حلت ثمان اسنين والعالم يشهد ذكرى البيعة والملك عبدالله

[مشهور]

حلت ثمان سنين والعالم شهود

http://s.alriyadh.com/2013/05/06/img/610949118155.jpg


يا الله يا رحمن يا خير معبود
تقبل دعا من يقصدك في سؤاله
ترحم زعيم في ثرى العود ملحود
وترحم ملوك قد مضوا من عياله
وتحفظ ملكنا سيد الطيب والجود
عبدالله الزيزوم رمز العداله
حلت ثمان سنين والعالم شهود
مرت كما برق مضى في عجاله
هذا المليك اللي به الخير معقود
الصعب في عهده يسير مناله
يعطي عطا ما فيه من ولاقيود
يا ما انفقت يمناه وايضا شماله
ما ننشده في عهده اليوم موجود
امن ورخا هيهات نلقى مثاله
اكرم بيوت الله بلا حد وحدود
واعطى لها من حر ملكه وماله
يبني في يوم ما بني الغير في عقود
متوكل بالرب جلا جلاله
صارت بلدنا كلها سهود ومهود
ما عاد يوجد في بلدنا استحاله
هذا ثمر حكمه تمايل به العود
طيب جنى ياسرك زاهي جماله
من عهد ابو تركي ومن بعده سعود
واخوانه اهل الطيب واهل الشكاله
فيصل وخالد والفهد ذخر الفهود
حتى ملكنا اللي ندر في خصاله
وحنا في عز والعطا دوم ممدود
يشهد ثرى بلادي وتشهد جباله
واصبح وطنا ملتجى لكل مضهود
من عاش به ما عاد يرضى بداله
واللي بنعمه دايم الدوم محسود
من حاقد يهوى الغدر والعماله
اللي يريد الشر لا شك مردود
ما نتبع أهل الزيغ واهل الضلاله
يا باغي فتنة ترى الدرب مسدود
مالك مجال تشتغل من خلاله
هذا الوطن حنا له دروع وجنود
يأمر أبو متعب ويلقى رجاله
عهد علينا قاطعينه من عهود
وفي أولادنا يبقى العهد واتصاله
وازكى صلاة عد ماهبت النود
تغشى النبي محمد وصحبه وآله
ناصر بن جمعان آل عوض
وادي الدواسر

[لؤلؤة زهران]

مديرنا مشهور سلمت يداك على نقلك الجميل
حفظ الله خادم الحرمين الشريفين وامده بالصحه العافيه

[آميــر الكـونـ]

الله يطول بعمر مليكنا وقائدنا أبو متعب
والف شكر أستاذنا مشهور على هذه القصيده