم



البدع=
تسوق التريله ليش والقلْص مايد=
وعيشتْك عيشه هانيه بالمراغيد=
وماقد سمعنا باهل منعا يشدون=
ونور الكواكب ياتلالا شعوني=

[نجم الجنوب]

صح بدنك همسة شوق

وشكرا لعطر مرورك

[المبدع.]

لاهنت يابو محمد وصح لسانك ملايين

والشكر لكل من شرفنا بحضوره ... منورين


الرد : الزيادي=
**=
ألا ماأحسن الكابات بعد الصمايد=
أبفقد صوابي ياهلي يوم أرا غيد=
يقول الزيادي مات من عايش الدون=
ولا أبغي من الخُطْلان واللاش عوني=
**=

[المجاهد]

صحة السنتكم شعارنا
ولكم تقديري

[نجم الجنوب]

البدع=
اشوف الكلام الراكد الحلو سايد=
وماكل نفس اليا نوّت شيٍ تجيد=
كلامك من الحكمه ينادم بلج نون=
وانا قمت اغني واتمايل بشوني=

[نجم الجنوب]

صحة السنتكم شعارنا
ولكم تقديري

مرحبا يابو احمد

صح بدنك ومرورك يشرفنا

لاعدمناك

[المبدع.]

الله الله .... صح لسانك ملايين

البيت الثاني عندك صرح من جنب القده

ربما قصدك (( وماكل نفس ليا نوت شيٌّ اتجيد ))


الرد : الزيادي=
**=
ترى النوم مايجلبه كبر الوسايد=
وبعض القلايد وضعها شيّنت جيد=
تعاملت لأصحاب المجنّه ... بالجنون=
وتابوا عن اللبشات ... مايلبشوني=
**=

[أبو نواف]

صحت السنتكم شعرائنا

ولكم فائق التقدير

[نجم الجنوب]

ارحب يابو نوووووووووووواف

صح بدنك وشكرا لشرف مرورك

لاعدمناك

[نجم الجنوب]

صح لسانك ههههههههه ماعليش ابو زياد مادري وش نقز بالهاء البلهاء

واستلم استلم




البدع=
من الشقر يالمبدع تجيب الفرايد=
وانا عن قناعاتي مع الناس ما احيد=
اذا انته عليّ تمون ياخي ولي مون=
خذ الجن من سبه ومن يحر جوني=

[المبدع.]

ههههه صح لسانك ... وبدوعك فرايد يابو محمد


الرد : الزيادي=
**=
هبطنا على سطح القمر بألف رايد=
وجينا وهو من قاسي الصلب والحيد=
ولابه مزارع من سفرجل وليمون=
ولكن هدا الله العرب يحرجوني=
**=

[نجم الجنوب]

انا اشهد يابو زياد هههههه صح لسانك
واستلم استلم






البدع=
تجيب الشوارد واضحات القصايد=
وانا مبتلش في سيئين المقاصيد=
يقاسون والا جعلهم مايقسيون=
يروحون عني دام ببلاش جوني=

[الفقيرالى الله]

جميل ماسطرتم يالغالين تقبلوا تحياتي

[نجم الجنوب]

جميل ماسطرتم يالغالين تقبلوا تحياتي

ارحب اخوي الفقير الى الله

والاجمل حضورك وتوقيعك الميل

لاعدمناك