|
يموت في قلبي الحنين وينطفي جمر الوله = والشوق روحه تحتظر والصمت يجرحه الانين لؤلؤة زهران |
روح جعل الله يرحم والديك ولا توادع=لا توادع روح جعل الله يرحم والديك وش تبي لحظة فراقك غير تقليب المواجع=في خفوق اللي لا شافك صد كنًه ما يبيك |
عسى المقسوم يوصل لك ولكن وش ورى المقسوم =اخاف القلب مايقنع وعينك ماتهنى به ليالي الشوق للانسان تزين للعيون احلوم=تحذر لا تصدقها ترى الاحلام كذابه |
الحلم يجمعني بكـم كـل ليلـه" "يطوي بساط البعد مابيننا البيـن |
{ڪلً البشر مافيهم إنسان/ كامل الكـًل منٍـآ عنِده أخطًاء «وذَنوٍب . وأكبًــر خطَـأ فٍي ـآلنًاس سٍوء ـآلتعًامل [ وـأگـبٍر ذنُوـوب ـآلناَِس تذنِب ولآ تتًوب ] |
علمتني كرامتي ان يبقى راسي مرفوعا حتى لا يطعنوني
بالخناجر علمتني كرامتي ان أعامل الناس بكل تواضع دون المساس بعزة نفسي وكرامتي |
على رغم الجفــــا والصـــد يبقى الحب له (كلــه) سكن في داخل أعماقي وهو وينه وأنا ويني ! ........ علي السبيه .. |
غيمه جنوبيه سبقتيني وانابعد نسخت احد ابيات شاعرنا القدير علي السبيه ولو مات الامل باقي عيون الشوق ترقب له وتتحـرّى مراسيـــله ولـو تاهـت عناوينـي علي السبيه |
لؤلؤة زهران ...لا ياقلبي لا سبقتك ولا شي والعين ماتعلى على الحاجب وان دل هذا على شي فإنما يدل على أن أبو طلال يفرض حضوره حتى وهوغايب فديت قلبك أنا ..... ســــهرت أهوجس بحبك ليــلة البارح وضاق من زود شوقي صدري البارح وقفت حيران في وسط الفضــــا البارح ولاقـــــدرت أنقل أقــــدامي ولا أبارح ..... علي السبيه .. |
اشكرك اختي الغاليه غيمه جنوبيه فعلا الاخ علي السبيه شاعر مميز ذو خلق رفيع تميز بتواضعه وتعامله الراقي مع الجميع ومن هنا انا اقترح عليك اختي الفاضله ان تنشيء صفحه مستقله لقصايد الشاعر علي السبيه وتكون مفتوحه للجميع يشاركون بما يختارون من ابياته سواء النبطيه او الجنوبيه وهذا اقل شيء نقدمه للاخ الشاعر علي السبيه اتمنى تروق لك فكرتي واقتراحي دمتي بخير وعافيه |
لؤلؤة زهران ماراق لك راق لنا وبإذن الله جاري التنفيــــــــــــــد .... الهجير المعذره منك ترى السوالف عن ابو طلال دخلت بعرض الموضوع بس أنا أشوف إن حتى الكلام عن شاعرنا القدير علي السبيه لايقل جمالآ عن أجمل الأبيات في متصفحك ولابتختلف معي بالرآي أكيــــــــــد ....... .. |
غيمه جنوبيه وجود إسم أبو طلال لوحده في متصفحي قصيده أخرى باذخة الجمال أكييييد أتفق معك فالجمال لا يختلف عليه الخيال |
كتبت لك شعري ضلالة حب وأحضانك هدى وفرشت لك شطرين من شعري ولحفتك شطر والحين دامك تعتبرني واحد من المنتدى ببعد وأشوف اللي دموعه فوق خده تنهمر ( للهجير ) |
بعد مافات الاوان التقيت انا وياه = هو بعيد وانا بعيد والحكي همس الحروف ليت يرجع بي الزمن يمكن يجمعني معاه = ويلتقي قلبي بقلبه ولا تفرقنا الظروف وليت قلبي اللي هواه يتحقق له مناه = وليت قلبه لادر ى يحتظن قلبي الرهوف لؤلؤة زهران |
ركز معي .. وآسمع مفآهيـم وعلـوم عشآن تدري كيف حبـك .. الصناعـه الخبث في الاعدآء .. ما يلحقـه لـوم والكذب لجل الوصل .. ينهي القطاعـه وطعم السهر بالحب آحلى مـن النـوم والذل من فرقـآ المحبـه .. شجآعـه يعني آكون آغليك .. وآعيش محـروم احسن من جروحك علي كـل ساعـه |
همس شوقك شايفا نفسه تغلا=وصمت شوقي داخلي هلل ولبا لا تقول الشوق لعبه كل من يهوى تسلا =شوقك المولود فيني داخلي شب واتربا لؤلؤة زهران |
يالحبيبه لا تلوميني على قل الكلافه =ما ذبحت الا الطعون ولا عزمت الا الحنايا |
[table1="width:95%;background-color:black;"] | [/table1]لا تجرحيني بالجفا وصلـك ادواي ما راح اقول الـي يبينـي يجينـي مليت هجرك منتظر قولتك جاي غرام حبك في خفوقـي دفينـي عزفت لك لحن المحبه على النـاي وارخصت لجلك ما بقى من سنيني غاب بغيابك كل فرحٍ بدنيـاي شوف الحزن في غيبتك محتوينـي |
صـــــوتك دفى وأنفـــــــاسك اتضيع البرد وصدرك حـــكاية ..سالفتـــها طويــــــــله ,,, .. |
لا تناااااااااام ... خاااااطري الليله أفضفض ... داخلي زحمة كلااااااام ... أولاً : أنا أحبك ووورد ثانياً : أنا أحبـــك ووورد ثالثاً : ودك تناااااااام ؟ هااات رااسك عند صدري ... والتحف كلمــــة :أحبــــــــــــــــــك ... ووورد لين ما تدفا .............. وناااااااااام ووورد |
اليوم يشبه مغيب الامس=لا فرق بين حاضر وماضي تشرق وتغرب علي الشمس=وانا على كومة انقاضي مابين صمتي وبوح الهمس= القلب باللي انكتب راضي لؤلؤة زهران |
يآويل قلبي لآ غدت غيم وبروق . . . . . . . . شي ٍ وحيد ٍ بس منه المخافه ، آخاف لازاد المطر زاد ذا الشوق ! . . . . . . . . و أجيك مع سيل المطر وانجرافه |
وش تبيني أقول ؟الصدر يروى عطش؟=كم لي أطرد سراب الحلم وأزريت أصل الطريق الوسيع يضيق صدره طفش=والحشا وإن تباعد عاش حلم الوصل |
لاقلت لي ( كيف حالك ) ؟ زانت علومي كنّك تقول : آستلم مليار في حسآبك ! يعني لوّ ! تجي تحفّاني بـ ( شكل يومي ) ؟ آبشتري ( ارآمكو ) .. وآبشتري ( سابك ) ! |
لا صار عقلك ثقيل وصار قلبك خفيف عزالله ابتبتلش وتضيع في المعمعه ولا صار صاحبك دلوع وجميل وعفيف خل العقل يسكت .. وقلبك تفاهم معه |
بنت بدوّيه .. ماتحذف البواشي ولا تعرف الحب .. دامه زمن حب ! ما تاكل إلا لحم هرفي .. وحاشي ! ومرّات تقفل .. ودّها بـ لحمة ( ضب ) |
ياصاحبي ذبحني البرد يكفي الى متى وانا انتظر فوق شُرفه !! ( لاصار شباك الموآعيد مجفي قل للشوآرع : تجمع اثنين صدفه) !! |
اطنـخ تدّلل دام أنــا وانــت حيـيـن تفـداك روحـي كـان روحـي تسـدك ديرتك قلـبـي والـشـوارع شرايـيـن تمشي مـع الشريـان مـن حيـث ودك مره تمشى داخل العيـن يـا عيـن ومـره تخـش الفكـر محـد يـردك ومـره تخيّـم فالحشـا بيـن ضلعـيـن وعلـى غـديـر الــود تـرشـف بـيـدك http://gazlaltmathel.com/vb/images/icons/ww6ww.gif http://gazlaltmathel.com/vb/images/icons/ww6ww.gif http://gazlaltmathel.com/vb/images/icons/ww6ww.gif |
اعترف لك مابقى لي غير اوراق الالم = واعترف لك مابقي لي غير مجموعة حروف كلها ايامي سراب.. انطفى نور الحلم = نون عيني يالغلا ..غيرطيفك ماتشوف لؤلؤة زهران |
للغايب الله يخليك لخفوق(ن) عاش يتنفس هوال=يمرًر إسمك في عروقه والضلوع تناوله اللي ليا منه تذكر فرق وصلك عن جفاك=بكى بدمعة من يكابر والحزن متحاوله |
اشد سراج الفكر واجود الجامه واصور همومي على معاني حروفي احد يفهم مقصدي وأحدن يتجاهله واحدن لا طرى اسمي يفهم غايتي |
يابري حالي على وصف المره ... تتعب القلب المعنى لو وصف الخصر عودن تعلاه اثمره ... والردف ياويل قلبي من ردف مابقول الا عساني ما نظره ... خدها بدر ن تعلى ماخسف للحديبي |
في صدري مثل اللهيب وفي خفوقي جمره=أستباحت كل ما فيني بلا حنيًه والحزن مصبوب وسط القلب قطره ! قطره=ما ترك فرصه لقلبي يستريح شويًه الهجير |
الا يابيوت الشعر لا تشغفي الولهان= وحني على قلبٍ تألم شرايينه بنى في الحشاء قصر الغلا وشرع البيبان = وفي ليلة غبرا فقد شوف مغلينه بعد كان عايش في سعاده مع الخلان=عجاج الزمن وسط الحشا اركز سكاكينه وسلط جيوش الهم واحتلت الوجدان =وضيم الليالي السود زود وناوينه لؤلؤة زهران |
مادام ربي ماكتبنا حبايب وش ذنب حق المعرفه والصداقه باقي على بالي ولو كنت غايب منت بعدوي لجل ادور فراقه |
[table1="width:95%;background-image:url('http://');background-color:black;"] | [/table1]تناديني وأقول لك ( سَـــمْ ) أنا كلي تحت أمرك أنا من راسي لأقدامي أخلي الغالي يرخص لك ◦◦◦ فديتك بأهلي وناسي ( لأنــكْ ) كل ما أملك ◦◦◦وكل الناس ما أبيها إذا ماضمني احساسك |
للصمت لذة .. لا غدا للوله بوح رغم ان صمتي ما يخفف طعوني بي حزن شاعره وابتسامات مجروح ولي دمعتينٍ لا سهيت ذرفوني ما كن لي قلبٍ ولا كن بي روح ما هوب ذا شكلي ولا هوبــ لوني |
الليله اللي تزفَ الحزن في ثوب عيد=الى متى والشفق واقف على بابها ؟ ما قصَرت فصًلت لي ثوب حزن(ن) جديد=ما تدري أن الوسيعه ضاقت ثيابها؟ الهجير |
هذا أنا،، جالس على دكه الحب اتابع اشواط الغياب الاضافي .. على امل ركله وصل تنعش القلب من قبل صفارة فراق وتجافي اثر الحبيب الي تركته على الدرب راح وخذاله لاعبن احترافي http://gazlaltmathel.com/vb/images/s...soccer_h4h.gif |
مـن ليلـة البـارح وخانقـنـي الضـيـق عسـى صبـاح اليـوم يطلـق سراحـي ) ( وعادت لي الضيقة على فكة الريق الله يـهـونــهــا ويــســعـــد صــباحـي |
| الساعة الآن 01:20 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع